Bæjarstjórn

Málsnúmer 2205020Vakta málsnúmer

Málsnúmer 2205021Vakta málsnúmer

Málsnúmer 2411006FVakta málsnúmer

• 3.1 2401026 Lausafjárstaða 2024
  Lagt fram yfirlit yfir lausafjárstöðu.
  Bæjarráð - 629
• 3.2 2402013 Greitt útsvar 2024
  Lagt fram yfirlit yfir greitt útsvar janúar-nóvember 2024.
  Bæjarráð - 629 Skv. yfirlitinu hefur greitt útsvar hjá Grundarfjarðarbæ hækkað um 4,6% miðað við sama tímabil í fyrra.
  
• 3.3 2405025 Rekstraryfirlit 2024
  Lagt fram níu mánaða rekstraryfirlit janúar-september 2024.
  Bæjarráð - 629
• 3.4 2409023 Styrkumsóknir og afgreiðsla 2025
  Lögð fram viðbótarumsókn um styrk 2025.
  Bæjarráð - 629 Styrkbeiðni vísað til bæjarstjórnar.
  
  Samþykkt samhljóða.
  
• 3.5 2409008 Fjárhagsáætlun 2025
  Lögð fram fjárfestingaáætlun 2025 og tilheyrandi gögn.
  Bæjarráð - 629 Farið yfir fjárfestingar ársins 2025. Lögð fram endurskoðuð tillaga um fjárfestingar 2025 og tillaga um fjárfestingar Grundarfjarðarhafnar 2025, í framhaldi af fundi bæjarstjórnar og hafnarstjórnar 3. desember.
  
  Umræða um drögin og fjárfestingar 2025.
  
  Fjárfestingaáætlun 2025 samþykkt til 2. umræðu í bæjarstjórn.
  
  Samþykkt samhljóða.
  
• 3.6 2412001 Sýslumaðurinn á Vesturlandi - Afskriftarbeiðni
  Kynnt beiðni Sýslumannsins á Vesturlandi um afskrift á álögðum opinberum gjöldum. Afskrifaður höfuðstóll er að fjárhæð 912.318 kr.
  Bæjarráð - 629 Lagt til að bæjarráð samþykki beiðni sýslumanns.
  
  Bæjarráð samþykkir samhljóða afskrift á álögðum opinberum gjöldum að fjárhæð 912.318 kr. auk vaxta.
  
• 3.7 2201007 Íbúðir við Hrannarstíg 18 og 28-40
  Íbúð að Hrannarstíg 36 sem bæjarstjórn ákvað að yrði seld er tilbúin til auglýsingar.
  
  Lögð fram drög að auglýsingu um sölu íbúðarinnar og verðmat fasteignasala fyrir íbúðina. Áður hafa verið lögð fram önnur gögn, eins og um kvaðir á íbúðinni og eignaskiptayfirlýsing.
  
  Bæjarráð - 629 Bæjarstjóra falið umboð til að auglýsa og annast framkvæmd sölu íbúðarinnar, þ.m.t. að sjá um samningsgerð skv. framlögðum skilmálum. Komi upp álitaefni verður þeim vísað til bæjarráðs.
  
  Samþykkt samhljóða.
  
• 3.8 2410007 FSS - Drög að reglum FSS um stoðþjónustu
  Lögð fram til kynningar drög að reglum FSS um stoðþjónustu við fatlað fólk með langvarandi stuðningsþarfir.
  Bæjarráð - 629 Mál í vinnslu og til afgreiðslu síðar.
  
• 3.9 2410008 FSS - Drög að reglum að stuðningsþjónustu sveitarfélaga september 2024
  Lögð fram til kynningar drög að reglum FSS um stuðningsþjónustu.
  Bæjarráð - 629 Mál í vinnslu og til afgreiðslu síðar.
  
• 3.10 2411017 Orkusjóður - Samningur um orkuskipti 2023
  Lagður fram til kynningar samningur við Orkusjóð um orkuskipti.
  Bæjarráð - 629
• 3.11 2411016 Orkusjóður - Samningur um orkuskipti 2024
  Lagður fram til kynningar samningur við Orkusjóð um orkuskipti.
  Bæjarráð - 629
• 3.12 2411015 Míla - Samningur um ljósleiðaraframkvæmdir
  Lagður fram til kynningar samningur við Mílu um ljósleiðaraframkvæmdir.
  
  Samningurinn er gerður í tengslum við samning Grundarfjarðarbæjar við Fjarskiptasjóð, sem lagður var fram í bæjarstjórn til kynningar 8. október sl., en hann kveður á um greiðslu styrks til að ljúka ljósleiðaralagningu í nokkur hús sem eftir voru í þéttbýli Grundarfjarðar.
  
  Ljósleiðaralagningu er nú lokið í sveitarfélaginu.
  
  Bæjarráð - 629
• 3.13 2411019 Vegagerðin - Þjóðvegahald í þéttbýli 2024
  Lagður fram til kynningar samningur Grundarfjarðarbæjar við Vegagerðina um veghald þjóðvegar í þéttbýli fyrir árið 2024.
  Bæjarráð - 629 Bókun fundar Grundarfjarðarbær sinnir hluta veghalds á Snæfellsnesvegi 54 sem liggur um Grundargötu í þéttbýli Grundarfjarðar, alls um 1970 m, auk 210 m tenginga, samtals 2.180 m.
  
