Bæjarstjórn

Slökkviliðsstjóri hefur verið í 8,4% starfshlutfalli, sem er of lágt hlutfall miðað við þörf. Lagt er til að stöðuhlutfall starfs slökkviliðsstjóra verði hækkað í 40% starfshlutfall.



Lögð fram drög að nýrri starfslýsingu slökkviliðsstjóra til afgreiðslu bæjarstjórnar.



Lagt til að bæjarstjóra verði falið að ganga frá breytingu á starfshlutfalli og ráðningarsamningi VÞM slökkviliðsstjóra, til samræmis við framangreint.



Einnig lagt til að bakvaktafyrirkomulagi stjórnenda slökkviliðs verði breytt, sbr. tillögu sem fyrir liggur. Samkvæmt tillögunni verði farið úr helgarbakvöktum (bakvaktaálag) í bakvaktir alla daga (í formi 20 fastra yfirvinnustunda á viku).



Lagt til að bæjarstjóra verði falið að ganga frá samningum við stjórnendur slökkviliðs í samræmi við þetta.



Fyrirkomulagið taki gildi 1. september nk.

Leikskólastjóri hefur sagt upp starfi sínu.



Lagt er til að starf leikskólastjóra verði auglýst laust til umsóknar.

Lagður fram samstarfssamningur við Golfklúbbinn Vestarr Grundarfirði (GVG), sem felur í sér greiðslu 8 millj. kr. fjárstyrks til golfklúbbsins árið 2024 og 5 millj. kr. styrkgreiðslu árlega árin 2025-2032, samtals 48 millj. kr. á samningstímanum.



Tilgangur og markmið samningsins eru að tryggja áframhaldandi aðstöðu og uppbyggingu á íþróttasvæðinu á Bárarvelli og að gera GVG kleift að festa kaupa á landi og aðstöðu fyrir golfvöll í landi Suður-Bárar.



Í bókun 286. fundar bæjarstjórnar þann 28. maí sl. fólst að leggja skyldi samstarfssamning við GVG með tilgreindum forsendum, fyrir bæjarstjórn til samþykktar. Ritað var undir slíkan samning þann 12. júlí sl. og er samstarfssamningurinn því lagður fyrir bæjarstjórn nú.



Samkvæmt samningnum er gert ráð fyrir að GVG leggi fram áætlun og staðfestingu á því hvernig kaup GVG á golfvellinum í Suður-Bár verði fjármögnuð að öðru leyti. GVG vinnur nú að því og mun leggja fram áætlun sína þegar hún verður tilbúin. Lagt til að GVG verði greiddur út styrkur ársins 2024.



Forsendur útgreiðslu fjárstyrkja hvers árs eru annars þær að fjárhagsáætlun GVG fyrir hvert ár verði samþykkt af Grundarfjarðarbæ til þess að rekstrarhæfi klúbbsins sé tryggt. Fjárhagsáætlun þarf að berast Grundarfjarðarbæ eigi síðar en 1. apríl ár hvert, meðan samningurinn er í gildi.

Lagður fram til kynningar samningur við Golfklúbbinn Vestarr um garðslátt. Samningurinn er endurnýjun á eldri samningi og byggir á sama fyrirkomulagi við slátt og fyrr.

Lögð fram til kynningar auglýsing um starf forstöðumanns Félags- og skólaþjónustu Snæfellinga.