Bæjarráð

Fundargerð

414. fundur bæjarráðs Grundarfjarðar,

 haldinn föstudaginn 25. maí 2012, kl. 15:45, á bæjarskrifstofu Grundarfjarðar

Mætt voru: Gísli Ólafsson (GÓ) formaður, Eyþór Garðarsson (EG) og Þórður Á. Magnússon (ÞÁM).  

Að auki sat fundinn Björn Steinar Pálmason (BSP), bæjarstjóri sem ritaði fundargerð.

Gengið var til dagskrár.

1.       Lokun afgreiðslu Landsbanka Íslands í Grundarfirði.

Vegna ákvörðunar Landsbanka Íslands hf. um að loka útibúi bankans í Grundarfirði samþykkir bæjarráð samhljóða svohljóðandi ályktun:

 „Lokun Landsbankans er alvarlegt áfall fyrir viðskiptavini hans og samfélagið allt. Ákvörðunin er ekki tekin vegna rekstrar útibúsins hér, heldur vegna hagræðingaraðgerða í heildarstarfsemi bankans. Lögmál útrásartímanna lifa enn góðu lífi í bankaheiminum og lítið virðist hafa breyst. Í banka í eigu ríkisins, banka sem þykist hafa markað sér stefnu um samfélagslega ábyrgð, er krafan um arðsemi enn öllu æðri og ekki hikað við að kippa burt einni af grunnstoðum samfélaga. Bæjarráð lýsir mikilli vanþóknun með þessa ákvörðun Landsbanka Íslands.“

Fleira ekki tekið fyrir.

Fundi slitið kl. 16:00.