  Bæjarstjóri hefur óskað eftir því við Vegagerðina að hluta Borgarbrautar, frá Grundargötu og að hafnarsvæði, verði bætt við samninginn, þar sem höfnin sé í þjónustuneti Vegagerðarinnar og vegur að henni eigi að falla undir ákvæði samningsins, eins og Grundargata.
  
  Rætt um ástand þjóðvegar 54 milli Grundarfjarðar og Ólafsvíkur, sem er orðið afar lélegt. Bæjarstjórn mun taka málið til sérstakrar umræðu á fundi sínum í janúar nk.
  
• 3.14 2411018 Samband íslenskra sveitarfélaga - Fjármagnsstofn sveitarfélaga, fjárfestingaráform og tillögur að úrbótum á vinnumarkaði
  Lagður fram til kynningar tölvupóstur Sambandsins um ýmsar lykiltölur sveitarfélaga.
  Bæjarráð - 629

Málsnúmer 2411005FVakta málsnúmer

• 4.1 2410009 Starfsáætlun og verkefni skólanefndar
  Á dagskrá skólanefndar eru eftirfarandi atriði, skv. fyrirliggjandi starfsáætlun nefndarinnar.
  
  Lagt fram minnisblað um efni fundarins, en yfirferð þessara atriða er hugsuð sem vinnufundur/samtal við skólastjórnendur.
  
  Skólanefnd - 177
  Farið yfir og rætt um eftirfarandi atriði sem fyrir liggja sem efni skólanefndar á þessum fundi skv. fyrirliggjandi starfsáætlun nefndarinnar:
  
  - Skólanámskrá leik-, grunn- og tónlistarskóla, innihald þeirra og hvernig þær eru unnar.
  
  - Sérfræðiþjónustu við nemendur, um þjónustu og fyrirkomulag.
  
  - Sérfræðiþjónustu við kennara og starfsfólk skólanna, en það er fyrst og fremst Félags- og skólaþjónusta Snæfellinga sem sér um þá þjónustu. Einnig er Grundarfjarðarbær að kaupa þjónustu af Ásgarði, skólaþjónustu, sbr. nýja menntastefnu og fleira sem Ásgarður aðstoðar við.
  
  Á döfinni er að skólanefnd fái nýjan forstöðumann Félags- og skólaþjónustu inn á fund til sín. Stefnt að því í upphafi næsta árs.
  
  - Nemendaverndarráð, fyrirkomulag í grunnskóla og leikskóla.
  
  - Innleiðing menntastefnu. Farið yfir helstu skref, Gunnþór og skólastjórar gerðu grein fyrir stöðunni.
  
  
• 4.2 2409008 Fjárhagsáætlun 2025
  Farið yfir helstu fjárhagsstærðir, skv. fjárhagsáætlun 2025, en fyrri umræða áætlunar fór fram 14. nóv. sl. í bæjarstjórn. Síðari umræða verður 12. des. 2024.
  
  
  
  Skólanefnd - 177 Bæjarstjóri fór yfir rekstrar- og fjárfestingaáætlun 2025 fyrir leik-, grunn- og tónlistarskóla, einnig fjárfestingar vegna íþróttahúss.
  
  Einkum rætt um fjárfestingarverkefni, sem aðallega er viðhald og endurbætur á húsi, skólalóð og búnaði.
  
• 4.3 2411011 BSI á Íslandi - Eftirlitsskýrsla leiksvæða
  Lagðar fram til kynningar eftirlitsskýrslur með leiksvæðum (grunn- og leikskóli), unnar af BSI á Íslandi, frá júlí sl. en mörg atriði hafa verið endurbætt síðan þá.
  
  Skólanefnd - 177 Farið yfir efni skýrslnanna og rætt um endurbætur sem gerðar hafa verið á leiksvæðum/skólalóðum í sumar.
  
  

Málsnúmer 2412006FVakta málsnúmer

• 5.1 2410009 Starfsáætlun og verkefni skólanefndar
  Á dagskrá skólanefndar í desember eru eftirfarandi atriði, skv. fyrirliggjandi starfsáætlun nefndarinnar:
  
  - Samstarf skólastiga
  - Foreldrafélög
  - Skóla- og foreldraráð
  - Staða á innra mati, skipulag vinnu
  
  Sjá gögn undir næstu dagskrárliðum sem falla að þessum umræðupunktum.
  
  Farið yfir og rætt um framangreind atriði sem bókuð eru undir hverjum dagskrárlið.
  
  Skólanefnd - 178
• 5.2 2207006 Málefni leikskólans
  Framlagðir minnispunktar leikskólastjóra, svör við spurningum um efni fundarins.
  Skólanefnd - 178 Rætt um eftirfarandi atriði skv. starfsáætlun skólanefndar:
  
  - Samstarf skólastiga
  
  Mest er samstarf Leikskólans Sólvalla og leikskóladeildarinnar Eldhamra. Vikulegar heimsóknir eru núna í gangi og skiptast Eldhamrar og Sólvellir á að koma í heimsókn, aðra hvora viku.
  Samstarf er við tónlistarskóla og grunnskóla, en mætti auka.
  Gott samstarf hefur verið tekið upp milli bókasafns og leikskóla frá vorönn 2024, með reglulegum heimsóknum leikskólabarna á bókasafnið.
  
  Rætt um möguleika á að hafa leikskólaval sem áfanga í grunnskóla.
  
