Bæjarstjórn

Málsnúmer 2205020Vakta málsnúmer

Málsnúmer 2205021Vakta málsnúmer

Málsnúmer 2303004FVakta málsnúmer

• 3.1 2301020 Lausafjárstaða 2023
  Bæjarráð - 602 Lagt fram yfirlit yfir lausafjárstöðu.
  
• 3.2 2302010 Greitt útsvar 2023
  Bæjarráð - 602 Lagt fram yfirlit yfir greitt útsvar janúar-febrúar 2023. Skv. yfirlitinu hefur greitt útsvar hækkað um 9,4% miðað við sama tímabil í fyrra.
  
• 3.3 2303018 Yfirlit yfir ógreiddar viðskiptakröfur
  Bæjarráð - 602 Lagt fram yfirlit yfir ógreiddar viðskiptakröfur 31.12.2022.
  
• 3.4 2303017 Bókasafn, upplýsingamiðstöð o.fl. - Starfslýsing
  Forstöðumaður bókasafns hyggst láta af störfum síðar á árinu. Vinna þarf starfslýsingu og auglýsa starf.
  Bæjarráð - 602 Lagt til að skipaðir verði tveir fulltrúar menningarnefndar og tveir fulltrúar bæjarstjórnar til að yfirfara starfslýsingu og undirbúa auglýsingu starfs. Bæjarstjóra falið að kalla fulltrúana saman.
  
  Samþykkt samhljóða.
  
• 3.5 2301007 Framkvæmdir 2023
  Bæjarráð - 602 Fyrir fundinum lágu ýmis gögn tengd framkvæmdum á tjaldsvæði, sundlaugargarði, kaupum á saunabaði, gatnagerð, malbikun og gangstéttum.
  
  Ólafur Ólafsson, íþrótta- og tómstundafulltrúi, sat fundinn undir þessum lið, að hluta. Farið yfir framkvæmdir tengdar tjaldsvæði og sundlaugargarði. Einnig rætt um saunabað. Fyrir fundinum lágu upplýsingar um það.
  
  Á tjaldsvæðinu þarf að bæta við rafmagnstenglum og endurnýja salerni. Bæjarráð samþykkir að bæta salernismál á tjaldsvæðinu, bæði í „gryfju“ og á „ferningi“ í samræmi við umræður fundarins. Íþrótta- og tómstundafulltrúa og bæjarstjóra falið umboð til að finna úrlausn á þessu máli. Jafnframt samþykkt að þegar tillögur liggja fyrir verði gerður viðauki við fjárhagsáætlun, sem lagður verði fyrir bæjarstjórn.
  
  Bæjarráð samþykkir val á sauna og sömuleiðis endurnýjun kalda karsins í samræmi við hugmyndir íþrótta- og tómstundafulltrúa.
  
  Skv. upplýsingum Ólafs hefur orðið um og yfir 50% aukning á aðsókn sundlaugargesta, í janúar til mars, eftir að sundlaugin/pottar voru auglýst opin á skólatíma.
  
  Rætt um framkvæmdir íþróttahúss utanhúss og um hljóðvist innanhúss, sbr. úttektarskýrslu Eflu. Tillaga nr. 1, skv. kostnaðaráætlun Eflu frá 21. febrúar 2023, samþykkt.
  
  Rætt var um hraðhleðslustöðvar og mögulegar staðsetningar.
  
  Ólafi var þakkað fyrir komuna og inn á fundinn kom Kristín Þorleifsdóttir, sviðsstjóri/skipulagsfulltrúi.
  
  Kristín lagði til ákveðna vinnu sem rýni til undirbúnings gangstéttagerð. Farið yfir hönnunarteikningar sem Landslag hefur hannað fyrir bæinn. Gangstéttarhellur yrðu sérstaklega hannaðar.
  
  Valgeir Magnússon, verkstjóri áhaldahúss, og Hafsteinn Garðarsson, hafnarstjóri, komu inn á fundinn.
  
  Farið yfir þörf fyrir gatnagerð, malbikun og fleiri framkvæmdir. Kristín sýndi hönnun kantsteina m.t.t. öryggis, blágrænna lausna og veðurfars. Hönnunin byggir á grunni hönnunar VSB sem gerð var með tilliti til umferðaröryggis.
  
  Rætt um frekari hönnun á gangstéttum og möguleika á hellulögn og malbikun. Einnig rætt um skipulag miðbæjarins og forgangsverkefni, s.s. gangstétt á Hrannarstíg við Sólvelli.
  
  Rætt um skipulag á hafnarsvæði og mögulega salernisaðstöðu. Einnig rætt um geymslusvæðið og gámasvæðið, þar með um staðsetningu gróðurgáms. Bæjarráð samþykkir að gróðurgámur verði staðsettur á gámastöð. Bæjarstjóra/skrifstofustjóra falið að ræða við fulltrúa Íslenska gámafélagið um framkvæmdina.
  
  Kristín fór yfir stöðu á vinnu við deiliskipulag iðnaðarsvæðis við Kvernár, og við hafnarsvæði og Framnes.
  
  Kristínu, Valgeiri og Hafsteini var þakkað fyrir komuna á fundinn.
  
  Bæjarráð samþykkir fyrirhugaðar gangstéttarframkvæmdir og malbikun hjá dvalarheimili, Smiðjustíg og Hrannarstíg við Sólvelli og Nesveg.
  
