Bæjarstjórn

Málsnúmer 1805008FVakta málsnúmer

• 1.1 1504023 Málefni Leikskólans Sólvalla
  Skólanefnd - 143 Lögð fram skýrsla skólastjóra, sem hann gerði grein fyrir.
  Sérstaklega var farið yfir fjölda starfsdaga í skólanum og var niðurstaðan sú að starfsdagar í leikskólanum skólaárið 2018- 2019 verða 6,5, þar af er einn vegna sameiginlegs starfsdags starfsmanna Grundarfjarðar. Á næstu skólaárum þar á eftir verða starfsdagar 5.
  Leikskólastjóri gerði einnig grein fyrir hugmyndum sínum um styttingu vinnuvikunnar á leikskólanum. Hugmyndavinna hefur verið í gangi varðandi framkvæmd þessara hugmynda. Ekki er gert ráð fyrir því að launakostnaður aukist við þetta.
  Skólanefnd fagnar hugmyndum leikskólastjóra og leggur til að bæjarstjórn kynni sér hugmyndina og móti heildstæða mannauðsstefnu fyrir stofnanir Grundarfjarðarbæjar.
  
  Skólanefnd leggur til að forráðamönnum barna í leikskólanum standi til boða gjaldfrjáls vika öðru hvoru megin við sumarlokun skólans. Ráðstöfun þessi er gerð til þess að auka sveigjanleika í þjónustu skólans.
  Skólaárið 2019-2020 mun hefjast á fyrsta starfdegi skólaársins til þess að koma í veg fyrir skertan opnunartíma fyrsta og síðasta dag sumarleyfis.
  
  Jafnframt farið yfir skóladagatal leikskólans, sem einnig var til umfjöllunar á síðasta fundi skólanefndar.
  
  Skóladagatal 2018-2019 samþykkt samhljóða með áorðnum breytingum.
  
  Skólanefnd lýsir yfir ánægju með skólastjórnendur og starfsmenn leikskólans og þakkar fyrir gott samstarf á liðnu kjörtímabili. Bókun fundar Lagt fram bréf leikskólastjóra frá 5. júní sl., þar sem hvatt er til þess að bæjarstjórn taki ákvörðun um að leikskólinn verði almennt lokaður milli jóla og nýárs.
  
  Til máls tóku EG, RG, BP og ÞS.
  
  Bæjarstjórn vísar bréfi leikskólastjóra til skólanefndar.
  
  Samþykkt samhljóða.
  
• 1.2 1504024 Málefni Grunnskóla Grundarfjarðar
  Skólanefnd - 143 Lagt fram skóladagatal Grunnskólans, sem einnig var til umfjöllunar á síðasta fundi skólanefndar.
  Skólastjóri fór yfir dagatalið með fundarmönnum.
  
  Skóladagatal 2018-2019 samþykkt samhljóða.
  
  Skólastjóri gerði einnig grein fyrir nemendakönnun 6.-10. bekkjar 2017-2018.
  Skólanefnd lýsir yfir ánægju með skólastjórnendur og starfsmenn grunnskólans og þakkar fyrir gott samstarf á liðnu kjörtímabili.
• 1.3 1605043 Eldhamrar, 5 ára deild
  Skólanefnd - 143 Lagt fram skóladagatal Eldhamra, sem einnig var fjallað um á síðasta fundi skólanefndar.
  Skólastjóri gerði grein fyrir dagatalinu.
  Skóladagatal 2018-2019 samþykkt samhljóða.
  Skólanefnd lýsir yfir ánægju með stjórnendur og starfsmenn Eldhamra og þakkar fyrir gott samstarf á kjörtímabilinu.
  
  Það er sérstaklega ánægjulegt hversu vel hefur tekist til með 5 ára deildina Eldhamra. Undirbúningur deildarinnar tók langan tíma og er það mat skólanefndar að þessi tilfærsla sé báðum skólastigum til hagsbóta.
• 1.4 1504025 Málefni Tónlistarskóla Grundarfjarðar
  Skólanefnd - 143 Lagt fram skóladagatal 2018-2019, sem áður var til umfjöllunar á síðasta fundi skólanefndar.
  Skólastjóri gerði grein fyrir dagatalinu.
  Skóladagatal 2018-2019 samþykkt samhljóða.
  
  Skólanefnd lýsir yfir ánægju með stjórnendur og starfsmenn tónlistarskólans og þakkar fyrir gott samstarf á kjörtímabilinu.
  

