Bæjarstjórn

Málsnúmer 2205020Vakta málsnúmer

Málsnúmer 2205021Vakta málsnúmer

Málsnúmer 2009014Vakta málsnúmer

Málsnúmer 2503003Vakta málsnúmer

Málsnúmer 2502005FVakta málsnúmer

• 5.1 2501016 Lausafjárstaða 2025
  Lagt fram yfirlit yfir lausafjárstöðu.
  Bæjarráð - 633
• 5.2 2502020 Greitt útsvar 2025
  Lagt fram yfirlit yfir greitt útsvar í janúar 2025.
  Bæjarráð - 633 Samkvæmt yfirlitinu hefur greitt útsvar hækkað um 31,5% í janúar 2025 miðað við janúar 2024, en hafa ber í huga að janúar er almennt uppgjörsmánuður, svo hlutfalli breytinga þarf að taka með fyrirvara.
  
• 5.3 2501025 Framkvæmdir 2025
  Sigurður Valur Ásbjarnarson, skipulagsfulltrúi, Ólafur Ólafsson, íþrótta- og tómstundafulltrúi og Nanna Vilborg Harðardóttir, sátu fundinn undir þessum lið, að hluta eða alveg.
  
  Lagt fram ástandsmat á húsnæðinu Grundargötu 35 (Sögumiðstöð) og Borgarbraut 21 (gamla spennistöðvarhúsið), unnið af VSÓ.
  
  Bæjarráð - 633 Sigurður Valur fór yfir eftirfarandi verkefni:
  
  - Undirbúningur vegna útboðs framkvæmda við viðgerðir á íþróttahúsi og tengigangi milli íþróttahúss og grunnskóla.
  
  Fyrir liggur ástandsmat á ytra byrði íþróttahúss, þaki, gluggum o.fl. Einnig mat á ástandi tengigangs milli grunnskóla og íþróttahúss. Fram hafa farið gluggaskipti og endurnýjun hurða, ásamt minniháttar múrviðgerðum, sl. 2 ár.
  
  Verið er að undirbúa útboð framkvæmda við nauðsynlegar viðgerðir. Bæjarstjórn hefur þegar ákveðið að húsið skuli klætt. Stefnt er að því að útboð nái yfir heildarverkið, þ.e. að ljúka klæðningu hússins, þakviðgerð og endurnýjun á þeim gluggum sem enn á eftir að skipta um - og að verktími taki þá yfir a.m.k. 2 ár, svo deila megi kostnaði á lengri tíma.
  
  VA Arkitektar eru að teikna áfellur og VSÓ mun sjá um gerð útboðsgagna.
  
  - Ástandsmat fyrir gamla spennistöðvarhúsið.
  Farið yfir ástandsmatið. Ljóst er að veggir hússins eru ekki í því ástandi að viðunandi viðgerð muni borga sig. Lagðir fram valkostir um viðgerðir.
  Bæjarráð leggur til að ekki verði lagðir frekari fjármunir í viðgerð hússins, umfram það sem nauðsynlegt er til að viðhalda því sem góðri geymslu fyrir lausamuni, byggingarefni og slíkt.
  
  Rifjað upp, að eignayfirfærsla hússins til bæjarins var bænum að kostnaðarlausu á sínum tíma og mikilvægt að bærinn ráði yfir svæðinu, af skipulagsástæðum.
  
  Bæjarráð leggur til við bæjarstjórn að fjárveiting ársins í gömlu spennistöðina, uppá 3,5 millj. kr. verði lækkuð í 0,5 millj. kr. og að 3 millj. kr. verði færðar sem viðbót á fjárveitingu í framkvæmdir við Sögumiðstöð.
  
  Ólafur vék af fundi kl. 9:35.
  
  - Ástandsmat Sögumiðstöðvar og kostnaðaráætlun.
  
  Farið yfir ástandsmat og niðurstöður þess.
  
  Með hliðsjón af tillögu hér framar, um viðbótarfjárveitingu til framkvæmda í Sögumiðstöð, leggur bæjarráð til að leitað verði tilboða með verðkönnun í heildarviðgerðir hússins skv. ástandsmatinu og að skipulagsfulltrúa verði falið að undirbúa það verk.
  