  Fram kom hjá Valgeiri, sem jafnframt er slökkviliðsstjóri, að brýn þörf sé á að kaupa bíl fyrir slökkviliðið í staðinn fyrir Ford bifreiðina, sem tekin verður úr notkun. Samþykkt umboð til slökkviliðsstjóra og bæjarstjóra til að gera ráðstafanir um bílakaup skv. umræðum fundarins. Bæjarráð leggur til tilfærslu milli fjárfestingaliða eða gerð viðauka við fjárhagsáætlun, eftir atvikum.
  
  Samþykkt samhljóða.
  
• 3.6 2301008 Markaðs- og kynningarmál 2023
  Bæjarráð - 602 Rætt um skemmtiferðaskipaverkefnið en fundur með hagsmunaaðilum verður haldinn síðar í dag, 28. mars. Í framhaldi af því samtali verður tekin frekari ákvörðun um þjónustu og samstarf.
  
  Samþykkt samhljóða.
  
• 3.7 2201019 Hugmynd að myndbandi á sviði íþrótta- og æskulýðs
  Bæjarráð - 602 Lagt fram til kynningar myndband sem unnið hefur verið fyrir Grundarfjarðarbæ, að ósk íþrótta- og tómstundanefndar, til að nýta sem markaðsefni.
  
• 3.8 2303013 SSV - Minnisblað um dýraleifar
  Bæjarráð - 602 Lagt fram til kynningar minnisblað, sem Umhverfisráðgjöf Íslands ehf. hefur unnið fyrir SSV, um ráðstöfun dýraleyfa og mögulegar úrvinnsluleiðir.
  
• 3.9 2303009 Skógræktarfélag Eyrarsveitar - Vettvangsferð og skoðun
  Bæjarráð - 602 Fyrirhuguð er vettvangsferð og skoðun fulltrúa bæjarins með Skógræktarfélagi Eyrarsveitar og Skógræktarfélagi Íslands.
  
• 3.10 2009050 Grundarfjarðarbær - Eigið eldvarnaeftirlit - forvarnasamstarf
  Bæjarráð - 602 Lögð fram til kynningar greinargerð um Eigið eldvarnareftirlit, ásamt Eldvarnarstefnu og kynningu á erindi bæjarstjóra á ársfundi Eldvarnabandalagsins sl. fimmtudag.
  
• 3.11 2303014 Lánasjóður sveitarfélaga - Fundarboð aðalfundar
  Bæjarráð - 602 Lagt fram til kynningar fundarboð á aðalfund Lánasjóðs sveitarfélaga sem haldinn verður 31. mars nk.
  
• 3.12 2303012 Innviðaráðuneytið - Bættar starfsaðstæður kjörinna fulltrúa
  Bæjarráð - 602 Lagt fram til kynningar bréf innviðaráðuneytisins, dags. 15. mars sl., um hvatningu vegna tillagna verkefnisstjórnar um bættar starfsaðstæður kjörinna fulltrúa.
  
• 3.13 2303004 Mennta- og barnamálaráðuneytið - Fundir um úthlutun og ráðstöfun fjármuna fyrir alla í grunnskólum
  Bæjarráð - 602 Lögð fram til kynningar ýmis gögn frá fundi mennta- og barnamálaráðuneytisins, sem haldinn var 20. mars sl., um úthlutun og ráðstöfun fjármuna fyrir alla í grunnskólum. Bæjarstjóri sótti fundinn.
  

Málsnúmer 2303001FVakta málsnúmer

• 4.1 2303007 Ljósmyndasamkeppni Grundarfjarðarbæjar 2023
  Ákvörðun um þema fyrir ljósmyndasamkeppni Grundarfjarðarbæjar 2023. Menningarnefnd - 36 Menningarnefnd fór yfir þemu undanfarinna ára og leggur til að þema keppninnar í ár verði "viðburðir og mannlíf"
  
  Sigurvegarar keppninnar í fyrra voru, í fyrsta sæti Stefan Wrabetz, með mynd af hafnarsvæðinu, í öðru sæti var Elínborg Þorsteinsdóttir með mynd af öldugangi við Kirkjufell og í þriðja sæti var Sverrir Karlsson með mynd af blómi í haustlitum.
  
  Úrslitin voru kynnt á aðventudegi Kvenfélagsins, þann 27. nóvember 2022. Menningarnefnd óskar þeim innilega til hamingju með verðlaunin.
  Í dómnefnd voru Marta Magnúsdóttir og Rakel Birgisdóttir úr menningarnefnd, auk Olgu Sædísar Aðalsteinsdóttur gestadómara, sem nefndin þakkar fyrir samstarfið.
• 4.2 2303010 Bókasafn Grundarfjarðarbæjar 100 ára
  Lagðir fram til kynningar minnispunktar Sunnu Njálsdóttur til umræðu um málefni Bókasafns Grundarfjarðarbæjar og verkefni sem tengjast starfseminni. Menningarnefnd - 36 Farið var yfir punkta um bókasafnið og starfsemi í Sögumiðstöðinni.
  
