Leita á vef Grundarfjarðar

Bæjardyr
Íbúagátt
ISL
ENG
POL

Þjónusta
Stjórnsýsla
Mannlíf

Bæjardyr
Íbúagátt
430 8500

Forsíða / Sjöa vikunnar

Sjöa vikunnar

1381 stk.
19.07.2021

Fyrri 1 2 3 4 5 6 7 8 9 10 Næsta

Þessi mynd er líklega tekin á 17. Júní og er sundkeppni í gangi , líklega er það ennþá Sigurberg Árnason sem tekur tímann á keppendum. Á myndinni sést að hluti nýbyggingar skólans er komin í gagnið og einnig gangur á milli skólanns og íþróttahússins. Sundlaugargarðurinn hefur tekið miklum og góðum breytingum frá því að þessi mynd er tekin, það er einnig gaman að sjá í baksýn sölutjald kvenfélagsins Gleym mér ei.

,, Sundkennslan fer því fram í mikilli törn að vorin, svo mikilli að merkilegt má teljast að krakkarnir verði ekki vatnssósa. Til dæmis um það hve mikið gengur á fræðir Guðráð okkur á því að hann hafi reynt að mæla hve langt krakkarnir synda í hverjum tíma og komist að þeirri niðurstöðu að séu leikir og ærsl meðtalin syndi 11 ára barn um 700 metra í einni kennslustund.’’ (9. Júlí 1977).

,, Þessir ungu drengir sem búsettir eru í Grundarfirði héldu hlutaveltu til styrktar byggingu íþróttahúss í Grundarfirði og söfnuðu þeir 276 kr (1986)‘’, en fokhelt var áætlað að íþróttahúsið kostaði 3,6 milljónir, aðeins fékkst 1 milljón frá ríkinu árið 1984 og seinkaði það framkvæmdum á meðan var verið að útvega fjármagn. Drengirnir talið frá vinstri þeir Björn Kristján Ásgeirsson og Árni Elvar Eyjólfsson löggðu því góða upphæð í sjóðin. Það er önnur saga um rennibrautarsjóðin sem krakkar eru búnir að vera safna í í gegnum áratugina, það þarf örugglega stærri sundlaug og nóg af heitu vatni til þess að rennibrautinn verði að veruleika.

,,Á laugarbakkanum hittum við P. Guðráð Pétursson, sem á annríkt við að kenna ungviði Grundarfjarðar sundtökin. Hann segir að laugin hafi gjörbreytt allri aðstöðu hans sem íþróttakennara. – Nú er hægt að kenna sundsamkvæmt námsskrá, en hingað til hafa krakkarnir stundum verið ósynd allt upp í 14 ára aldurs, engöngu vegna ónógrar sundkennslu. Það er ekki hitaveita í Grundarfirði svo laugin er lokuð yfir vetrarmánuðina, því þetta er útilaug.’’ (9. Júlí 1977).

Þannig líður tíminn! Unglingarnir og krakkarnir sem sitja á þessari mynd á yfirbreiðslu sundlaugarinnar eru í dag að nálgast eftirlauna aldur. Sundlauginn hefur ekki verið stækkuð á þessum tíma enda ekkert heitt vatn ennþá fundist, samt sem áður hefur öll aðstaðan verið endurbætt. Sundlauginn í Grundarfirði er þægileg lítil sundlaug á besta stað í bænum steinsnar frá tjaldsvæðinu. Sundlaugin er notaleg 16,67 metra löng og við laugina eru vaðlaug, tveir heitir pottar og sauna. Sundlaugin og vaðlaugin eru aðeins opnar yfir sumartímann en heitu pottarnir eru opnir allt árið. Sumarið 2023 var byrjað að bora eftir hita í jörð við íþróttamannvirkin sem hafa verið hituð með olíu síðustu áratugi, en nú verður breyting þar. Nú í upphafi árs 2025 voru ræstar og teknar í notkun varmadælur í íþróttahúsinu í Grundarfirði.

,,Sundlaugin er byggð í tengslum við barnaskólann og gert er ráð fyrir að íþróttahús verði byggt í tengslum við búningsklefa sundlaugarinnar þannig að þeir nýtist fyrir hvorutveggja. Standa þessi mannvirki hátt í plássinu og taka sig vel út. Neðan við hólinn sem skólinn og sundlaugin standa á er íþróttavöllurinn. Þegar íþróttahúsið er komið í gagnið verða þeir Grundfirðingar komnir með ákaflega skemmtilega aðstöðu fyrir sitt unga fólk, á hólnum og undir honum.’’ (9. Júlí 1977). Á þesssari mynd stendur Guðráð á laugarbakkanum við sundkennslu og með honum er dóttir hans Eva Jódís sem fylgist með. Til gamans má geta að eftir að Guðráð útskrifaðist sem íþróttakennari og eiginkona hans Hjördís Villhjálmsdóttir heitinn útskrifaðist sem leikskólakennari, fluttust þau til Grundarfjarðar og tóku þátt í mikilli uppbyggingu og vinnu við að móta skólastarfið. Leikskóli var stofnaður og byggður, það var Rauða krossdeildin og og sveitafélagið sem sáu um þá framkvæmd, leikskólinn var opnaður þann 15 nóvember árið 1979 og var Hjördís forstöðumaður ásamt Guðbjörgu Guðmundsdóttur. Það loforð sem Guðráð fékk frá þáverandi sveitastjóra um að nýtt og vel búið íþróttahús væri handan við hornið lét aðeins bíða eftir sér og samkomuhúsið var áfram í hlutverki íþróttahús með meiru. Það var því mikil ánægja hjá íþróttakennaranum og öllum öðrum íbúum Grundarfjarðar þegar nýtt og flott íþróttahús var vígt haustið 1989 eftir að hafa verið í byggingu frá árinu 1978. Þau Guðráð og Hjördís störfuðu hér í Grundarfirði alla sína starfsævi, á þeim tíma sem uppbygging var mikil. Auk þess fluttust þau til Noregs um nokkura ára skeið til þess að afla sér enn meiri menntunnar t.d. vegna sérnáms. Eftir þá menntun komu þau til baka, heim til Grundarfjarðar þar sem námið kom að góðum notum fyrir samfélagið okkar.

Hér er Sigurberg Árnason að taka tímann hjá sundfólki. ,,Sundlaug er því hið mesta þarfaþing fyrir staði eins og Grundarfjörð og getur verið mikil félagsleg lyftistöng. Við spyrjum Guðráð hvort sund sé nú ekki æft sem keppnisíþrótt. Hann kveður varla orð á því gerandienn sem komið er, en það sé greinilega mjög vaxandiáhugi á sundi meðal yngri bæjarbúaog því muni sundþjálfun og keppni vafalaust aukast mjög á næstunni.’’ (9. Júlí 1977).

Fyrri 1 2 3 4 5 6 7 8 9 10 Næsta

Grundarfjörður

Borgarbraut 16

350 Grundarfirði

Kt. 520169-1729

Opið virka daga 10:00-14:00

grundarfjordur@grundarfjordur.is

Þjónusta
Stjórnsýsla
Mannlíf