Grundarfjörður
Grundarfjarðarbær er miðsvæðis á norðanverðu Snæfellsnesi, og skartar glæstri náttúru. Bærinn er innst í firði, umlukinn tignarlegum fjöllum og ber þar af hið sérstæða og fallega Kirkjufell.
Þó að bærinn eigi enn mikið undir sjávarútvegi er atvinnulíf fjölbreytt og sóknarfæri eru á mörgum sviðum. Bærinn er einkar fallegur og hefur hlotið margar viðurkenningar fyrir snyrtilegt umhverfi. Hér lifum við og störfum í sátt við náttúruna og hefur Grundarfjörður, ásamt öðrum sveitarfélögum á Snæfellsnesi, hlotið hina alþjóðlegu Earthcheck umhverfisvottun.
Menningar- og félagslíf blómstrar í Grundarfirði og tónlist skipar stóran sess í lífi Grundfirðinga. Í Grundarfirði er gott jafnvægi náttúru og mannlífs sem skilar sér til þeirra sem sækja fjörðinn heim. Hér er gott að búa og að ala upp börn.
Í Grundarfirði...
- ert þú vel í sveit sett/ur miðsvæðis á Snæfellsnesi. Aðeins tveggja tíma akstur er á höfuðborgarsvæðið.
- búa rúmlega 900 manns í samfélagi sem einkennist af samheldni og jákvæðni.
- er rólegt og þægilegt andrúmsloft.
- er fjörugt félagslíf og öflugt menningarstarf.
- er þjónusta við íbúa sveitarfélagsins góð og hér eru starfræktir öflugir skólar. Leikskóli, grunnskóli, tónlistarskóli og Fjölbrautaskóli Snæfellinga.
- er öflugt bókasafn.
- er mikil áhersla lögð á velferð yngri kynslóða og samheldni fjölskyldunnar.
- er öflugt íþrótta- og æskulýðsstarf.
- er hátt þjónustustig og flest það sem þarf til daglegs lífs er hægt að versla innanbæjar, eða í nágrannabæjunum.
- eru 2 veitingastaðir.
- er gott úrval íbúðarhúsnæðis á góðu verði.
- og á Snæfellsnesi eru fjölbreytt atvinnutækifæri; við sjávarútveg, kennslu, ferðaþjónustu, heilbrigðisstörf, iðnaðarstörf, háskólasetur, rannsóknarstörf og margt fleira.
- starfa öflug og traust fyrirtæki í ýmsum greinum atvinnulífsins í hagstæðu rekstrarumhverfi.
- eru spennandi tækifæri fyrir frumkvöðla.
- er gott úrval byggingarlóða bæði fyrir íbúðar- og atvinnuhúsnæði.
- eru fjölbreyttir afþreyingarmöguleikar: Hestamennska, fuglaskoðun, sundlaug og íþróttahús, golf, skotsvæði, mótorkrossbraut, gönguleiðir, safn/sögumiðstöð, veiði og margt fleira.
Viltu vita meira?
Hringdu þá í síma 430-8500, frá 10:00 - 14:00, eða sendu tölvupóst á grundarfjordur@grundarfjordur.is.
|
Prenta síðu