  Menningarnefnd mun bjóða Sunnu Njálsdóttur á næsta fund nefndarinnar þar sem farið verður yfir undirbúning og skipulagningu á viðburðum fyrir 100 ára afmæli bókasafnsins.
• 4.3 2303008 Útiljósmyndasýning - menningarstyrkur
  Grundarfjarðarbær sótti um og fékk styrk frá Uppbyggingarsjóði Vesturlands 2019 vegna útiljósmyndasýninga í Grundarfirði. Hugmyndafræðin á bak við umsóknina var að útbúa færanleg skilti fyrir flökkuljósmyndasýningar og upplýsingar til íbúa og gesta.
  Grundarfjarðarbær hefur fengið til liðs við sig úkraínsku listamennina Helen og Mykola sem hafa nú hannað skilti sem er færanlegt, fellur að landslagi í mótun og litum ásamt því að koma með skemmtilega nýjung inn. Menningarnefnd - 36
• 4.4 2112027 Bæringsstofa - Sarpur, varsla ljósmyndasafns
  Þann 24. mars nk. verður ljósmyndasafn Bærings opnað í Sarpi, menningarsögusafni á vefnum www.sarpur.is í tilefni þess að 100 ár eru liðin frá fæðingu Bærings Cecilssonar. Menningarnefnd - 36
• 4.5 2207019 Verkefni menningarnefndar 2022-2026
  Farið yfir helstu verkefni menningarnefndar á tímabilinu. Hugmyndir lagðar fram um viðburði og sýningar, sem og hvatningu til list- og menningarmála. Menningarnefnd - 36 Farið var yfir ýmsar hugmyndir er snúa að viðburðum og samvinnu með listamönnum í bænum.
  Menningarnefnd mun bjóða til hugmyndafundar á næstkomandi mánuðum og fara yfir hugmyndir af verkefnum og möguleika til að efla menningu og listir í bænum.

Málsnúmer 2303003FVakta málsnúmer

• 5.1 1905018 Erindisbréf ásamt kosningu formanns og varaformanns ungmennaráðs
  Lagt fram erindisbréf fyrir ungmennaráð.
  Unnið er að breytingum á erindisbréfinu.
  Ungmennaráð - 7 Ungmennaráð samþykkti að formaður ráðsins verði Áslaug Stella Steinarsdóttir og að varaformaður þess verði Aþena Hall Þorkelsdóttir.
  Jafnframt var samþykkt að ritari nefndarinnar verði Ólafur, starfsmaður íþrótta- og tómstundanefndar, nema annað verði ákveðið.
  
• 5.2 2207002 Siðareglur kjörinna fulltrúa Grundarfjarðarbæjar
  Lagðar fram til kynningar við upphaf nefndarstarfs siðareglur fyrir kjörna fulltrúa Grundarfjarðarbæjar.
  
  Ungmennaráð - 7 Íþrótta-og tómstundafulltrúi fór yfir siðareglur fyrir kjörna fulltrúa.
  
• 5.3 2002037 Unicef Ísland - Barnvæn sveitarfélög - Innleiðing Barnasáttmála sameinuðu þjóðanna
  Ólafur fór yfir verkefnið um barnvæn sveitarfélög og þátttöku Grundarfjarðarbæjar í því.
  Ungmennaráð - 7 Ungmennaráði líst vel á að Grundarfjarðarbær taki þátt í þessu verkefni.
  
• 5.4 2303015 Verkefni Ungmennaráðs
  Farið yfir hlutverk og verkefni ráðsins.
  Hlutverk ungmennaráðs er tiltekið í erindisbréfi þess.
  Ungmennaráð - 7 Rætt var um verkefni ráðsins á síðasta kjörtímabili. Þar á meðal má nefna hugmyndir um ungmennahitting í Sögumiðstöðinni, viðburði og þátttöku í skipulagningu á hátíðum á vegum bæjarins. Ákveðið var að nefndin myndi skipuleggja ungmennahitting í Sögumiðstöðinni í maí nk.
  
  
• 5.5 2303016 Framkvæmdir við íþróttamiðstöð
  Ungmennaráð - 7 Ólafur fór yfir framkvæmdir við íþróttamiðstöð á árinu 2023 og kynnti stöðu þeirra. Góðar umræður fóru fram.

Málsnúmer 2303007FVakta málsnúmer

• 6.1 2207005 Málefni grunnskólans
  Sigurður Gísli Guðjónsson, skólastjóri Grunnskólans, var gestur fundarins í fjarfundi.
  
  Var hann boðinn velkominn á fundinn.
  Skólanefnd - 168 Skólastjóri fór yfir helstu þætti í starfi grunnskólans, Eldhamra og tónlistarskólans:
  
  - Eldhamrar: starfið hefur gengið vel og nýir nemendur aðlagast vel, þau sem verða fimm ára á árinu og eru komin á Eldhamra nokkru fyrr en ætlað var.
  - Stóra upplestrarkeppnin fór fram í Grunnskólanum í dag, en það eru nemendur í 7. bekk sem taka þátt í henni. Síðar fer fram keppni skólanna á Snæfellsnesi.
  - Árshátíð nemenda verður á morgun, 30. mars. Hún er tvískipt, fyrir yngri og eldri nemendur.
  - Skólalóðin og endurbætur á henni: sérstakur starfshópur hefur verið með hana til skoðunar og hefur skipulagsfulltrúi/sviðsstjóri aðstoðað hópinn. Nemendur hafa unnið tillögur um skólalóðina og Sigurður sagði frá fundi með arkitekt, sem fenginn var til að rýna lóðina og þau atriði sem fram komu í vinnu starfshópsins og nemenda.
  - Vortónleikar tónlistarskólans verða 17. maí nk.
  - Átta nemendur fara á Landsmót lúðrasveita í Vestmannaeyjum 19.-20. maí nk.
  
  Bæjarstjóri og skólastjóri sögðu frá framkvæmdum sem eru í gangi og í undirbúningi (grunnskóli, íþróttahús, skólalóð).
  
