Leita á vef Grundarfjarðar

Bæjardyr
Íbúagátt
ISL
ENG
POL

Þjónusta
Stjórnsýsla
Mannlíf

Bæjardyr
Íbúagátt
430 8500

Forsíða / Sjöa vikunnar

Sjöa vikunnar

1381 stk.
19.07.2021

Fyrri 1 2 3 4 5 6 7 8 9 10 Næsta

Eins og sjá má á þessari mynd er oft glatt á hjalla hjá eldriborgurum í Grundarfirði sem þarna eru á tölvunámskeiði í Sögumiðstöðinni. Talið frá vinstri, Þórunn Kristinsdóttir, María Gunnarsdóttir, Patricia Ann Heggie og Inga Gyða Bragadóttir, fyrir aftan þau eru á spjalli sr. Aðalsteinn Þorvaldsson og Ragnheiður Sigurðardóttir. Hinumegin við borðið eru tölvukennarinn ásamt þeim Helgu Fríðu Tómasdóttur og Hjördísi Hlíðkvist Bjarnadóttur.

Þessi mynd er tekin á Ítalíu við Gardavatnið en þangað fór hópur í Félagi eldriborgara Grundarfirði í viku ferð í september síðastliðnum.

Hér er verið að skýra son þeirra Trissu og Helga hann Adam Kára. Talið frá vinstri Bergþóra Sigurðardóttir, Patricia Ann Heggie, sr. Jón Þorsteinsson og Helgi Sigurðsson með son sinn Adam Kára Sigurðsson í fanginu.

Fermingardagur Sigurðar Tómasar Helgasonar, hann er hér með móður sinni Patricia Ann Heggie og sr. Sigurði Kr. Sigurðssyni. Siggi fermdist árið 1994 en hann hafði misst föður sinn Helga Sigurðsson ári áður í hörmulegu slysi á Grundarfjarðarhöfn, á einu augabragði var höggvið stórt skarð í ungu fjölskylduna. Þrátt fyrir erfiða tíma sem Triss og drengirnir fóru í gegnum þá ákvað hún að setja alla sína orku í að koma upp fjölskyldu þeirra Helga sem og hún gerði með miklum sóma. Hún ól drengina sína upp í Grundarfirði og þegar þeir komust á legg hélt hún áfram sínu striki í sinni heimabyggð þótt ræturnar væru í Ástralíu og einnig Skotlandi en þaðan hafði hún flutt ung með foreldrum sínum og bróður til Ástralíu. Trissa var dugleg að heimsækja fólkið sitt og rækta tengslin við ættingja og vini. Grundfirðingar eiga margar góðar minningar um þessa hægu og hljóðlátu konu sem kom hingað ung yfir hálfan hnöttinn með ferskan og framandi blæ. Patricia naut þess áfram að ferðast, félagar í eldriborgarafélagi Grundarfjarðar nutu góðs af samvistum við Trissu bæði á ferðalögum og í Sögumiðstöðinni þar sem hún deildi með okkur sinni sín á lífið og tilveruna. Fjölskyldan var henni mjög hugleikin, ferðirnar sem hún fór til Sigga og fjölskyldu til Barcelona voru ljúfar og einnig stundirnar sem hún átti með Adam, Danna og fjölskyldum þeirra. Kveðjuorðin sem Siggi flutti fyrir hönd þeirra bræðra við útförina voru falleg og í anda Patriciu. Á myndinni eru þau mæðginin saman þegar Siggi fermdist, tæpum þrjátíu árum síðar flutti Siggi á sama stað í Grundarfjarðarkirkju kveðjuorðin til móður sinnar, minningin um góða konu lifir áfram.

Hér er verið að skýra frumburð þeirra Trissu og Helga hann Sigurð Tómas. Talið frá vinstri Helgi Sigurðsson, sr.Jón Þorsteinsson og Patricia Ann Heggie með Sigurð Tómas Helgason í fanginu

Patricia naut þess að eiga stund með félögum sínum. Á þessari mynd er hún með félögum sínum í Sögumiðstöðinni þar sem félag eldriborgara í Grundarfirði er með bollusölu og bollukaffi bolludagshelgina. Talið frá vinstri Steinunn Hansdóttir, Olga Sædís Aðalsteinsdóttir og Patricia Ann Heggie.

Þær voru flottar ungu konurnar sem komu frá Ástralíu til Grundarfjarðar til þess að vinna í fisk hjá Hraðfrystihúsi Grundarfjarðar árið 1976. Hér er vitnað í blaðagrein ,,Skemmtilegasta innslagið í hið fjölbreytta mannlíf vertíðarfólks verður að teljast hingað koma ástralskra stúlkna um hnöttinn þveran, eða endilangan til að fara á vertíð ,, in Grundarfjörður, Iceland’’. Sem stendur eru 5 hinna Áströlsku stúlkna búandi í Grundarfirði, þar af eru 4 giftar, því rómantíkin er líka í Grundarfirði.’’ Það var á svo margan hátt sem áströlsku stúlkurnar höfðu jákvæð áhrif með því að setjast að hérna í Grundarfirði. Á þessari mynd eru fjórar öftustu konurnar sem eru með Pétur Jónsson kokk á milli sín þær sem settust hér að og auk þeirra Annette Elisson. Talið frá vinstri Patricia Ann Heggie, Jenny Gíslason, Vicky Thorsteinsson og Janet Heather Eggleston.

Fyrri 1 2 3 4 5 6 7 8 9 10 Næsta

Grundarfjörður

Borgarbraut 16

350 Grundarfirði

Kt. 520169-1729

Opið virka daga 10:00-14:00

grundarfjordur@grundarfjordur.is

Þjónusta
Stjórnsýsla
Mannlíf