  Í umræðum fundarmanna kom fram áhugi á að auka samstarf.
  
  - Foreldrafélag leikskólans
  
  Upplýsingar um foreldrafélagið, lög þess og starfsáætlun fyrir skólaárið 2024-25 er að finna inná vef Leikskólans Sólvalla og voru gögnin nýverið uppfærð.
  
  
  - Skóla- og foreldraráð
  
  Upplýsingar um foreldraráð, lög þess og starfsáætlun fyrir skólaárið 2024-25 er að finna inná vef Leikskólans Sólvalla, einnig fundargerðir foreldraráðs, og voru gögnin nýverið uppfærð.
  
  
  - Staða á innra mati, skipulag vinnunnar
  
  Rætt með grunnskólanum. Gunnþór útskýrði fyrirkomulag vinnunnar, en leikskólinn er kominn vel á veg með vinnu í innra mati.
  Hann sýndi þau skjöl sem unnið er með og framvindu vinnunnar, sem fylgst er með, auk þess sem Heiðdís leikskólastjóri sagði frá starfinu.
  
• 5.3 2412003 Leikskólinn Sólvellir - Inntökureglur, endurskoðun des. 2024
  Drög að endurskoðuðum inntökureglum fyrir Leikskólann Sólvelli, lagðar fyrir skólanefnd til umsagnar.
  Skólanefnd - 178 Drög að endurskoðuðum inntökureglum ræddar.
  
  Skólanefnd veitir jákvæða umsögn um drögin, en felur bæjarstjóra að gera breytingu á grein um forgang að leikskóladvöl, í samræmi við umræður fundarins.
  
  Rætt um að reglurnar nái einnig til Eldhamra. Til skoðunar.
  Bókun fundar Bæjarstjórn samþykkir framlagða tillögu að endurskoðuðum inntökureglum fyrir Leikskóla, með þeim breytingum sem samþykktar voru af skólanefnd og bæjarstjóra var falið að ganga frá.
  
• 5.4 2207005 Málefni grunnskólans
  Framlagðir minnispunktar grunnskólastjóra, svör við spurningum um efni fundarins, sem og fleiri gögn, s.s. niðurstöður úr Íslensku æskulýðsrannsókninni, niðurstöður úr Skólapúlsinum 2024-25, úrbótaáætlun.
  
  Skólanefnd - 178 Sigurður Gísli skólastjóri fór lauslega yfir þær kannanir/niðurstöður sem fyrir fundinum lágu og hvernig þær niðurstöður eru nýttar til að setja skipulega niður þær "úrbætur" sem skólinn ákveður að vinna að.
  
  Rætt um eftirfarandi atriði skv. starfsáætlun skólanefndar:
  
  - Samstarf skólastiga
  
  Vísað í framangreinda umræðu og minnispunkta um samstarf leikskóladeildarinnar Eldhamra og Leikskólans Sólvalla, ennfremur Eldhamra og grunnskóla, grunn- og tónlistarskóla, o.fl.
  
  Í umræðum fundarmanna kom fram áhugi á að auka samstarf.
  
  - Foreldrafélag grunnskólans
  
  Upplýsingar um foreldrafélag grunnskólans og lög þess, sem eru frá 2012.
  Rætt um starf félagsins og gerði Sylvía Rún, formaður félagsins, grein fyrir starfinu. Rætt um hlutverk foreldrafélagsins og bekkjarfulltrúa, sem skipa skal í samræmi við reglur foreldrafélagsins. Æskilegt er að vinna starfsáætlun félagsins og stjórn boðinn stuðningur við það, eins og foreldrafélag leikskólans fékk frá skólaráðgjafa.
  
  
  - Skóla- og foreldraráð
  
  Upplýsingar um foreldraráð og hlutverk þess fyrir skólaárið 2024-25 er að finna inná vef grunnskólans.
  
  
  - Staða á innra mati, skipulag vinnunnar
  
  Rætt með sama atriði vegna leikskólans. Gunnþór útskýrði fyrirkomulag vinnunnar og sýndi skjöl sem unnið er með, auk þess sem skólatjóri sagði frá. Innra mat Eldhamra er unnið með innra mati grunnskólans.
  
  
• 5.5 2207008 Málefni leikskóladeildarinnar Eldhamra
  Framlagðir minnispunktar grunnskólastjóra, svör við spurningum um efni fundarins, fyrir Eldhamra og grunnskóla. Einnig önnur gögn, eins og um innra skipulag Eldhamra, námskrá Eldhamra og dagsskipulag 2024-25.
  
  Skólanefnd - 178 Vísað í sameiginlega umræðu með leik- og grunnskólanum.
  
• 5.6 2207007 Málefni tónlistarskólans
  Tónlistarskólinn á 50 ára afmæli 15. janúar 2025. Lagðir fram minnispunktar Lindu Maríu Nielsen aðstoðarskólastjóra.
  
  Skólanefnd - 178 Jólatónleikar tónlistarskólans verða haldnir miðvikudaginn 11. desember nk. kl. 17:00 í Grundarfjarðarkirkju.
  
  Fimmtíu ára afmæli tónlistarskólans er 15.janúar 2025. Þá á yfirstandandi framkvæmdum að vera lokið. Stefnt er að því að vera með opið hús þann dag og bjóða gestum í heimsókn, með tilheyrandi veitingum og skemmtun.
  Vonir standa til þess að hægt verði að halda veglega afmælistónleika í vor, en það er í skoðun.
  