  Sérstaklega hafa reglulegar öryggisúttektir vegna eldvarna og skólalóðar verið til úrvinnslu að undanförnu, þ.e. að atriði í úttektum slökkviliðsstjóra, heilbrigðiseftirlits, skoðunarúttekt leiksvæða o.fl. hafa verið framkvæmd og/eða komið í vinnslu.
  
  
• 6.2 2207023 Skólastefna
  Gunnþór Eyfjörð Gunnþórsson ráðgjafi frá Ásgarði er gestur undir þessum lið í gegnum fjarfund og var hann boðinn velkominn.
  
  Áfram situr fundinn Sigurður Gísli, skólastjóri grunnskóla, sem og Margrét Sif, Elísabet Kristín og Kristín Alma, sbr. næsta lið fundarins.
  
  
  
  Skólanefnd - 168 Farið var yfir markmið og helstu þætti í vinnu við endurskoðun skólastefnu, sem er framundan, í samræmi við verkáætlun Ásgarðs.
  
  Gunnþór leggur til að skipaðir verði fulltrúar í stýrihóp um endurskoðunina.
  Skólanefnd leggur til að bæjarstjórn taki það fyrir og skipi fulltrúa í stýrihópinn.
  
  Gunnþór mun leggja nánari tíma- og verkáætlun fram, til skólanefndar.
  
  Gunnþóri var þakkað fyrir góðar upplýsingar og umræður.
  
  
  
  
• 6.3 2207006 Málefni leikskólans
  Margrét Sif Sævarsdóttir skólastjóri Leikskólans Sólvalla sat þennan lið í fjarfundi, Elísabet Kristín Atladóttir sem fulltrúi foreldra (úr foreldraráði) og Kristín Alma Sigmarsdóttir sem fulltrúi kennara/starfsfólks leikskólans.
  
  Voru þær boðnar velkomnar á fundinn.
  Skólanefnd - 168 Margrét Sif skólastjóri Leikskólans Sólvalla sagði frá því helsta úr skólastarfinu að undanförnu:
  
  - Inntaka nýrra barna, 12 mánaða, hefur gengið vel
  - Aðlögun 5 ára barna gengið vel á Eldhömrum, en þar er um að ræða samstarf Sólvalla og Eldhamra.
  - Starfsmannamál, leikskólastjóri sagði frá stöðu í starfsmannamálum, sem standa ágætlega núna.
  - Breytingar sem gerðar voru á starfsemi eldhúss hafa mælst mjög vel fyrir. Leikskólastjóri leggur til að fyrirkomulag þetta verði einnig haft á komandi skólaári.
  - Skóladagatal: leikskólastjóri er komin með drög að starfsáætlun/skóladagatali, sem þarf að samræma/vinna með skólastjóra grunnskólans.
  
  Skólanefnd staðfestir breytingu á skóladagatali leikskólans, um að starfsdagur þann 19. apríl nk. falli niður og verði því almennur kennsludagur. Skólanefndin hafði áður gefið rafrænt samþykki og leikskólastjóri hefur kynnt foreldrum þessa breytingu.
  Starfsdagurinn var ætlaður í námsferð erlendis, sem ekki er farin í ár en stefnt er að því að fara á næsta ári í staðinn.
  
  Skólanefnd ræddi breytingar á vistunartíma barna og breytingar á gjaldskrá.
  Leikskólastjóri leggur til að tekið verði upp 15 mínútna gjald, fyrir tímann frá 7:45-8:00 og 16:00-16:15. Hún vísar í að slíkt fyrirkomulag myndi auka verulega yfirsýn stjórnenda leikskólans og gera það að verkum að auðveldara verði að sjá þörf fyrir starfsfólk á þessum tíma. Slíkt fyrirkomulag er á mörgum leikskólum.
  Rætt ítarlega og farið yfir mögulegt fyrirkomulag, kosti og galla.
  
  Skólanefnd mælir með við bæjarstjórn að tekið verði upp það fyrirkomulag að foreldrar/forráðamenn geti valið um að hafa börn sín í auka korter fyrir og eftir reglulegan opnunartíma, sem er 8-16, og greiði þá sérstakt, hóflegt gjald fyrir þann tíma, sbr. gjaldskrá.
  
  Bókun fundar Til máls tóku JÓK, DM og SGG.
  
  Bæjarstjórn vísar tillögu um breytingu á fyrirkomulagi/gjaldskrá til bæjarráðs.
  
  Samþykkt samhljóða.
  
• 6.4 2301037 Samband íslenskra sveitarfélaga - Umsóknarfrestur í Endurmenntunarsjóð grunnskóla 2023
  Lagt fram til kynningar. Skólanefnd - 168
• 6.5 2302022 Mennta- og barnamálaráðuneytið - Þátttaka í þjóðfundi heima í héraði um framtíð skólaþjónustu
  Lagt fram til kynningar efni um fund sem haldinn var 6. mars sl. Skólanefnd - 168

Málsnúmer 2303002FVakta málsnúmer

• 7.1 2301004 Framnes - Breyting á aðalskipulagi 2023
  Lögð fram til afgreiðslu vinnslutillaga vegna breytingar á Aðalskipulagi Grundarfjarðarbæjar 2019-2039 á grundvelli 1. mgr. 36. gr. skipulagslaga nr. 123/2010 með vísun í 2. mgr. 30. gr. laganna.
  