Málsnúmer 1805007FVakta málsnúmer

• 2.1 1805036 17. júní 2018
  Menningarnefnd - 15 Undanfarin ár hefur Ungmennafélag Grundarfjarðar, UMFG, séð um 17. júní en félagið hyggst ekki sjá um hátíðahöldin í ár. Ræddir möguleikar á að fá aðra aðila til að sjá um hátíðahöldin gegn styrk frá Grundarfjarðarbæ á sömu nótum og verið hefur.
  Menningar- og markaðsfulltrúa falið að kanna áhuga félagasamtaka í bænum á að taka að sér undirbúning og utanumhald á hátíðarhöldunum á þjóðhátíðardaginn. Bókun fundar Til máls tóku EG, RG og ÞS.
  
• 2.2 1804014 Sögumiðstöðin
  Menningarnefnd - 15 Til fundarins mættu rekstraraðilar Kaffi Emils, og menningarnefnd fór yfir punkta með þeim frá síðasta fundi. Rætt um leiðir til að halda áfram samstarfi og endurnýja leigusamninginn sem er útrunninn.
  Lítið hefur þokast í átt að betri samskiptum og því setur menningarnefnd spurningarmerki við framhaldið. Menningarnefndin er öll af vilja gerð til að ná samningum og góðu samstarfi við rekstraraðila. Nefndin leggur áherslu á að Sögumiðstöðin verði áfram menningarhús, bókasafn og upplýsingamiðstöð sem þjónar sveitarfélaginu og bæjarbúum samhliða rekstri kaffihúss.
  Ákveðið að aðilar leggi til hugmyndir að nýjum samningi á næsta fundi menningarnefndar og rekstraraðila Kaffi Emils, sem ákveðinn hefur verið í viku 22.

Málsnúmer 1806001FVakta málsnúmer

• 3.1 1704007 Berserkseyri, lýsing á aðalskipulagi/deiliskipulagi
  Breyting á aðalskipulagi/deiliskipulagi fyrir Berserkseyri Skipulags- og umhverfisnefnd - 191 Skipulags - og umhverfisnefnd hefur fjallað um minnisblaðið um úrvinnslu athugasemda vegna kynningar á vinnslustigi.
  
  Skipulags - og umhverfisnefnd
  samþykkir að leggja til við bæjarstjórn að aðalskipulagstillagan verði auglýst í samræmi við skipulagslög að undangenginni athugun Skipulagsstofnunar
  
  Skipulags - og umhverfisnefnd
  samþykkir að leggja til við bæjarstjórn að deiliskipulagstillagan verði auglýst í samræmi við skipulagslög
  Bókun fundar Til máls tóku EG, VSM, ÞS, RG og JÓK.
  
  Bæjarstjórn samþykkir samhljóða tillögu skipulags- og umhverfisnefndar.
  
• 3.2 1704017 Umsókn um lóð
  Afltak ehf. leggur fram fyrirspurn og tillögu varðandi byggingu á lóðinni Ölkelduveg 17 og skil á lóðinni Ölkelduveg 19. Skipulags- og umhverfisnefnd - 191 Skipulags- og umhverfisnefnd áréttar bókun sína um tímamörk á úthlutun lóða frá fundi nr.190 22.5.2018 þar sem nefndin fól Skipulags- og byggingarfulltrúa að fella úr gildi þær lóðaúthlutanir sem fallnar voru á tíma.
  
  Samkvæmt fyrri bókunum nefnda er úthlutun lóðarinna fallin úr gildi og því ekki hægt að afgreiða þessa fyrirspurn.
  
  Skipulags- og umhverfisnefnd felur skipulags- og byggingarfulltrúa að endurauglýsa þessar lóðir, ásamt öðrum lausum lóðum.
  
  Nefndinni lýst vel á að parhús verði byggt á lóðinni Ölkelduveg 17 eða jafnvel að lóðirnar að Ölkelduvegi nr. 17 og 19 verði sameinaðar undir raðhús/parhús.
  
  Samþykkt samhljóða.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  

Málsnúmer 1805042Vakta málsnúmer

Málsnúmer 1805009Vakta málsnúmer

Málsnúmer 1805039Vakta málsnúmer

Málsnúmer 1805047Vakta málsnúmer

Málsnúmer 1805038Vakta málsnúmer

Málsnúmer 1805040Vakta málsnúmer

Málsnúmer 1805044Vakta málsnúmer

Málsnúmer 1805045Vakta málsnúmer

Málsnúmer 1805046Vakta málsnúmer

Málsnúmer 1806001Vakta málsnúmer

Málsnúmer 1505019Vakta málsnúmer

Málsnúmer 1806008Vakta málsnúmer