  

Málsnúmer 2412001FVakta málsnúmer

• 6.1 2412002 Íþróttamaður Grundarfjarðar 2024
  Íþróttafélögin voru beðin um tilnefningar í samræmi við reglur um kjör á íþróttamanni Grundarfjarðar.
  
  Í samræmi við reglurnar taka fulltrúar íþróttafélaganna, ásamt aðal- og varamönnum í íþrótta- og tómstundanefnd, þátt í að velja íþróttamanninn. Tryggvi Hafsteinsson, fulltrúi deildar hjá Ungmennafélagi Grundarfjarðar, tók þátt með því að senda atkvæði sitt til formanns, fyrir fund.
  
  Íþrótta- og tómstundanefnd - 112 Fram voru lagðar fjórar tilnefningar íþróttamanna vegna ársins 2024.
  
  Farið var yfir tilnefningarnar og reglur sem um kjörið gilda.
  
  Gengið var til kjörs á íþróttamanni ársins í samræmi við reglurnar. Niðurstöðu verður haldið leyndri þar til íþróttafólk ársins verður heiðrað, sem verður á gamlársdag.
  
  Íþrótta- og tómstundafulltrúi mun sjá til þess að farandbikar verði áritaður og að verðlaunaskjöldur verði útbúinn fyrir íþróttamann ársins. Aðrir íþróttamenn fái blómvönd. Öll fái þau áritað skjal.
  
  Fulltrúum íþróttafélaganna var þökkuð koman og viku þau af fundi.
  Bókun fundar Til máls tóku JÓK, GS og BÁ.
  

Málsnúmer 2412008FVakta málsnúmer

• 7.1 2409008 Fjárhagsáætlun 2025
  Lögð fram endurskoðuð fjárhagsáætlun hafnarinnar 2025.
  
  Hafnarstjórn - 17 Áætlunin gerir ráð fyrir um 70 millj.kr. í fjárfestingu 2025, stærsti liður er bygging aðstöðuhúss (stækkun) að Nesvegi 2.
  
  Einnig endurbætt rekstraráætlun.
  
  Fjárhagsáætlun, tillaga til bæjarstjórnar, samþykkt samhljóða.
  
  
  Bókun fundar Tillaga hafnarstjórnar er í samræmi við fjárhagsáætlun sem lögð er fyrir hjá bæjarstjórn til afgreiðslu síðar á dagskránni.
  
• 7.2 2411010 Grundarfjarðarhöfn - Framkvæmdir 2025
  Lagðar fram tillöguteikningar Sigurbjarts Loftssonar, W7, þar á meðal endurbætt teikning dagsett í dag.
  
  
  
  
  
  Hafnarstjórn - 17 Farið yfir framlagða teikningu að viðbyggingu.
  
  Umræður um teikningu og byggingarmál.
  
  Byggingaráform samþykkt skv. teikningu til áframhaldandi vinnslu.
  
  Bókun fundar Afgreiðsla hafnarstjórnar staðfest.
  
• 7.3 2402019 Hafnasamband Íslands - Fundargerðir 2024
  Lagðar fram til kynningar fundargerðir stjórnar Hafnasambandsins af fundum nr. 464-467.
  Hafnarstjórn - 17

Málsnúmer 2412003FVakta málsnúmer

• 8.1 2411012 Óveruleg breyting á Aðalskipulagi vegna legu háspennulínu, Grundarfjarðarlína 2
  Lögð er fram tillaga að óverulegri breytingu á Aðalskipulagi Grundarfjarðarbæjar sbr. 2. mgr. 36. gr. skipulagslaga nr. 123/2010 vegna legu háspennulína í aðalskipulaginu.
  
  Með breytingunni eru aðalskipulagsuppdrættir leiðréttir til samræmis við raunverulega legu strengjanna. Fyrir liggur umsögn Landsnets, dags. 19. nóvember 2024, en Landsnet fór yfir lagnaleiðir uppdráttanna og gerir ekki athugasemdir.
  
  Bæjarstjórn telur að breytingin sé þess eðlis að málsmeðferð óverulegrar breytingar, sbr. 2. mgr. 36. gr. skipulagslaga, eigi við.
  Skipulags- og umhverfisnefnd - 263 Skipulags- og umhverfisnefnd samþykkir framlagða tillögu að óverulegri breytingu á Aðalskipulagi Grundarfjarðar 2019-2039 vegna leiðréttingar á legu háspennulína í aðalskipulaginu, sbr. 2. mgr. 36. gr. skipulagslaga, og vísar málinu til bæjarstjórnar til afgreiðslu.
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar og framlagða tillögu að óverulegri breytingu á Aðalskipulagi Grundarfjarðar 2019-2039 vegna leiðréttingar á legu háspennulína í aðalskipulaginu, sbr. 2. mgr. 36. gr. skipulagslaga.
  
  Bæjarstjórn felur skipulagsfulltrúa að afgreiða málið skv. viðeigandi skipulagsferli.
  
• 8.2 2412016 Óveruleg breyting á deiliskipulagi aðveitustöðvar í Grundarfirði vegna breytingar á afmörkun deiliskipulagssvæðisins
  Lögð er fram tillaga að breytingu á Deiliskipulagi aðveitustöðvar sbr. 2. mgr. 43. gr. skipulagslaga nr. 123/2010.
  