  Breytingin felur í sér breytingu á landnotkun á hafnarsvæði (H-1 og H-2), Framnesi (AT-1) og hafsvæði vestan Framness (S-1). Með breytingunni er verið að auka sveigjanleika í landnotkun á Framnesi með því að liðka fyrir framtíðaráformum um uppbyggingu ferðaþjónustu nyrst á Framnesi og heimila takmarkaðan fjölda íbúðarhúsnæðis á hluta svæðisins. Einnig er stefnt að lengingu Miðgarðs um allt að 50m til þess að auka svigrúm fyrir skip til þess að leggjast að bryggju og stækka landfyllingu í kverkinni við Norðurgarð um u.þ.b. 500 m2 til að skapa meira rými fyrir umferðarleiðir.
  
  Skipulagslýsing var auglýst 30.11.2022 með athugasemdafresti til 21.12.2022 og send til umsagnaraðila. Kynningarfundur var 13.12.2022.
  Skipulags- og umhverfisnefnd - 247 Skipulags- og umhverfisnefnd samþykkir fyrir sitt leyti að kynna vinnslutillögu vegna breytingar á Aðalskipulagi Grundarfjarðarbæjar 2019-2039. Vinnslutillagan hefur verið samþykkt til kynningar í bæjarstjórn (269. fundur 9. febrúar sl.) að uppfylltum skilyrðum og í hafnarstjórn (4. fundur 23. janúar sl.). Skipulagsnefnd felur skipulagsfulltrúa að kynna tillöguna í samræmi við 1. mgr. 31. gr. skipulagslaga nr. 123/2010. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
  Fram er lögð til afgreiðslu bæjarstjórnar vinnslutillaga vegna breytingar á Aðalskipulagi Grundarfjarðar 2019-2039 vegna hafnarsvæðis og Framness. Breytingin er gerð í tengslum við vinnu við gerð deiliskipulags fyrir Framnes og norðurhluta hafnarsvæðis.
  
  Umfjöllun hefur farið fram um málið á nokkrum fundum í skipulags- og umhverfisnefnd, nú síðast 4. apríl sl., og hafnarstjórn, nú síðast 12. apríl sl.
  
  Tillögur að breytingu á deiliskipulagi hafnarsvæðis annars vegar og Framness hins vegar eru í vinnslu og eiga eftir að fara í gegnum frekari umræðu í skipulags- og umhverfisnefnd og hafnarstjórn áður en þær fara í kynningu.
  
  Allir tóku til máls.
  
  Rætt um tillöguna.
  
  Lagt til að bæjarstjórn samþykki tillöguna til kynningar í samræmi við 2. mgr. 30 gr. skipulagslaga nr. 123/2010.
  
  Bæjarstjórn samþykkir að fyrirliggjandi vinnslutillaga að breytingum á aðalskipulagi Grundarfjarðar 2019-2039, forsendur hennar og umhverfismat verði kynnt íbúum sveitarfélagsins og öðrum hagsmunaaðilum á almennum fundi eða á annan fullnægjandi hátt. Aðalskipulagstillagan verði jafnframt auglýst með áberandi hætti og kynnt sveitarstjórnum aðliggjandi sveitarfélaga, svæðisskipulagsnefnd og öðrum sveitarfélögum sem kunna að eiga hagsmuna að gæta vegna skipulagsins, í samræmi við 1. mgr. 36. gr., sbr. 2. mgr. 30. gr. skipulagslaga nr. 123/2010.
  Að lokinni slíkri kynningu tillögunnar, sem standi í að minnsta kosti 2 vikur, verður aðalskipulagstillagan lögð aftur fyrir bæjarstjórn til afgreiðslu og send til athugunar Skipulagsstofnunar, sbr. 3. mgr. 30. gr. skipulagslaga, og síðan auglýst opinberlega í sex vikur, í samræmi við 31. gr. skipulagslaga.
  
  Skipulagsfulltrúa er falið að ganga frá tillögunni til kynningar og meðferðar í samræmi við framangreint.
  
  Samþykkt samhljóða.
  
