RSS - Myndasafn - Sjöa vikunnar

Sigríður og Björn

Wed, 16 Apr 2025 10:37:26 +0000

Þessi skemmtilega mynd er tekin úti á sjó fyrir framan Stöðina, þarna eru þau Sigríður Pálsdóttir og Björn Ásgeirsson sparibúin og flott þannig að það er spurning hvort er verið að fara á ball til Ólafsvíkur?

Stelpur

Wed, 16 Apr 2025 10:37:25 +0000

Þessi skemtilega mynd sýnir þrjár flottar stelpur sem okkur vantar nöfnin á. Eins er þarna fullorðin maður (bak svipur) og ungur drengur sem er á leiðinni niður Borgarbraut og eins og sjá má hefur mikið vatn runnið til sjávar síðan þessi mynd var tekin.

Samkomuhúsið

Wed, 16 Apr 2025 10:37:25 +0000

Þessi mynd er tekin í samkomuhúsinu í flottri veislu sem er örugglega á vegum kvenfélagsins. Fremst á myndinni er Ragnheiður Ásgeirsdóttir, Pétur Jónsson, Ólöf Pétursdóttir og Garðar Gunnarsson. Einnig má þekkja á myndinni Sigurvin Bergsson, Aðalheiði Guðmundsdótturog Björn Ásgeirsson. Á borðinu fyrir aftan má þekkja Reynir Gústafsson og Magnús Álfsson.

Vinkonur

Wed, 16 Apr 2025 10:37:24 +0000

Hér eru ungar fallegar vinkonur staddar við fjallsrætur. Til hægri á myndinni er Jóhanna Jóhannsdóttir frá Kverná en okkur vantar nafn stúlkunnar sem er til vinstri á myndinni.

Ung kona

Wed, 16 Apr 2025 10:37:24 +0000

Hér er falleg ung kona sem okkur vantar nafn á og spurning hvort hún er stödd fyrir utan Neshúsin?

Hinrik og Páll

Wed, 16 Apr 2025 10:37:23 +0000

Þessi flotta mynd er af þeim félögum Hinrik Elbergssyni og Páli Ásgeirssyni mági hans? Getur verið að myndin sé tekin við Setberg og að fólkið sé prúðbúið á koma frá messu?

Krakkar

Wed, 16 Apr 2025 10:37:23 +0000

Þessi skemmtilega mynd er af ungum og athafnasömum krökkum, það eru eflaust margir sem kannast við sig og aðra á myndinni og langar okkur að fá bæði nöfn og lýsingu þeirra á hvað þau eru að brasa og hvernig fór um sjóferð þá. Eins væri gaman að fá nöfn bátanna á myndinni.

Ásakaffi

Mon, 24 Mar 2025 15:17:46 +0000

Þessi mynd er tekin í Ásakaffi, Ási er að sýna hvernig spilakassarnir virka, ungu mennirnir sem sitja þarna í skálanum eru þeir Þorsteinn Björgvinsson og Jens Kristján Jensson.

Ásakaffi

Mon, 24 Mar 2025 15:17:45 +0000

Þessi skemmtilega mynd er tekin af þeim feðginum Friðrik Áskel Clausen og Önnu Dröfn Clausen, það er Guðmunda Ragnarsdóttir sem er þarna að versla í Ásakaffi.

Flugvél

Mon, 24 Mar 2025 15:17:44 +0000

Þarna hefur flugvél nauðlent og síðan hvolft á firðinum, fróðlegt væri að fá fleirri upplýsingar um atburðin. Það sem einnig vekur athygli er hvað grunt sýnist vera þarna miðað við traktorinn og mennina sem standa við flugvélina.

Samkomuhúsið

Mon, 24 Mar 2025 15:17:43 +0000

Þessi skemmtilega mynd er tekin í samkomuhúsinu líklega árið 1962. Drengurinn fremst á myndinni er Þorsteinn Björgvinsson, Björgvin Bjarnason. Næstir eru talið frá vinstri Guðni Elísson, Anton Finnsson, Ragnar Kristjánsson og Ingjaldur Sigurðsson

Bryggjan

Mon, 24 Mar 2025 15:17:43 +0000

Þessi mynd er bæði skemmtileg og áhugaverð, því miður er hún dimm og nokkuð skemd. Húsin sem þarna eru komin eru Neshúsin, Svansskáli og Kaupfélagið. Þrír bátar liggja við litlu bryggju og skip við hausin á stóru bryggju, trillur og árabátar eru þarna dregnir upp fyrir neðan Kaupfélagið og var sá staður notaður í mörg ár fyrir smábátanna.

Kaupfélagið

Mon, 24 Mar 2025 15:17:42 +0000

Skemmtileg mynd sem Bæring hefur tekið af daglega lífinu í Grundarfirði. Oft var spjallað í og við Kaupfélagið. Þarna hittast þau á förnum vegi þau Jóhanna Magnúsdóttir (Nóa), Pétur Konráðsson (Pétur Konn) og Níels Friðfinnsson (Nilli Finna) sem líklega er að tékka á kostinum sínum sem keyrður var niður á bryggju í kaupfélags bílnum sem stendur þarna lengst til hægri á myndinni. Börnin sem eru á myndinni eru þeir bræður Hallgrímur Hallgrímsson (Halli) og Tónas Logi Hallgrímsson (Tommi) sem eru þarna með Nóu ömmu sinni og vini sínum Víking Guðjónssyni. Gaman væri að fá nafn ungu konunnar með litlu stelpuna í kerru (litla stelpan gæri verið fædd 1987 eða 1988).

Skemmtun

Mon, 24 Mar 2025 15:17:42 +0000

Fallegar og hressar kvenfélagskonur á skemmtun í samkomuhúsinu, talið frá vinstri Aðalheiður Magnúsdóttir, Elísabet Árnadóttir, Jensína Guðmundsdóttir, Guðmunda Hjartardóttir, Elín Valdimarsdóttir og Björk Guðlaugsdóttir.

Stína Odds

Mon, 10 Mar 2025 11:45:22 +0000

Þessi unga fallega stúlka er Kristín Kristjánsdóttir, Stína Odds eins og við þekkjum hana