Leita á vef Grundarfjarðar

Bæjardyr
Íbúagátt
ISL
ENG
POL

Þjónusta
Stjórnsýsla
Mannlíf

Bæjardyr
Íbúagátt
430 8500

Forsíða / Sjöa vikunnar

Sjöa vikunnar

1381 stk.
19.07.2021

Fyrri 4 5 6 7 8 9 10 11 12 13 Næsta

Þessa fallegu mynd tók Bæring í skírn Agnesar Arnardóttir. Talið frá vinstri Guðbjörg Pálsdóttir, Elimar Tómasson, Ásgerður Guðmundsdóttir, Guðrún Sólveig Árnadóttir, Kristján Ólafsson, frú Áslaug Sigurbjörnsdóttir, Sigurbjörn Magnússon og séra Magnús Guðmundsson, Fremst á myndinni er Halldóra Guðrún Ólafsdóttir seð dóttur sína Agnesi Arnardóttir og hjá þeim stendur Alda Björnsdóttir

Frú Áslaug Sigurbjörnsdóttir var mikið meira en prestfrú, hún var organisti og kórstjórnandi okkar Grundfirðinga og Eyrsveitinga og einnig hjúkrunar kona sem veitti okkur mikið öryggi og þjónusta hennar var einstök enda var Áslaug fær hjúkrunarfræðingur og yndisleg manneskja sem hafði góð áhrif á alla sem hún hitti á lífsleiðinni. Áslaug var sæmd riddarakrossi íslensku Fálkaorðunnar árið 2000 fyrir mannúðarstörf. Hér er organistinn og kórstjórnandinn Áslaug að spila á orgelið við messu í Setbergskirkju ásamt kirkjukórnum, talið frá vinstri Guðrún Árnadóttir, Margrét Hallsdóttir, Guðlaug Guðmundsdóttir, Guðný Hjartardóttir, Marta Böðvarsdóttir, Aðalheiður Magnúsdóttir, Jóhanna Gústafsdóttir og Kjartan Gunnarsson.

Eftir messu í Setbergskirkju á fallegum degi eru prestshjónin frú Áslaug Sigurbjörnsdóttir og Séra Magnús Guðmundsson með foreldrum Áslaugar þeim Sigurbirni Þorkelssyni í Vísi og Unni Haraldsdóttur.

Hér eru prestshjóninn sr. Magnús Guðmundsson og frú Áslaug Sigurbjörnsdóttir ásamt einkasyni sínum Sigurbirni Magnússyni á fermingardegi hans.

Sóknarprestur Setbergsprestakalls sr. Magnús Guðmundsson hvatti mjög til að byggð yrði ný kirkja í kauptúninu þar sem þéttbýli fór að myndast upp úr árinu 1940, sr. Magnús fór fyrir flokki fólks sem kom að kirkjubyggingunni, bæði heimafólki og öðrum. Byggingarmeistari var Guðbjartur Jónsson, Guðbjartur hélt nákvæma dagbók og skrifaði lýsingu á smíðinni og helstu viðburðum árin sem hann sá um byggingu kirkjunnar fyrir sóknarnefnd Setbergssóknar og einnig tók hann margar ljósmyndir í gegn um þessi ár. Vinna hófst 20. Júní árið 1960 en þá var þegar búið að ýta ofan af jarðvegi og sprengja. Á myndinni sjáum við fyrri vinnuflokkinn sem voru sjálfboðaliðar á vegum alkirkjuráðs bæði íslenskir og erlendir (Oikoumeniski vinnubúðaflokkur), sem komu frá ýmsum löndum Evrópu og var eitt af verkefnum alkirkjuráðs sem fór í gang eftir síðari heimsstyrjöldina í þeim tilgangi að auka samskipti milli þjóða Evrópu og vinna þannig að gagnkvæmri virðingu og friði sem og að byggja upp samfélagið sem var í rústum eftir stríð. Lengst til hægri á myndinni er sr. Magnús Guðmundsson, fjórði til vinstri er Guðbjartur Jónsson. Grundarfjarðarkirkja var vígð 31. Júlí árið 1966.

Sr. Magnús Guðmundsson messar í Setbergskirkju.

Falleg mynd að glæsilegum prestshjónum, frú Áslaug Sigurbjörnsdóttir og sr. Magnús Guðmundsson fyrir framan Setbergskirkju. Afmælisdagur séra Magnúsar, 29. janúar, var alltaf sérlegur hátíðisdagur á Grundarfirði, því sagt var að fyrst sæist til sólar á afmælisdegi prestsins sem var fæddur 29.janúar árið 1925 og hefði því orðið 100 ára þann dag í ár. Við setjum inn honum til heiðurs nokkrar myndir í gegnum líf hans í Grundarfirði.

Fyrri 4 5 6 7 8 9 10 11 12 13 Næsta

Grundarfjörður

Borgarbraut 16

350 Grundarfirði

Kt. 520169-1729

Opið virka daga 10:00-14:00

grundarfjordur@grundarfjordur.is

Þjónusta
Stjórnsýsla
Mannlíf