  Nanna kom inn á fundinn kl. 9:45.
  
  Sigurður Valur fór einnig yfir eftirfarandi mál:
  
  - Lóðamál og byggingar á lóð Fellaskjóls - umræða í framhaldi af kynningarfundum og umræðu um deiliskipulag Ölkeldudals (nýjar lóðir vestan Fellaskjóls) eftir hugmyndavinnu Sigurðar Vals og Nönnu.
  
  SG vék af fundi undir þessu málefni kl. 09:45 og GS tók hennar sæti undir þessari umræðu eingöngu.
  
  Bæjarráð þakkar fyrir tillögur um fyrirkomulag og uppbyggingu á nýjum lóðum vestan Fellaskjóls og vísar þeim til frekari umræðu í skipulags- og umhverfisnefnd. Skipulagsfulltrúa og bæjarstjóra jafnframt falið að ræða við fulltrúa Fellaskjóls um þessar útfærslur.
  
  Samþykkt samhljóða.
  
  GS vék af fundi kl. 10:28 og SG tók sæti sitt á fundinum.
  
  Sigurður Valur og Nanna fóru yfir eftirfarandi:
  - Geymslusvæðið við Ártún 8, framkvæmd og hugmynd um nýtingu til framtíðar.
  
  Skipulagsfulltrúa falið að skoða nánar þessa hugmynd að skipulagi nýja geymslusvæðisins.
  
  Samþykkt samhljóða.
  
  Nanna fór yfir eftirfarandi verkefni, sem hún er að undirbúa vegna framkvæmda sumarsins:
  
  - Gatna- og stígaframkvæmdir sem eru í undirbúningi fyrir framkvæmdir 2025.
  
  - Leiksvæði á lóðum grunnskóla og leikskóla.
  
  - Útivistarstígar, sbr. umræðu síðasta fundar í íþrótta- og tómstundanefnd.
  
  - Þríhyrningur, en þar er ætlunin að hlaða upp eldstæði og umhverfi þess.
  
  Sigurði Val og Nönnu þakkað fyrir sitt innlegg undir þessum lið.
  Bókun fundar Til máls tóku JÓK og GS.
  
• 5.4 2501012 Miðbær - skipulag og markaðssókn
  Umræða í framhaldi af umræðu á fundum skipulags- og umhverfisnefndar 14. janúar og 5. febrúar sl. og fundi bæjarstjórnar 12. febrúar sl., um uppbyggingu á miðbæjarreit og sameiginlega úthlutun fjögurra samliggjandi lóða við Grundargötu 31 og 33 og Hamrahlíð 6 og 8.
  
  Bæjarráð - 633 Farið yfir atriði tengd uppbyggingu á miðbæjarreit, útboðsferli og fleiri atriði.
  
  Halldóra fór yfir samantekt úr fyrri umræðu skipulags- og umhverfisnefndar og bæjarstjórnar. Fyrir liggja tillögur að útfærslum, þar sem tvær meginleiðir eða valkostir eru settir fram. Í báðum tillögum er gert ráð fyrir blandaðri starfsemi í húsi á miðbæjarreit, þ.e. verslun, þjónustu og skrifstofum, einkum á neðstu hæð, og íbúðarhúsnæði á efri hæð(um).
  
  Farið sérstaklega yfir þau atriði sem bæjarstjórn mun þurfa að ákveða, áður en byggingarréttindi á reitnum fara í kynningar- og auglýsingaferli.
  
  Málinu er vísað til frekar umræðu í skipulags- og umhverfisnefnd og bæjarstjórn.
  
  Samþykkt samhljóða.
  
  BÁ fór af fundi kl. 12:00.
  SGG fór af fundi kl. 12:30.
  Bókun fundar Til máls tóku JÓK og GS.
  
