Leita á vef Grundarfjarðar

Bæjardyr
Íbúagátt
ISL
ENG
POL

Þjónusta
Stjórnsýsla
Mannlíf

Bæjardyr
Íbúagátt
430 8500

Forsíða / Sjöa vikunnar

Sjöa vikunnar

1381 stk.
19.07.2021

Fyrri 6 7 8 9 10 11 12 13 14 15 Næsta

Tónleikarnir í maí 1975, gítar og blokkflautunemendur. Rakel Jónsdóttir, Svava Einarsdóttir, Sævör Þorvarðardóttir, Gíslína Ólafsdóttir, Ása Hinriksdóttir, Árdís Sigmundsdóttir, ? og Anna Jonny Aðalsteinsdóttir

Tónleikarnir í maí 1975, gítarnemendurnir Kristín Anna Alfreðsdóttir og Erna Birna Arnardóttir Forberg. Í upphafi var aðeins kennt á píanó, blokkflautu og gítar. Kennslugreinar sem eru í boði í dag eru: píanó, hljómborð, bassi, gítar, ukulele, rafgítar, trommur/slagverk, þverflauta, klarínett, saxófónn, sóp.& alt. blokkflautur, trompet, horn, básúna, túba, söngur, tónfræði, hljómfræði, tónheyrn, skólahljómsveit.

Blokkflautu nemendur Kristínar Jóhannesdóttur sem stendur lengst til hægri og stjórnar þeim. Talið frá vinstri Bjarki Sæþór Aðalsteinsson, Svavar Sigmundsson, Valgeir Magnússon og Kristján Magni Oddsson

Stofnun tónlistarfélags í Grundarfirði: Stofnfundur tónlistarfélagsins í Grundarfirði var haldinn í safnaðarheimili kirkjunnar, fimmtudaginn 5. desember 1974, klukkan 21:00. Séra Jón Þorsteinsson setti fundinn fyrir hönd undirbúningsnefndar. Það voru 21 manns á fundinum. Á fundinum las sr. Jón drög að lögum um tónlistarfélag í Grundarfirði sem voru mjög lík þeim sem voru í Ólafsvík þar sem sr. Árni Bergur Sigurbjörnsson hafði látið undirbúningsnefndina fá ýmis gögn. Fundurinn samþykkti samhljóða að stofna tónlistarfélag í Grundarfirði. Kosið var í stjórn félagsins og var sr. Jón Þorsteinsson kosinn formaður, Jensína Guðmundsdóttir gjaldkeri og Tryggvi Gunnarsson ritari. Einnig var rætt um að skólagjöld færu eftir styrkjum og til hliðsjónar væru skólagjöld við aðra skóla. Sr. Jón sagðist vera að bíða eftir svari frá menntamálaráðuneytinu og var hann bjartsýnn á að skólinn gæti hafist strax eftir áramót. Fyrstu tónleikar tónlistarskólanns, gítarnemendur og blokkflautunemendur. Talið frá vinstri Helga Grímsdóttir, Árni Reynisson, Guðni Guðnason, Guðrún Margrét Sigurðardóttir, Hrönn Harðardóttir, Halldór Halldórsson, Hannes Vilhjálmsson og Gunnar Tryggvason.

Gítarnemendur Jóns Þorsteinssonar tlaið frá vinstri Kolbeinn Sigmundsson, Hannes Vilhjálmsson, Jóhannes Þorvarðarson, Helga Fríða Tómasdóttir og Olga Sædís Aðalsteinsdóttir

Aðdragandi stofnunar Tónlistarskóla Grundarfjarðar: Það var árið 1974 sem séra Magnús Guðmundsson lét af prestskap við Grundarfjarðarkirkju. Þá misstu Grundfirðingar ekki aðeins prestinn sinn heldur einnig organistann, því frú Áslaug Sigurbjörnsdóttir kona Magnúsar hafði verið organisti kirkjunnar. Í Grundarfjörð réðst þá séra Jón Þorsteinsson en organista vantaði og var enginn í byggðarlaginu sem treysti sér til að sinna slíku starfi eða hafði þekkingu til þess. Margir komu að því að aðstoða við organistastarfið og má þar nefna Níels Friðfinnsson og organista frá Stykkishólmi og Ólafsvík. Því var ljóst að söfnuðurinn varð að auglýsa eftir organista. Formaður sóknarnefndar Aðalsteinn Friðfinnsson hafði frétt að á bænum Jörfa í Kolbeinsstaðarhreppi væri stúlka, Kristín Jóhannesdóttir, sem var nýútskrifaður organisti frá Tónskóla Þjóðkirkjunnar. Hún kom og kannaði aðstæður og varð úr að hún var ráðin organisti frá ársbyrjun 1975. Starf organista var og er ekki fullur starfsvettvangur í svona litlu samfélagi var því ráðist í það að stofna tónlistarfélag sem átti að koma á fót tónlistarskóla í sveitinni. Það voru sr. Jón og kona hans hún Sigríður Anna sem börðust fyrir því að komið yrði á fót tónlistarskóla. Sóknarnefnd og sveitarstjórn skiptu á milli sín kostnaði við stöðu organista og skólastjóra tónlistarskólans. Frá fyrstu tónleikunum blokkflautu nemendur talið frá vinstri, Arna Árnadóttir, Brynhildur Ólafsdóttir, Jófríður Anna Jónsdóttir, Sóley Soffaníasardóttir, Ragnheiður Elísdóttir og Jóhanna Rós Friðgeirsdóttir, lengst til hægri er kennarinn þeirra Kristín Jóhannesdóttir.

Þann 15. janúar síðastliðin átti Tónlistarskóli Grundarfjarðar 50 ára afmæli. 2025, eru 50 ár síðan Tónlistarskóli Grundarfjarðar var stofnsettur 15. Janúar árið 1975 og varð því hálfrar aldar gamall 15. Janúar 2025. ... Innritun í Tónlistarskólann hófst 9. janúar 1975 og innrituðust þann dag 114 manns, bæði börn og fullorðnir. Kennsla hófst svo miðvikudaginn 15. janúar og fór hún fram í safnaðarheimili Grundarfjarðarkirkju og í skrifstofu kirkjunnar. Í byrjun var kennt á píanó og blokkflautu. Það voru þau Kristín Jóhannesdóttir og sr. Jón Þorsteinsson sem sáu um kennsluna frá áramótum til vors. Fyrsta starfstímabili skólans lauk 3. maí með tónleikum þar sem 62 nemendur tóku þátt en 77 nemendur skildu við skólann að vori. Tónleikarnir voru haldnir í nýbyggingu barna- og miðskóla Eyrarsveitar og voru þeir vel sóttir. Hilmar Jón Hauksson hóf að starfa við tónlistarskólann haustið eftir. Hilmar var kennari við barnaskólann og kenndi hann eldri nemendum á gítar... Myndin er frá fyrstu tónleikunum þann 3. Maí árið 1975. Nemendur talið frá vinstri eru Elínborg Geirmundsdótttir á píanó, Ragnar Þór Alfreðsson gírar, Hrönn Harðardóttir gítar, síðan vantar okkur nafn, Ragnheiður Elíasdóttir og Ægir Berg Elísson

Fyrri 6 7 8 9 10 11 12 13 14 15 Næsta

Grundarfjörður

Borgarbraut 16

350 Grundarfirði

Kt. 520169-1729

Opið virka daga 10:00-14:00

grundarfjordur@grundarfjordur.is

Þjónusta
Stjórnsýsla
Mannlíf