  Í breytingunni felst að mörk deiliskipulagsins breytast á norðvesturhorni deiliskipulagssvæðisins. Við breytinguna minnkar deiliskipulagssvæðið úr 7,94 ha í 7,68 ha, þ.e. um 2.621 m2. Að öðru leyti er deiliskipulagið óbreytt.
  
  Breytingin er tilkomin vegna endurskoðunar á aðliggjandi deiliskipulagi fyrir iðnaðarsvæðið vestan Kvernár (mál 2101038).
  
  Skipulags- og umhverfisnefnd - 263 Skipulags- og umhverfisnefnd telur breytinguna óverulega og leggur því til að með hana verði farið skv. 2. mgr. 43. gr. skipulagslaga og hún grenndarkynnt skv. 44. gr. skipulagslaga.
  
  Skipulags- og umhverfisnefnd samþykkir framlagða tillögu að breytingu á Deiliskipulagi aðveitustöðvar og leggur til að hún fari í kynningu sem óveruleg breyting á skipulagi, skv. 2. mgr. 43. gr. skipulagslaga nr. 123/2010. Skipulagsfulltrúa er falið að gera örlitlar lagfæringar á framlagðri tillögu og leggja tillöguna fram til grenndarkynningar skv. 44. grein skipulagslaga.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar og framlagða tillögu að óverulegri breytingu á Deiliskipulagi aðveitustöðvar sbr. 2. mgr. 43. gr. skipulags skipulagslaga.
  
  Bæjarstjórn felur skipulagsfulltrúa að afgreiða málið skv. viðeigandi skipulagsferli.
  
• 8.3 2101038 Iðnaðarsvæði - tillaga að deiliskipulagi
  Lögð er fram tillaga að nýju deiliskipulagi iðnaðarsvæðisins vestan Kvernár, til auglýsingar skv. 41. gr. skipulagslaga nr. 123/2010.
  
  Sameiginleg lýsing fyrir endurskoðun deiliskipulagsins og breytingu á aðalskipulagi var kynnt almenningi og umsagnaraðilum í samræmi við 30. og 40. gr. skipulagslaga nr. 123/2010 frá 20.11. til 27.12.2023.
  Tillaga að deiliskipulagi var kynnt á vinnslustigi, skv. 40. gr skipulagslaga nr. 123/2010 10.06. til 01.07.2024. Umsagnir og athugasemdir sem bárust voru hafðar til hliðsjónar við mótun auglýstrar tillögu. Athugasemdir sem bárust við auglýsingu á breytingu á aðalskipulagi fyrir iðnaðarsvæðið vestan Kvernár skv. 31. gr. skipulagslaga hafa einnig verið hafðar til hliðsjónar við hönnun deiliskipulagsins.
  
  Markmið með gerð deiliskipulagsins
  
  Markmiðið með gerð þessa deiliskipulags er að auka framboð á lóðum fyrir iðnaðarstarfsemi í Grundarfjarðarbæ til framtíðar og tryggja hagkvæma nýtingu á landi, innviðum og jarðefnum. Aukin eftirspurn er eftir iðnaðarlóðum, sem nauðsynlegt er að verða við, fyrir þróun og uppbyggingu í sveitarfélaginu. Skipulag og uppbygging iðnaðarsvæðisins er mikilvægur þáttur til að styrkja undirliggjandi grunnþjónustu og fjölbreytni í atvinnusköpun og nýta vel auðlindir sem felast í notkun efnis af svæðinu til grjótnáms, áður en það er byggt upp. Þetta er eina iðnaðarsvæði Grundarfjarðarbæjar og því mikilvægt að nýta svæðið vel.
  
  Helstu breytingar með deiliskipulaginu
  
  - Deiliskipulagssvæðið stækkar úr 4,1 ha í 11,5 ha.
  - Lóðum fjölgar úr 15 í 28.
  -Óbyggðar lóðir við norðanvert Hjallatún stækka til norðurs inn á núverandi veghelgunarsvæði Vegagerðarinnar.
  - Lóðarstærðir breytast á nokkrum lóðum sbr. töflu 1.1.
  - Byggingarreitir eru stækkaðir til þess að auka sveigjanleika í uppbyggingu.
  - Hámarksnýtingarhlutfall lóða hækkar úr 0,3 í 0,4.
  - Tvær akstursleiðir liggja inn á iðnaðarsvæðið. Sú vestari er færð vestar. Með því fæst betri nýting á vesturhluta svæðisins, gatnagerð innan svæðis minnkar, lóðir verða hæfilega djúpar og gott aðgengi að þeim tryggt.
  - Tvær nýjar götur verða á svæðinu, Innratún og Grafartún, en nöfn þeirra vísa í örnefni á svæðinu.
  - Skilmálar í eldra deiliskipulagi eru felldir úr gildi og nýir skilmálar settir í þeirra stað.
  - Gert er ráð fyrir samgöngu- og útivistarstíg meðfram Snæfellsnesvegi, norðan við deiliskipulagssvæðið.
  - Setja skal upp mön á vestasta hluta iðnaðarsvæðisins þar sem það liggur að íbúðarreit.
  - Iðnaðarsvæðið er almennt lækkað frá þeirri hæð sem nú er, til að bæta lóðir og götur. Verðmætt steinefni sem til fellur við þá landmótun verður nýtt til uppbyggingar í sveitarfélaginu.
  - Settir eru skilmálar um lágmarkshæð á landi á nýjum lóðum og lágmarkshæð á gólfkótum.
  Skipulags- og umhverfisnefnd - 263 Skipulags- og umhverfisnefnd samþykkir tillögu að nýju deiliskipulagi iðnaðarsvæðisins vestan Kvernár til auglýsingar skv. 1. mgr. 41. gr. skipulagslaga nr. 123/2010, með fyrirvara um að eftirfarandi breytingar verði gerðar:
  