• 7.2 2101038 Iðnaðarsvæði - tillaga að deiliskipulagi 2021
  Lögð fram til afgreiðslu tillaga að breytingu á deiliskipulagi fyrir iðnaðar- og athafnasvæðið vestan Kvernár í samræmi við 1. mgr. 41. gr. skipulagslaga nr. 123/2010. Á fundinum mun Þóra Kjarval hjá ráðgjafafyrirtækinu Alta kynna tillöguna. Skipulags- og umhverfisnefnd - 247 Skipulags- og umhverfisnefnd samþykkir fyrir sitt leyti að auglýsa tillögu að breytingu á deiliskipulagi iðnaðar- og athafnasvæðis vestan Kvernár í samræmi við 1. mgr. 41. gr. skipulagslaga nr. 123/2010. Tillagan er í samræmi við aðalskipulag og er því fallið frá kynningu á vinnslustigi sbr. 4. mgr. 40. gr. laganna. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 7.3 2303028 Nesvegur 2 - hafnarskúr - stöðuleyfi fyrir salernishús/gám
  Sótt er um stöðuleyfi fyrir salernishús til 5 mánaða eða frá 20. apríl til 1. október 2023. Hýsið mun vera staðsett sunnan við hafnarskúr og kemur til með að þjónusta ferðafólk sem kemur með skemmtiferðaskipum sumarið 2023. Skipulags- og umhverfisnefnd - 247 Skipulags- og umhverfisnefnd samþykkir að veita stöðuleyfi til skamms tíma fyrir salernishús á hafnarsvæði frá 1. apríl til 1. október 2023. Nefndin felur umhverfis- og skipulagssviði að gefa út stöðuleyfi að uppfylltum skilyrðum og í samræmi við gildandi gjaldskrá og reglur vegna stöðuleyfa í Grundarfjarðarbæ. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 7.4 2303029 Innri Látravík - Stöðuleyfi fyrir gestahús
  Landeigendur að Innri-Látravík (L-223872) sækja um stöðuleyfi fyrir 20 m2 gestahús frá 1. apríl 2023 til 1. apríl 2024. Um er að ræða flutningshús sem ráðgert er að staðsetja til frambúðar í Innri-Látravík. Til bráðabirgða verður húsinu komið fyrir vestan við núverandi íbúðarhús. Skipulags- og umhverfisnefnd - 247 Skipulags- og umhverfisnefnd samþykkir að veita stöðuleyfi v/ 20 m2 gestahúss í Innri Látravík til eins árs, þ.e. frá 1. apríl 2023 til 1. apríl 2024. Nefndin felur umhverfis- og skipulagssviði að gefa út stöðuleyfi að uppfylltum skilyrðum og í samræmi við gildandi gjaldskrá og reglur vegna stöðuleyfa í Grundarfjarðarbæ. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 7.5 2301003 Deiliskipulag Hafnarsvæðis 2023
  Lagt fram til afgreiðslu tillaga að breytingu á deiliskipulagi fyrir Framnes austan Nesvegar (hafnarsvæði)í samræmi við 1. mgr. 41. gr. skipulagslaga nr. 123/2010. Skipulags- og umhverfisnefnd - 247 Skipulags- og umhverfisnefnd tekur fyrir sitt leyti jákvætt í framlagða tillögu vegna breytingar á deiliskipulagi Framness austan Nesvegar (hafnarsvæðis) og leggur til við hafnarstjórn og bæjarstjórn að fela skipulagsfulltrúa að auglýsa tillöguna í samræmi við 1. mgr. 43. gr. skipulagslaga nr. 123/2010 með vísan í 1. mgr. 41. gr. laganna. Skipulagsnefnd telur skipulagsbreytinguna vera í samræmi við Aðalskipulag Grundarfjarðarbæjar 2019-2039 og að ekki þurfi að kynna hana á vinnslustigi, sbr. 4. mgr. 40. gr. skipulagslaga nr. 123/2010. Bókun fundar Bæjarstjórn þakkar Hrafnhildi Brynjólfsdóttur, skipulagsráðgjafa hjá Eflu, fyrir greinargóða kynningu á tillögu að breytingu á aðalskipulagi og á deiliskipulagi Framness austan Nesvegar, þ.e. norðurhluta hafnarsvæðis.
  
  Bæjarstjórn felur skipulagsfulltrúa að vinna tillöguna áfram með skipulagsráðgjöfum í samræmi við umræður á fundinum og með hliðsjón af fundargerð hafnarstjórnar frá 12. apríl sl. og leggja að því búnu tillöguna aftur fyrir hafnarstjórn og skipulagsnefnd til samþykktar og staðfestingar hjá bæjarstjórn, og svo til auglýsingar í samræmi við 1. mgr. 41. gr. skipulagslaga nr. 123/2010.
  
  Stefnt er að því að sú auglýsing verði samhliða auglýsingu á breytingu á aðalskipulagi sbr. 2. mgr. 30 gr. skipulagslaga nr. 123/2010 með vísun í 2. mgr. 30. gr. laganna. Jafnframt er stefnt að því að auglýsa vinnslutillögu að nýju deiliskipulagi fyrir Framnes í sömu auglýsingu.
  
  Bæjarstjórn felur jafnframt skipulagsfulltrúa að kalla eftir minnisblaði skipulagsráðgjafa um tillögugerðina og þær efnislegu hugmyndir og umræðu sem fram fór á vinnslustigi tillögunnar, einkum um umferðaröryggismál á hafnarsvæðinu, uppá síðari umfjöllun að gera.
  
  Bæjarstjórn samþykkir samhljóða afgreiðslu skipulags- og umhverfisnefndar.
  
• 7.6 2302021 Hopp Snæfellsnes - Umsókn um rekstur á rafskútum
  Á 601. fundi bæjarráðs þann 2. mars sl. var erindi Hopp á Snæfellsnesi vísað til umsagnar og afgreiðslu skipulags- og umhverfisnefndar, en bæjarráð tók vel í erindið.
  
  SnæHopp ehf. sækir um leyfi til reksturs á stöðvarlausri deilileigu fyrir rafskútur í Grundarfirði. Skipulags- og umhverfisnefnd - 247 Skipulags- og umhverfisnefnd tekur vel í umsókn Snæhopps um leyfi til reksturs á stöðvalausri deilileigu fyrir rafskútur og leggur til við bæjarstjórn að samþykkja umsóknina. Bókun fundar Bæjarstjórn samþykkir samhljóða tillögu skipulags- og umhverfisnefndar og felur bæjarstjóra að ganga til samninga við Snæhopp.
  
• 7.7 2303027 Þórdísarstaðir - byggingarleyfi vegna endurbyggingar hesthúss og hlöðu
  Dísarbyggð ehf. sækir um byggingarleyfi vegna breytingar á gamla hesthúsinu og hlöðunni í atvinnuhúsnæði en sem til stendur að breyta byggingunni í tveggja hæða aðstöðuhús tengt ferðaþjónustu. Gert er ráð fyrir að steypa nýja botnplötu í húsið og bæta við hæð. Á efri hæð verði fjögur svefnherbergi, hvert með sér baðherbergi. Á neðri hæð er gertráð fyrir aðstöðu til að geyma búnað tengdan ferðaþjónustu á staðnum.
  
