Í aðdraganda þessa teikningaátaks var samið við Snertil ehf. um sjálfa skönnunina og um uppsetningu á kerfi til að halda utan um teikningarnar. Verkið er komið vel á veg en þegar er búið að koma öllum teikningum af íbúðarhúsnæði í bæjarfélaginu á tölvutækt form, einnig öllum sumarhúsateikningum og teikningum allra mannvirkja á bújörðum. Búið er að skanna hluta iðnaðarhúsnæðis en þeirri vinnu hefur ekki verið lokið að fullu ennþá. Þessar teikningar eru nú aðgengilegar öllum og geta íbúar skoðað og prentað sjálfir teikningar heima hjá sér. Hönnuðir geta einnig nýtt sér þennan aðgang í tengslum við sína vinnu.
Kerfið býður upp á fleiri möguleika heldur en að halda utan um teikningar. Í framhaldinu verða allir skipulagsuppdrættir (aðal- og deiliskipulag) settir inn í kerfið, teikningar af vatnsveitu- hitaveitu- og fráveitulögnum og upplýsingar um gatnakerfi svo eitthvað sé nefnt. Kerfið býður einnig upp á íbúavef og rafrænar umsóknir auk upplýsinga um hina ýmsu þjónustu í bæjarfélaginu. Ofangreindir möguleikar eru ennþá í vinnslu.
Hægt er að komast inn í kerfið með því að smella á teikningar af húsum í bænum á hægri væng forsíðunnar eða með því að smella hér. Til þess að geta komist áfram í kerfinu þarf að hafa uppsett ActiveX Component. Flest stýrikerfi bjóða uppá uppsetningu þegar síðan er opnuð. Annars er hægt að nálgast ActiveX Component með því að smella hér og velja English.
| 
Prenta síðu