• 5.5 2502024 Starf íþrótta- og tómstundafulltrúa
  Ólafur Ólafsson, íþrótta- og tómstundafulltrúi hefur sagt upp starfi sínu.
  Bæjarráð - 633 Bæjarstjóra falið að auglýsa starf íþrótta- og tómstundafulltrúa laust til umsóknar, en um er að ræða starf sem bæjarstjórn ræður í, skv. 2. gr. starfsreglna bæjarstjórnar Grundarfjarðarbæjar við ráðningu starfsmanna.
  
  Samþykkt samhljóða.
  Bókun fundar Til máls tóku JÓK og GS.
  
• 5.6 2502022 Leikskólinn Sólvellir, Sólvöllum 1 - Skýrsla eldvarnaeftirlits vegna máls nr 25-0343
  Lögð fram til kynningar skýrsla slökkviliðsstjóra (eldvarnaeftirlit) vegna úttektar á Leikskólanum Sólvöllum sem fram fór 25. febrúar 2025 (endurkoma).
  
  Bæjarráð - 633
• 5.7 2502023 Grundarfjarðarhöfn - Viðbygging
  Lagður fram til kynningar verksamningur Grundarfjarðarhafnar við BM Vallá vegna byggingar og uppsetningar á húseiningum í nýtt þjónustuhús á hafnarsvæðinu, sem verður viðbygging við núverandi hafnarhús.
  
  Bæjarráð - 633
• 5.8 2502021 SSV - Aðalfundarboð
  Lagt fram til kynningar aðalfundarboð SSV ásamt dagskrá. Aðalfundurinn verður haldinn í Borgarbyggð 26. mars nk.
  Bæjarráð - 633 Bókun fundar Aðalfulltrúar með setu á fundi SSV eru Jósef Ó. Kjartansson, Garðar Svansson og Ágústa Einarsdóttir. Varafulltrúar eru Sigurður Gísli Guðjónsson, Signý Gunnarsdóttir og Bjarni Sigurbjörnsson.
  
  Verði forföll í hópi framangreindra fulltrúa veitir bæjarstjórn Björgu Ágústsdóttur bæjarstjóra umboð til að vera fulltrúi bæjarins með atkvæðisrétt, í stað kjörinna fulltrúa og varamanna þeirra.
  
  Samþykkt samhljóða.
  
• 5.9 2501028 Jafnréttisstofa - Inngilding og samþætting - fræðsla fyrir sveitarfélög
  Lagður fram til kynningar tölvupóstur Jafnréttisstofu, dags. 21. janúar sl., um fræðslu fyrir kjörna fulltrúa og stjórnendur um inngildingu og samþættingu.
  Bæjarráð - 633
• 5.10 2501026 Slökkvilið Grundarfjarðar - Ársskýrsla 2024
  Heimsókn og samtal um brunamál.
  Bæjarráð - 633 Fundarmenn fóru í lok fundar á slökkvistöðina, á neðri hæð ráðhúss, og ræddu við Valgeir Þór Magnússon, slökkviliðsstjóra, um eldvarnir, brunamál og aðstöðuna í slökkvistöð, bæði núverandi stöðu og þarfir til framtíðar.
  
  Valgeiri þakkað fyrir yfirferðina. Bókun fundar ÁE sagði frá heimsókn í slökkvistöð og samtali við slökkviliðsstjóra á bæjarráðsfundinum.
  

Málsnúmer 2502003FVakta málsnúmer

• 6.1 2311027 Gönguleiðir og hjólreiðastígar
  Uppbygging gönguleiða og hjólreiðastíga í og við Grundarfjörð.
  
  Nanna Vilborg Harðardóttir verkefnisstjóri skipulags- og umhverfismála hjá Grundarfjarðarbæ kom inn á fundinn og fór yfir mögulega framtíðar uppbyggingu stíga og útivistarsvæða í og við Grundarfjörð.
  
  Íþrótta- og tómstundanefnd - 113 Nefndin leggur til að boðaður verði fundur með hagsmunaaðilum til að vinna málið áfram.
  
  Nanna og Ólafur íþróttafulltrúi boða fulltrúa frá Skógræktarfélagi Eyrarsveitar á fund með íþrótta- og tómstundanefnd.
  