  Skv. Aðalskipulagi Grundarfjarðarbæjar 2019-2039 er svæðið skilgreint sem verslunar- og þjónustusvæði (VÞ-2). Þar er heimilt að reisa gistirými í smáhýsum eða lágreistum byggingum fyrir allt að 200 gesti. Einnig er heimilt að reisa þjónustu- og veitingahús fyrir allt að 100 gesti. Í skipulagsskilmálum er einnig tekið fram að mannvirki skuli falla vel að landslagi og þeim byggingum sem fyrir eru. Þar segir jafnframt: "Landeigendur hafa áform um að byggja upp ferðaþjónustu á jörðinni á næstu árum, með uppbyggingu á smáhýsum, auk þess að reka þjónustuhús með veitingasölu."
  
  Ekki er til deiliskipulag fyrir Þórdísarstaði.
  
  Til viðbótar við núverandi íbúðarhús, hesthús og hlöðu, sem nú er sótt um leyfi til að breyta, eru þar fimm stakstæð smáhýsi með tveimur gistirýmum hvert, sem fengið hafa rekstrarleyfi sem gististaðir. Skipulags- og umhverfisnefnd - 247 Skipulags- og umhverfisnefnd telur að fyrirhuguð breyting á hlöðu og hesthúsi í þjónustubyggingu fyrir ferðafólk samræmist ekki skipulagsskilmálum VÞ-2 í aðalskipulagi hvað varðar gistirými í byggingunni og að slík breyting kalli á óverulega breytingu á aðalskipulagi í samræmi við 2. mgr. 36. gr. skipulagslaga nr. 123/2010. Á þeim grundvelli hafnar nefndin byggingarleyfisumsókninni.
  
  Samkvæmt skipulagsskilmálum í aðalskipulagi er heimilt að reisa gistirými í smáhýsum eða lágreistum byggingum fyrir allt að 200 gesti. Hafi landeigandi hug á því að reisa fleiri smáhýsi á jörðinni leggur nefndin til að unnið verði deiliskipulag fyrir svæðið í samræmi við 37. gr. skipulagslaga nr. 123/2010 og gr. 5.1.2. í skipulagsreglugerð nr. 90/2013. Við ákvörðun um deiliskipulag ber einnig að líta til byggingarheimilda fyrir landbúnaðarsvæði. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 7.8 2205033 Umhverfisrölt 2022-2026
  Umhverfisröltið hefur verið árleg hefð til þess að bjóða bæjarbúum að hitta bæjarstjórn, skipulags- og umhverfisnefnd og aðra starfsmenn bæjarins og skoða nærumhverfi sitt og koma með ábendingar og hugmyndir.
  
  Lagðar fram myndir frá umhverfisrölti 2022 til skoðunar. Umhverfisröltið er allajafna farið í snemma sumars og því hægt að setja ákveðin verkefni til vinnslu fyrir komandi sumar. Skipulags- og umhverfisnefnd - 247 Ákveðið að umhverfisrölt verður farið 23. og 25. maí nk.
• 7.9 2205002 Úttekt á aðgengi opinberra bygginga í Grundarfirði
  Á 601. fundi sínum vísaði bæjarráð skýrslu um aðgengi opinberra bygginga í Grundarfirði til umsagnar og afgreiðslu skipulags- og umhverfisnefndar. Skipulags- og umhverfisnefnd - 247
• 7.10 2009012 Mál frá skipulags- og byggingarfulltrúa
  Sviðsstjóri umhverfis- og skipulagssviðs fara yfir mál sviðsins. Skipulags- og umhverfisnefnd - 247

Málsnúmer 2304002FVakta málsnúmer

• 8.1 2301004 Framnes - Breyting á aðalskipulagi 2023
  Fyrir fundinum liggur skjal með tillögu að aðalskipulagsbreytingu fyrir hafnarsvæði og Framnes, með innfærðum minnispunktum bæjarstjóra eftir síðustu yfirferð hafnarstjórnar.
  
  Hafnarstjórn - 5 Hafnarstjórn fer ekki efnislega yfir skjalið, þar sem minnispunktar um afstöðu hafnarstjórnar liggja fyrir og hafa verið eða verða teknir inní endanlega útgáfu.
  
  
• 8.2 2301003 Deiliskipulag Hafnarsvæðis 2023
  Fyrir liggur vinnsluútgáfa dags 31. mars sl. frá Eflu, um deiliskipulag hafnarsvæðis.
  
  Hafnarstjórn fór yfir tillöguna.
  
  Hafnarstjórn - 5 Mörkum deiliskipulagssvæðis hefur verið breytt í takt við óskir hafnarstjórnar, þannig að þau liggja nú rétt sunnan við Miðgarð. Ekki er því tekið með í þessari tillögu hluti af landfyllingu sunnan Miðgarðs, eins og fyrri útgáfur af tillögu gerðu ráð fyrir. Hafnarstjórn óskaði eftir því að slík umræða yrði látin bíða og tekin með heildarskipulagi suðursvæðis hafnarinnar.
  
