Leita á vef Grundarfjarðar

Bæjardyr
Íbúagátt
ISL
ENG
POL

Þjónusta
Stjórnsýsla
Mannlíf

Bæjardyr
Íbúagátt
430 8500

Forsíða / Sjöa vikunnar

Sjöa vikunnar

1381 stk.
19.07.2021

Fyrri 8 9 10 11 12 13 14 15 16 17 Næsta

Á þessari skemmtilegu mynd eru þau heiðurshjón Ólafur Gíslason og Ragnheiður Skarphéðinsdóttir. Ragnheiður (Ragga) lést á hjartadeild Landspítalans fimmtudagin 26 december tæplega 94 ára gömul og fór útförin fram frá Grundarfjarðarkirkju síðastliðin laugardag þann 4. janúar. Það má með sanni segja að þau Ragga og Óli Lalli hafi verið ein af frumbyggjum hér í Grundarfirðiog tekið þátt í að byggja upp þorpið Grafarnes sem síðan varð Grundarfjörður. Ragga fæddist á Hjarðarbóli í Eyrarsveit þann 16 mars árið 1931, þar ólst hún upp og á Grund í sömu sveit. Þau Ragga og Óli byggðu húsið á Grundargötu 4 sem var heimili þeirra og barnanna þeirra sjö. Síðustu örfáu árin bjuggu þau hjónin á dvalarheimilinu Fellaskjóli. Ragga og Óli Lalli voru einstaklega samrýnd alla tíð og ferðuðust mikið, t.d. dvöldu þau í nokkra mánuði á ári hverju á Kanarý og var það fastur liður í tilverunni þangað til fyrir örfáum árum þegar heilsan setti strik í reikningunn. Blessuð sé minning Ragnheiðar Skarphéðinsdóttur.

Þessi einstaklega skemmtilega mynd af ungu og kátu fólki er líklega tekin á fyrstu árum Röggu og Óla saman, þarna eru þau fyrir framan Hraðfrystihús Grundarfjarðar ásamt Ella Guðjóns frá Skallabúðum. Talið frá vinstri Ólafur Gíslason, Ragnheiður Skarphéðinsdóttir og Elis Guðjónsson.

Á þessari mynd er Ragga lengst til hægri á ferðalagi með eldriborgurum og eru þau líklega í dagsferð þar sem tekið var með nesti og höfð gæðastund í náttúrunni.

Hér eru þau hjónin Ragnheiður Ingveldur Skarphéðinsdóttir og Ólafur Andrés Gíslason á ferðalagi með Félagi Eldriborgara, auk þeirra hjóna má þekkja á myndinni talið frá vinstri Njál Gunnarsson, Ragnar Kristjánsson, Þórdísi Gunnarsdóttur, Sigurrós Árnadóttir og Jónínu Kristjánsdóttur.

Þarna eru þær vinkonur Silla og Ragga fyrir framan Hraðfrystihúsið og eru líklega matráðskonur í Svansskála sem er þarna rétt hjá? Frá vinstri Sigurlín Gunnarsdóttir frá Eiði og Ragnheiður Skarphéðinsdóttir frá Grund.

Á þessari mynd eru þau hjónin Ragga og Óli með varning til sölu við smábátabryggjuna þegar var verið að koma með farþega frá skemmtiferðaskipi í land við Suðurgarð. Ragga var einstaklega listhneigð, og gerði fjölbreytt og listaverk, hún málaði og gerði listaverk úr sandi og grjóti sem dæmt einnig eru fuglarnir sem hún gerði úr fiskabeini einstaklega fínleg og falleg listaverk, allskonar grjót slípaði hún þannig að úr urðu falleg listaverk.

Þessi mynd sýnir ungar konur og litla stúlku sitja saman rétt hjá Neshúsunum þar sem trillurnar voru dregnar upp fyrir fjöruborðið og geymdar þar í skjóli. Talið frá vinstri, Ragnheiður Skarphéðinsdóttir, Áslaug Pétursdóttir og líklega Jóhanna Kristín Kristjánsdóttir dóttir Ásu.

Fyrri 8 9 10 11 12 13 14 15 16 17 Næsta

Grundarfjörður

Borgarbraut 16

350 Grundarfirði

Kt. 520169-1729

Opið virka daga 10:00-14:00

grundarfjordur@grundarfjordur.is

Þjónusta
Stjórnsýsla
Mannlíf