• 6.2 2501021 Félag íþrótta-, æskulýðs- og tómstundafulltrúa - Áskorun á sveitarfélög
  Lögð fram ályktun frá haustfundi Félags íþrótta-, æskulýðs- og tómstundafulltrúa á Íslandi vegna sölu áfengis á íþróttaviðburðum.
  
  Íþrótta- og tómstundanefnd - 113 Íþrótta- og tómstundanefnd er sammála um að áfengissala eigi ekki að fara fram á íþróttaleikjum og leggst gegn því að slíkt verði í boði í íþróttamannvirkjum Grundarfjarðarbæjar.
  
  
• 6.3 2412014 UMFG - samtal um aðstöðumál
  Ólafur Ólafsson íþrótta- og tómstundafulltrúi gerði grein fyrir vinnu vinnuhóps sem bæjarstjórn Grundarfjarðarbæjar hefur skipað, til að vinna þarfagreiningu fyrir íþróttaaðstöðu UMFG o.fl.
  
  Íþrótta- og tómstundanefnd - 113 Nefndin lýsir yfir ánægju með að þessi vinna sé farin af stað.

Málsnúmer 2502002FVakta málsnúmer

• 7.1 2501021 Ályktun um áfengissölu á íþróttaviðburðum.
  Lögð fram ályktun frá haustfundi Félags íþrótta-, æskulýðs- og tómstundafulltrúa á Íslandi vegna sölu áfengis á íþróttaviðburðum.
  
  Ungmennaráð - 12 Ungmennaráðið er sammála um að áfengissala eigi ekki að fara fram á íþróttaleikjum.
  
  Ungmennaráðið tekur undir ályktun FÍÆT gegn áfengissölu á Íþróttaviðburðum og að íþróttahúsin eru griðastaður fyrir börn og ungmenni þar sem þau m.a. fylgjast með fyrirmyndum sínum innan sem utan vallar.
  
• 7.2 2412014 UMFG - samtal um aðstöðumál
  Íþrótta- og tómstundafulltrúi kynnti störf vinnuhóps sem bæjarstjórn Grundarfjarðarbæjar hefur skipað. Hópurinn samanstendur af fulltrúum frá UMFG, fulltrúum úr bæjarstjórn, auk þess sem bæjarstjóri og íþrótta- og tómstundafulltrúi starfa með hópnum.
  Hlutverk hópsins er að skilgreina þarfir íþróttafélaga í sveitarfélaginu fyrir aðstöðu og vinna þarfagreiningu fyrir íþróttaaðstöðu í sveitarfélaginu.
  Ungmennaráð - 12 Nefdarmönnum líst vel á að þessi vinna sé komin í gang.
• 7.3 2409025 SSV - Ungmennaþing Vesturlands 2024
  Ólafur Ólafsson, íþrótta- og tómstundafulltrúi kynnti samantekt frá Ungmennaþingi Vesturlands sem fram fór í Hvalfjarðarsveit í október síðastliðnum.
  Haukur Smári Ragnarsson og Brynjar Þór Ásgeirsson tóku þátt í ungmennaþinginu fyrir hönd Grundarfjarðarbæjar. Ungmennaráð - 12 Góðar umræður fóru fram um mikilvægi ungmennaþinga og hversu mikilvægt væri að fulltrúar frá sveitarfélaginu mæti og taki þátt.

Málsnúmer 2502004FVakta málsnúmer

• 8.1 2501012 Miðbær - skipulag og markaðssókn
  Áframhald umræðu frá síðasta fundi skipulags- og umhverfisnefndar frá 5. febrúar sl.
  
  Skipulags- og umhverfisnefnd - 266 Skipulagsfulltrúi og bæjarstjóri fóru yfir þau vinnugögn sem fyrir liggja og eru samantekt á hugmyndum nefndarinnar og tillögum, samanber umræður síðustu tveggja funda nefndarinnar og síðustu tveggja funda bæjarstjórnar. Að auki hafa skipulagsfulltrúi og bæjarstjóri unnið að frekari undirbúningi með ráðgjafa um uppbyggingarmál og fjármögnun. Framkomnar hugmyndir, sem og upplegg að kynningar- og auglýsingaferli miðbæjarreits, hafa nú verið teknar saman og eru lagðar fyrir nefndina til kynningar.
  