  Lóðamörk við Snæfellsnesveg verði færð þ.a. þau séu almennt 15 m frá miðlínu Snæfellsnesvegar. Tryggja þurfi við þær breytingar að vel sé hugað að 7,5 m öryggissvæði stofnvegarins frá miðlínu hans svo og kvöðum sem tryggi aðlaðandi ásýnd að iðnaðarsvæðinu frá Snæfellsnesvegi. Auk þessa verði aðrar minniháttar lagfæringar gerðar. Skipulagsfulltrúa er falið að sjá um framangreindar breytingar á skipulagsgögnum.
  
  Skipulags- og umhverfisnefnd vísar málinu til bæjarstjórnar til afgreiðslu með framangreindum breytingum.
  Bókun fundar Til máls tóku JÓK og SG.
  
  Bæjarstjórn samþykkir samhljóða tillögu að nýju deiliskipulagi iðnaðarsvæðisins vestan Kvernár til auglýsingar skv. 41. gr. skipulagslaga nr. 123/2010.
  
  Bæjarstjórn felur skipulagsfulltrúa að gera minniháttar lagfæringar á skipulagsgögnum og að auglýsa að því búnu tillöguna með viðeigandi hætti. Auglýsingartími er að lágmarki 6 vikur.
  
  Stefnt verði að kynningu tillögunnar/opnu húsi í byrjun nýs árs.
  
  
• 8.4 2312014 Tillaga um breytingu á deiliskipulagi Ölkeldudals
  Lögð er fram tillaga að nýju deiliskipulagi Ölkeldudals til kynningar á vinnslustigi skv. 4. mgr. 40. gr. skipulagslaga nr. 123/2010; uppdráttur og greinargerð.
  
  Sameiginleg lýsing fyrir þetta nýja deiliskipulag og breytingu á aðalskipulagi var auglýst frá 28.2.2024 til 20.3.2024 í samræmi við 40. gr. og 30. gr. skipulagslaga nr. 123/2010. Umsagnir sem bárust við lýsingu voru hafðar til hliðsjónar við mótun deiliskipulagstillögunnar. Tillaga að breytingu á aðalskipulagi vegna Ölkeldudals hefur áður verið auglýst á vinnslustigi sbr. 2. mgr. 30. gr. skipulagslaga. Einnig liggur fyrir samþykki bæjarstjórnar til auglýsingar aðalskipulagsbreytingar í samræmi við 31. gr. skipulagslaga.
  
  Áherslur við endurskoðun deiliskipulagsins eru:
  
  - Ölkeldudalshverfið verði styrkt með fjölgun íbúða, í hentugum stærðum fyrir íbúa, með góðu aðgengi að skóla- og íþróttastarfi.
  - Ný íbúðarbyggð á jaðri Paimpolgarðsins verði hönnuð þannig að hún myndi skjólsælt og sólríkt rými um garðinn.
  - Paimpolgarðinum verði gert hærra undir höfði og hann byggður upp samhliða íbúðarbyggðinni, sem skjólsæll, sólríkur, gróðurríkur og aðlaðandi útivistar- og íverusvæði til leikja, dvalar og útivistar allan ársins hring fyrir íbúa og gesti bæjarins.
  - Í garðinum í kringum Steinatjörn verði aðlaðandi votlendi, hluti af blágrænum rýmum bæjarins. Svæðið verði leiðarvísir um eðli og uppbyggingu blágræns ofanvatnskerfis Grundarfjarðarbæjar. Vinabæjartengslum við Paimpol verði einnig gerð rík skil.
  - Fráveitukerfi hverfisins verði endurnýjað samhliða uppbyggingu, þar sem það ber ekki aukið álag án þess. Ofanvatnið verði aðskilið fráveitulögnum með skólp og nýtt blágrænt ofanvatnskerfi lagt innan nýrra lóða og í almenningsrýmum.
  - Ölkeldudalshverfið verði gönguvænt í samræmi við áherslur í aðalskipulagi og verkefnið „Gönguvænn Grundarfjörður" sbr. markmið aðalskipulagsins. Stígar verði hannaðir, sem tengja aðliggjandi útivistar-, íbúðar-, skóla- og íþróttasvæði við Paimpolgarðinn.
  - Umferðaröryggi verði aukið fyrir vegfarendur, götur hannaðar sem 30 km götur, gangstéttar og stígakerfi bætt. Sérstaklega er horft til aðgengis og öryggis í kringum skóla- og íþróttasvæðið.
  - Blágrænar ofanvatnslausnir verði innleiddar í hverfinu. Þær verði samþættar uppbyggingu, grænar og gróðurríkar, til fegrunar og yndisauka í almenningsrýmum. Þær verði einnig nýttar sem hluti hraðalækkandi aðgerða í götunum.
  
