Leita á vef Grundarfjarðar

Bæjardyr
Íbúagátt
ISL
ENG
POL

Þjónusta
Stjórnsýsla
Mannlíf

Bæjardyr
Íbúagátt
430 8500

Forsíða / Sjöa vikunnar

Sjöa vikunnar

1381 stk.
19.07.2021

Fyrri 3 4 5 6 7 8 9 10 11 12 Næsta

Hér er mynd af fermingarárgangi 1962 börn sem fædd eru árið 1948, myndin er tekin fyrir framan prestbústaðin á Setbergi og í baksýn má sjá meðhjálparann Finn Sveinbjörnsson. Talið frá vinstri, séra Magnús Guðmundsson, Runólfur Guðmundsson, Mannfreð Jóhannes Körner, Víðir Jóhannsson, Bjarni Eyjólfsson, Gunnar Halldór Ingvarsson, Ásmundur Karlsson, Ágústa Hrund Emilsdóttir, Þórdís Jeremíasdóttir, Halla Halldórsdóttir, Steinbjörg Elíasdóttir og Salbjörg Nóadóttir.

Fríður hópur fermingabarna sem fædd voru árið 1958 og fermdust árið 1972 ásamt presti sínum séra Magnúsi Guðmundssyni. Talið frá vinstri stúlkurnar, Sigríður Herdís Ólafsdóttir, Dagný Jeremíasdóttir, Guðmunda Inga Forberg, Lína Björk Sigmundsdóttir, Valgerður Gísladóttir, Elín Katla Elíasdóttir, Sigrún Edda Hringsdóttir og Sigríður Högnadóttir, drengirnir, Valdimar Þorvarðarson, Stefán Gunnar Tómasson, Guðjón Elisson, Hjálmtýr Sæmundur Halldórsson, Guðjón Árni Þórólfsson og Hjörtur Rósmann Jónsson.

Árlega til fjölda ára var á aðventunni helgileikur jólaguðspjallið sem tilvonandi fermingarbörn léku í. Þetta er í desember árið 1973 fermingarbörn ársins 1974 sem var síðasti fermingarhópur séra Magnúsar Guðmundssonar sem varð að hætta sem prestur þar sem parkinson sjúkdómurinn hafði ágerst mikið síðan hann greindist með sjúkdóminn þá rétt rúmlega fertugur. Séra Magnús sat samt ekki auðum höndum eftir að fjölskyldan flutti suðun, hann starfaði við prófarkalestur námsbóka, þýddi bækur og skrifaði fjölda greina um kristileg málefni bæði í innlend og erlend tímarit, Magnús tók virkan þátt í störfum Parkinsonsamtakanna frá stofnun þeirra og sá um útgáfu fréttabréfs samtakanna frá 1986 – 1996. Hann varð heiðursfélagi Hallgrímsdeildar Prestafélags Íslands árið 1990 og Parkinsonssamtakanna árið 2000.

Þessi mynd er tekin af heiðursfólki líklega sumarið 1966 þegar Grundarfjarðarkirkja var vígð. Talið frá vinstri séra Magnús Guðmundsson, frú Áslaug Sigurbjörnsdóttir, herra Sigurbjörn Einarsson biskup, frú (1959 - 1981), frú Magnea Þorkelsdóttir, okkur vantar nöfn næstu tveggja á myndinni en síðan koma hjónin Rannveig Sigurbjörnsdóttir og séra Bernharður Guðmundsson.

Séra Magnús Guðmundsson skírir þær frænkur Sólrúnu og Jóhönnu í Setbergskirkju árið 1964. Talið frá vinstri séra Magnús Guðmundssonm Sólrún Halldórsdóttir, Pálína Gísladóttir, Halldór Finnsson, Jóhanna Elísdóttir, Hulda Valdimarsdóttir og Elís Gíslason.

Ferming í Setbergskirkju árið 1962, fermd voru ellefu börn fædd árið 1948.

Séra Magnús Guðmundsson predikar í fallegri og nýrri Grundarfjarðarkirkju. ,,Það verður vafalaust sagt að þau hjón, séra Magnús og Áslaug, hafi reist sér minnisvarða með kirkjubyggingunni og þeirri glæsilegu starfsaðstöðu sem nú er til staðar,- miklu er þó dýrmætari sá óbrotgjarni minnisvarði sem þau hafa reist í hugum fólksins, með framgöngu sinn, ástúð sinni og umhyggju í allra garð í gleði og sorgum.’’ Bjarni Sigurðsson sagði þessi fallegu orð um fráfarandi sóknarprest við nýja sóknarprestinn séra Jón Þorsteinsson sem ritaði þau niður í minningargrein.

Fyrri 3 4 5 6 7 8 9 10 11 12 Næsta

Grundarfjörður

Borgarbraut 16

350 Grundarfirði

Kt. 520169-1729

Opið virka daga 10:00-14:00

grundarfjordur@grundarfjordur.is

Þjónusta
Stjórnsýsla
Mannlíf