Skólinn hefst kl. 08:00 á morgnanna en er opnaður kl. 07:45.  Tímaskipulag er þannig að fyrstu tveir tímarnir eru samliggjandi, síðan 10 mínútna frímínútur.  Næstu tveir eru einnig samliggjandi en þó með 5 mínínútna hléi á milli og 15 mínútna frímínútur á eftir og loks tveir samliggjandi tímar með 5 mínútna hléi á milli.  Hádegishlé er 25 mínútur á eftir 6. tíma.

Eftir hádegi eru tveir samliggjandi tímar og síðan 10 mínútna frímínútur og síðan einn tími.  Nemendur í 1.-4. bekk hafa lokið skóladeginum alla daga kl. 12:35 en aðrir eru mislengi eftir dögum en þó aldrei lengur en til kl. 15:10

Nemendur í 1.-7. bekk fara út í öllum frímínútum en í hádegishléi nota þeir tímann til að næra sig og geta síðan farið út.  8.-10. bekkur hefur heimild til að vera inni í frímínútum í miðrými unglingadeildar.  Ef nemandi fer ekki eftir þeim reglum sem ríkja getur honum verið vísað út í frímínútur um lengri eða skemmri tíma.

Athygli er vakin á því að allir nemendur þurfa að koma í yfirhöfnum sem hæfa veðri því kennarar fara stundum með nemendur í vettvangsferðir eða aðra útivist.

Ritari starfar frá kl. 7:45-14:00 og getur komið skilaboðum til kennara en engir fastir viðtalstímar eru hjá kennurum. 

Sími skólans er 430 8550.

Tölvupóstur er grunnskoli@grundarfjordur.is

Heimasíða Grunnskólans