  Helstu breytingar með framangreindu deiliskipulagi:
  
  - Deiliskipulagsmörk breytast og við það stækkar deiliskipulagssvæðið úr 8,7 ha í 9,4 ha.
  - Hluti Paimpolgarðsins breytist úr opnu svæði í íbúðasvæði og garðurinn sjálfur verður endurhannaður sem skjólsælt almenningssvæði.
  - Nýjar íbúðalóðir verða við Ölkelduveg og Borgarbraut fyrir allt að 28 íbúðir í rað- og fjölbýlishúsum.
  - Götur eru endurhannaðar og þrengdar, gatnamótum breytt og aukin áhersla lögð á öruggar þveranir yfir götur ásamt bættum gangstéttum og göngustígum.
  - Einbýlishúsalóð við Ölkelduveg 19 er felld út og einbýlishúsalóð við Ölkelduveg 17 stækkuð til suðurs og henni breytt í parhúsalóð.
  - Í gildandi deiliskipulagi var heimilt að reisa raðhús með 3-4 íbúðum við Ölkelduveg 39-45. Í endurskoðuðu deiliskipulagi verður heimilt að reisa raðhús með 3 íbúðum, lóð nr. 45 fellur út og lóðir stækka lítillega til suðurs.
  - Lóð Dvalarheimilisins Fellaskjóls við Hrannarstíg 20 hefur verið breytt vegna nýrra lóða sem komnar eru fyrir raðhús við Hrannarstíg 42-54 (skipulagsbreyting 2023) og vegna lóða við Hrannarstíg 22-28 (eignarland Fellaskjóls) sem ekki voru á sér lóðum áður.
  - Gert hefur verið ofanvatnsskipulag fyrir svæðið sem segir til um hvernig ofanvatn skuli meðhöndlað innan sem utan lóða.
  - Einstaka lóðir hafa verið lagfærðar á uppdrætti í samræmi við uppbyggingu síðustu ára og settar inn réttar mælingar á lóðum og mannvirkjum.
  
  Skipulags- og umhverfisnefnd - 263 Skipulags- og umhverfisnefnd samþykkir tillögu á vinnslustigi að nýju deiliskipulagi Ölkeldudals til auglýsingar skv. 4. mgr. 40. gr. skipulagslaga nr. 123/2010, með fyrirvara um smávægilegar breytingar á skipulagsgögnum. Skipulagsfulltrúa er falið að sjá um framangreindar breytingar á skipulagsgögnum.
  
  Skipulags- og umhverfisnefnd vísar málinu til bæjarstjórnar til afgreiðslu með framangreindum breytingum.
  Bókun fundar Bæjarstjórn samþykkir að auglýst verði tillaga á vinnslustigi að nýju deiliskipulagi Ölkeldudals, skv. 4. mgr. 40. gr. skipulagslaga nr. 123/2010.
  
  Bæjarstjórn felur skipulagsfulltrúa að gera minniháttar lagfæringar á skipulagsgögnum og að því búnu að koma tillögunni í auglýsingu með viðeigandi hætti.
  
  Stefnt verði að kynningarfundi/opnu húsi í komandi viku þar sem tillagan verði kynnt.
  
  Samþykkt með fimm atkvæðum (JÓK, SG, ÁE, BS, MM), tveir sátu hjá (GS, LÁB).
  
• 8.5 2412011 Nesvegur 2 - Umsókn um byggingarheimild/-leyfi - skipulagsmál
  Grundarfjarðarhöfn hefur lagt inn umsókn um byggingarleyfi fyrir viðbyggingu sunnanvert við hús hafnarinnar að Nesvegi 2 og að litlu leyti þaðan upp til vesturs, í átt að Nesvegi.
  
  Í gildandi deiliskipulagi hafnarsvæðis er gert ráð fyrir byggingarreit sunnanvert við hafnarhúsið. Viðbygging fer 3,2 m út fyrir byggingarreitinn til vesturs, meðfram 11,6 m langri viðbyggingunni til suðurs, eða um 37 m2. Í deiliskipulagi sem auglýst var 2023 og senn tekur gildi, er gert ráð fyrir stærri byggingarreit lóðarinnar (sem þar ber heitið Nesvegur 2A) þannig að hann nái yfir viðbygginguna skv. fyrirhuguðum byggingaráformum. Engar athugasemdir bárust við þessi áform á auglýsingatíma deiliskipulagsins.
  
  Grundarfjarðarhöfn óskar eftir samþykki fyrir viðbyggingu við hafnarhúsið skv. framlagðri teikningu.
  
  Skipulags- og umhverfisnefnd - 263 Skipulags og umhverfisnefnd telur umrædda breytingu (bygging út fyrir byggingarreit) óverulega og samþykkir að fela skipulagsfulltrúa að auglýsa óverulega breytingu á deiliskipulagi, sem útbúin verður, í samræmi við framlögð byggingaráform/teikningu. Með tillöguna verði farið skv. 2. mgr. 43. gr. skipulagslaga og hún grenndarkynnt skv. 44. gr. skipulagslaga, fyrir eigendum að Nesvegi 1, 3 og Borgarbraut 1. Skipulagsfulltrúa er falin umsýsla þessa máls og að leggja fram tillögu þegar hún liggur fyrir, til grenndarkynningar skv. 44. grein skipulagslaga
  
  Nefndin felur byggingarfulltrúa að gefa út byggingarleyfi/-heimild að öllum skilyrðum uppfylltum, sbr. byggingarreglugerð nr. 112/2012 m.s.br., með fyrirvara um grenndarkynningu og afgreiðslu málsins í bæjarstjórn.
  