  Með tilkomu tengingar af Bergþórugötu yfir Nesveg og inná hafnarsvæðið, yfir nýju landfyllinguna og framhjá nýja netaverkstæðinu og saltgeymslunni, er umferðarflæði á svæðinu að breytast. Í aðalskipulagi hefur lengi verið gert ráð fyrir nýjum vegi sem komi neðan Grundargötu, yfir nýja landfyllingu sem lægi sunnan við Miðgarð að Gilósi, neðan húsa við neðan- og innanverða Grundargötu. Slíkur vegur á að taka við þungaumferð til og frá hafnarsvæði, sem lægi þá ekki lengur um austanverða/innanverða Grundargötu. Skoða verður legu og möguleika á slíkum vegi þegar farið verður í deiliskipulag suðurhluta hafnarsvæðis.
  Ljóst er að slíkur vegur myndi breyta enn frekar umferðarflæði á og um hafnarsvæðið, til viðbótar við þær breytingar sem eru að verða með nýrri götu á landfyllingu á hafnarsvæðinu.
  
  Í deiliskipulagsvinnunni nú var ætlunin að taka enn betur á umferðarflæði og umferðaröryggi, ekki síst með tilliti til stóraukins fjölda ferðamanna sem fer um hafnarsvæðið og þörf fyrir rútur að og frá, og inná hafnarsvæðinu. Ljóst er að það markmið næst ekki að fullu með skipulaginu eins og vinnan hefur þróast. Taka verður suðurhlutann með í þá skipulagningu, einkum til að leysa framtíðarskipulag fyrir aðkomu og stæði fyrir rútur, og umferðarflæði til og frá þeim.
  
  Varðandi einstök atriði í deiliskipulagstillögunni leggur hafnarstjórn eftirfarandi til:
  
  Lóð 14, hafnarstjórn telur að mörk lóðar eigi að fylgja því sem verið hefur um lóðina.
  
  Ekki tekin afstaða til skilmála fyrir lóð nr. 6 við Nesveg.
  
  Skoðað verði nánar það fyrirkomulag sem virðist felast í tillögu um aðkomu að / inná lóð nr. 4 við Nesveg, frá götunni við Nesveg, þar sem bílastæði FISK er núna. Athuga einnig heiti/texta á svæðinu fyrir framan húsið.
  
  Athuga þarf stærð og mörk lóða á Norðurgarði, hvort í tillögu felist breyting frá skráðum stærðum.
  
  Lagfæra þarf merkingar/númerun á lóð 6B, bæði inná lóð 6 og inná lóð sem á að vera 6a.
  
  Skilgreina þyrfti betur skilmála fyrir lóð 6a (sem er merkt 6B) og að not hennar verði skilgreind víðar en tillagan gerir nú.
  
  
• 8.3 2303028 Nesvegur 2_hafnarskúr - stöðuleyfi fyrir salernishús
  Rætt um lausn á salernismálum á hafnarsvæði.
  
  Hafnarstjórn - 5 Hafnarstjórn telur að hefja þurfi undirbúning að framtíðarfyrirkomulagi salernismála á hafnarsvæðinu. Í ár verða sett upp lausar gámaeiningar fyrir salerni, sem þjóna eiga gestum skemmtiferðaskipa sem koma í höfn, eins og hafnarstjórn hafði áður samþykkt og veitt hefur verið stöðuleyfi fyrir.
  
  Hafnarstjóri leggur til að reist verði viðbygging við hafnarhúsið að Nesvegi 2, sem nýtast muni hafnarstarfsmönnum, fullnægja salernisþörf gesta skemmtiferðaskipa og nýtast leiðsögumönnum og skipuleggjendum, strax vorið 2024.
  
  Hafnarstjórn heimilar hafnarstjóra að hefja undirbúning til að leysa salernisþörf og aðstöðu á hafnarsvæði, að greina nánar þarfir fyrir stærð og gerð húss. Gerð verði gróf kostnaðargreining sem lögð verði fyrir næsta fund hafnarstjórnar.
  
  Hafnarstjórn samþykkir jafnframt tillögu hafnarstjóra, um að svæði hafnarinnar upp við Nesveg, verði nánar/betur afmarkað frá götunni, í framhaldi (suður af) skilti/akkeri ofan við hafnarvog, til samræmis við fyrirliggjandi deiliskipulagstillögu.
  
  Bókun fundar Allir tóku til máls.
  

Málsnúmer 2303020Vakta málsnúmer

Málsnúmer 2009014Vakta málsnúmer

Málsnúmer 2207023Vakta málsnúmer

Málsnúmer 2304010Vakta málsnúmer

Málsnúmer 2304014Vakta málsnúmer

Málsnúmer 2304015Vakta málsnúmer

Málsnúmer 2303023Vakta málsnúmer

Málsnúmer 2010007Vakta málsnúmer

Málsnúmer 2303006Vakta málsnúmer

Málsnúmer 2302013Vakta málsnúmer

Málsnúmer 2303022Vakta málsnúmer

Málsnúmer 2303030Vakta málsnúmer

Málsnúmer 2303021Vakta málsnúmer

Málsnúmer 2303025Vakta málsnúmer

Málsnúmer 2304002Vakta málsnúmer

Málsnúmer 2304003Vakta málsnúmer

Málsnúmer 2304007Vakta málsnúmer

Málsnúmer 2304008Vakta málsnúmer

Málsnúmer 2302005Vakta málsnúmer

Málsnúmer 2304011Vakta málsnúmer

Málsnúmer 2304012Vakta málsnúmer

Málsnúmer 2304013Vakta málsnúmer