17. maí 2013 14:20

Vinnuskóli sumarið 2013

Sumarið 2013 verður Vinnuskóli Grundarfjarðar starfræktur frá 3. júní  til 5. júlí, alls í fimm vikur. Boðið er upp á meiri vinnu og hærri laun en áður. Nú stendur unglingum til boða að vinna í allt að 168 klst. Vinnuskólinn er fyrir unglinga sem lokið hafa 8., 9. og 10. bekk.

Vinnuskólinn er sambland af námi og starfi. Þeir sem taka þátt í allri dagskránni fá greidd laun fyrir fræðsludaga. Í lokin verður síðan vegleg grillveisla.

Klæðnaður skal hæfa veðri og eðli vinnunnar. Helstu verkefni verða fegrun umhverfisins og vinna tengd gróðri.

Umsóknarfrestur er til 25. maí. Umsóknareyðublöð liggja hjá skólaritara grunnskólans og á bæjarskrifstofunni.

Reglur um vinnuskólann eru á vef Grundarfjarðarbæjar. Unglingar, foreldrar/forráðamenn eru hvattir til að kynna sér reglurnar.

Nánari upplýsingar veitir Ragnheiður umsjónarmaður vinnuskólans í síma 690 6559.

Vinnuskóli Grundarfjarðar

17. maí 2013 11:25

Vorskóli

Í vetur hefur verið gott samstarf á milli leik- og grunnskóla eins og undanfarin ár. „Brúum bilið" verkefnið hefur fest sig í sessi og hafa elstu börnin í leikskólanum komið í nokkrar heimsóknir í grunnskólann í vetur.

Dagana 13. – 17. maí var svo komið að vorskólanum. Íslenska fánanum var flaggað í tilefni af komu barnanna en það er ávallt mikil tilhlökkun hjá börnum, foreldrum og starfsfólki skólans þegar komið er að þessum tíma. Fjölbreytt dagskrá var þessa daga. Nemendur fengu meðal annars að prófa sund, smíðar, textílmennt, heimilisfræði og tölvur, að ógleymdu að fá að takast á við stærðfræðitengd viðfangsefni og stafaverkefni. Jafnframt fengu börnin tækifæri til þess að heimsækja heilsdagsskólann og krakkana sem þar eru. Það sem var þó mest spennandi hjá börnunum þessa daga voru nestið og frímínúturnar, kom meðal annars kvörtun um hvað þær væru stuttar.

Við þökkum fyrir frábæra samveru og hlökkum til komandi hausts.

15. maí 2013 09:50

Félagsvist

  Síðasta Félagsvist vetrarains verður miðvikudaginn 

  15. maí kl.  16:00 í Samkomuhúsinu.

  Allir velkomnir

  Félag eldri borgara í Grundarfjarðarbæ

14. maí 2013 11:21

Spennandi störf í upplýsingamiðstöð ferðamanna

Ertu að leita að áhugaverðu sumarstarfi. Ertu góð/ur í tungumálum og með ríka þjónustulund? Leitum að sumarstarfsmönnum í upplýsingamiðstöð ferðamanna í Grundarfirði. Viðkomandi starfsmenn munu jafnframt sinna veitingasölu. Góð tungumálakunnátta og góð þekking á staðháttum æskileg.   Vinnutími er breytilegur á opnunartíma upplýsingamiðstöðvar frá byrjun júní til ágústloka.   Sækja um sumarstarf í upplýsingamiðstöð ferðamanna.   Umsóknarfrestur er til og með 20. maí nk.   Nánari upplýsingar eru veittar á bæjarskrifstofunni í síma 430 8500. Einnig er hægt að senda fyrirspurn á grundarfjordur@grundarfjordur.is

 

14. maí 2013 10:28

Háls- nef- og eyrnalæknir

Þórir Bergmundsson, háls- nef- og eyrnalæknir, verður með móttöku á Heilsugæslunni Grundarfirði  þriðjudaginn 28. maí nk.

Tekið er á móti tímapöntunum á Heilsugæslustöð Grundarfjarðar, í síma: 432-1350.

14. maí 2013 08:59

Fjölbrautaskóli Snæfellinga auglýsir eftir fjármálastjóra

13. maí 2013 17:15

Kartöflugarðar

13. maí 2013 08:50

Boðskort á útskrift Fjölbrautaskóla Snæfellinga 18. maí 2013

10. maí 2013 19:45

Íbúafundur að vori

10. maí 2013 18:53

Vorhreinsun í Grundarfirði

10. maí 2013 11:28

ADHD samtökin verða í Ólafsvík - Snæfellsbæ mánudaginn 13. maí 2013

8. maí 2013 13:12

Frá Tónlistarskóla Grundarfjarðar.

8. maí 2013 13:06

Tónlistarskóli Grundarfjarðar

8. maí 2013 08:20

Sundlaugin verður lokuð á mánudag

8. maí 2013 08:08

Rauði kross Íslands Grundarfjarðardeild

eldri fréttir

Framundan

• 29. maí 2013
  Blóðsöfnun í Grundarfirði
• 2. jún. 2013
  Fánadagur
• 13. jún. 2013
  Bæjarstjórnarfundur
• 14. jún. 2013
  Sigríðarganga