  Bókun fundar Til máls tóku JÓK og BÁ.
  
  Bæjarstjórn samþykkir samhljóða afgreiðslu skipulags- og umhverfisnefndar.
  
• 8.6 2412015 Hjallatún 3 - umsókn um lóð
  Þann 25. október sl. auglýsti Grundarfjarðarbær lausar til úthlutunar tvær lóðir á iðnaðarsvæðinu, við Hjallatún 1 og 3. Umsóknarfrestur var til og með 11. nóvember sl. Lóðinni við Hjallatún 1 var úthlutað til Vélsmiðju Grundarfjarðar ehf. í samræmi við auglýsingu og Samþykkt um úthlutun lóða í Grundarfirði. Eftir að auglýsingafrestur lóða rann út var lóðin sett á lista yfir lausar lóðir í Grundarfirði.
  
  Vélsmiðjan hefur nú einnig lagt inn umsókn um lóðina við Hjallatún 3.
  Skipulags- og umhverfisnefnd - 263 Skipulags- og umhverfisnefnd samþykkir að úthluta umsækjanda lóðinni við Hjallatún 3 í samræmi við auglýsingu og grein 1.2 í samþykkt um úthlutun lóða í Grundarfirði.
  
  Vakin er athygli á þeim fyrirvara við úthlutunina, sem kemur fram í fyrrgreindri lóðaauglýsingu, að stærðir lóðarinnar geti breyst lítillega áður en endurskoðað deiliskipulag fyrir iðnaðar- og athafnasvæði vestan Kvernár tekur gildi, en drög að skipulaginu voru kynnt í sumar og verður endanleg tillaga væntanlega auglýst á næstu dögum.
  
  Samþykkt samhljóða.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 8.7 2412013 Grundargata 59 - Orka náttúrunnar, hraðhleðslustöð á lóð
  Umsókn Orku náttúrunnar, í samvinnu við lóðarhafa að Grundargötu 59, um leyfi til uppsetningar á tveimur hraðhleðslustöðvum á lóðinni.
  
  Í tengslum við erindið var lóðin mæld upp og nýtt lóðarblað samþykkt í júní sl., þar sem lóðin var stækkuð um 559,3 m2.
  
  Á þeim grunni er unnt að afgreiða erindið.
  
  Skipulags- og umhverfisnefnd - 263 Skipulags- og umhverfisnefnd samþykkir fyrir sitt leyti uppsetningu hraðhleðslustöðva á lóðinni Grundargötu 59 og felur skipulagsfulltrúa að vinna að nánari útfærslu á staðsetningu með umsækjanda og lóðarhafa, og gefa út framkvæmdaleyfi að uppfylltum skilyrðum skipulagslaga.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 8.8 2411013 Grund og Hamrar - fyrirspurn Opus lögmanna um byggingarheimildir skv. aðalskipulagi
  Lögð fram fyrirspurn frá Flosa H. Sigurðssyni lögmanni, opinbers skiptastjóra fyrir dánarbú Guðlaugar Guðmundsdóttur, um uppbyggingarheimildir á jörðunum Hömrum og Grund, með vísan í aðalskipulag.
  Skipulags- og umhverfisnefnd - 263 Skipulagsfulltrúa og bæjarstjóra falið að ganga frá svari til skiptastjórans, í samráði við lögmann bæjarins.
  
• 8.9 2410010 Stofnun götu neðan Grundargötu 12-28
  Í samræmi við ákvörðun nefndarinnar á 261. fundi 29. október sl. var auglýst eftir hugmyndum um heiti á ónefndum botnlanga út frá Borgarbraut, norðaustur af Grundargötu 12-28. Engin hús hafa þó heimilisfang við götuna.
  
  Alls bárust 27 tillögur í tölvupósti, í samræmi við auglýsinguna, og þar af tvær með ítarlegum rökstuðningi í sérstöku fylgiskjali.
  
  Tillögurnar hafa verið teknar saman í eitt skjal ásamt þeim rökstuðningi sem barst og lagðar fram nafnlaust fyrir skipulags- og umhverfisnefnd.
  
  Til upplýsingar eru einnig teknar saman 16 hugmyndir sem ekki voru sendar á starfsmann bæjarins en komu fram í umræðum á samfélagsmiðlum.
  
  Skipulags- og umhverfisnefnd - 263 Skipulags- og umhverfisnefnd þakkar öllum þeim sem sendu inn tillögur fyrir erindin og þeirra framlag.
  
  Guðmundi Rúnari, þjónustufulltrúa, var sömuleiðis þakkað fyrir skýra og góða samantekt.
  
  Vegna tímaskorts í lok fundar felur nefndin Bjarna formanni, Signýju og Björgu bæjarstjóra að ljúka við tillögugerðina og leggja tillögu um val heitis til bæjarstjórnar.
  

Málsnúmer 2309002Vakta málsnúmer

Málsnúmer 2409008Vakta málsnúmer

Málsnúmer 2409023Vakta málsnúmer

Málsnúmer 2412004Vakta málsnúmer

Málsnúmer 2412014Vakta málsnúmer

Málsnúmer 2412009Vakta málsnúmer

Málsnúmer 2412010Vakta málsnúmer

Málsnúmer 2412006Vakta málsnúmer

Málsnúmer 2402014Vakta málsnúmer

Málsnúmer 2403001Vakta málsnúmer

Málsnúmer 2401021Vakta málsnúmer