  Bæjarstjóri fór yfir þau atriði sem ljúka þarf með umræðu og ákvörðunum bæjarstjórnar, um þetta ferli. Næsti fundur bæjarstjórnar er fyrirhugaður 13. mars næstkomandi.
  
  Góð umræða varð um uppbyggingu á reitnum, kynningarferli o.fl.
  
  Fundin verður tímasetning fyrir fund með íbúum þar sem fjallað verður um skipulag reitsins, með hliðsjón af tækifærum bæjarins og skipulagi annarra svæða.
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
  Málið er til umfjöllunar sem sérstakur dagskrárliður síðar á fundinum vegna frekari ákvarðana um málið.
  
• 8.2 2312014 Tillaga um breytingu á deiliskipulagi Ölkeldudals
  Lögð fram til umræðu hugmynd um að skipta í áfanga uppbyggingu íbúða fyrir 60 ára og eldri, á lóðum vestan við Fellaskjól. Um er að ræða frekari útfærslu á deiliskipulagstillögunni sem nú er í kynningu, en þó þannig að hún hafi ekki áhrif á ferli þeirrar heildartillögu sem nú er í auglýsingu.
  
  Hugmyndin var kynnt á fundi bæjarráðs 28. febrúar sl. og í bæjarráði var hugmyndinni vísað til frekari umfjöllunar með fulltrúum Fellaskjóls og í skipulags- og umhverfisnefnd.
  
  Signý vék af fundi undir þessum lið.
  
  
  Skipulags- og umhverfisnefnd - 266 Bæjarstjóri og skipulagsfulltrúi greindu frá samtali við fulltrúa Fellaskjóls um hugmynd sem myndi sameina annars vegar aðkomu að þremur (af sjö) íbúðum sem fyrirhugaðar eru á nýjum lóðum vestan megin við dvalarheimilið, og hins vegar aðkomu að vestanverðu á nýrri álmu dvalarheimilisins. Óskað hefur verið eftir frekari skoðun og afstöðu stjórnar Fellaskjóls til þessarar útfærslu.
  
  Skipulagsfulltrúa falið að vinna áfram að málinu.
  
  
  Signý tók aftur sæti sitt á fundinum. Bókun fundar SG vék af fundi undir þessum lið.
  
  Bæjarstjórn samþykkir samhljóða afgreiðslu skipulags- og umhverfisnefndar.
  
  Málið er til umfjöllunar sem sérstakur dagskrárliður síðar á fundinum.
  
  SG tók aftur sæti sitt á fundinum.
  
• 8.3 2211011 Skíðadeild UMFG - Þjónustuhús
  Lagt fram erindi Skíðadeildar UMFG, með tölvupósti 28. febrúar 2025. Þar kemur fram að Skíðadeildin hyggist fjarlægja núverandi aðstöðuhús og byggja nýtt og stærra aðstöðuhús á sama stað.
  
  Með erindi fylgdi uppdráttur að húsinu og önnur gögn. Um er að ræða stálgrindarhús klætt með yleiningum. Reynt verður að láta húsið falla sem best inní landslagið og kostur er, segir í erindinu, og að vonast sé til að framkvæmdir hefjist í vor.
  
  Fulltrúar Skíðadeildarinnar og bæjarins höfðu skoðað svæðið í sameiningu á fyrri hluta árs 2024 og rætt nokkrar hugsanlegar staðsetningar.
  
  Í erindinu er óskað eftir að byggingin verði tekin til umsagnar hjá Grundarfjarðarbæ til að flýta fyrir ferlinu. Samkvæmt upplýsingum er gerð aðaluppdrátta fyrir nýja aðstöðuhúsið langt komin og verða þeir sendir síðar.
  
  Erindið er lagt fram sem fyrirspurn.
  Skipulags- og umhverfisnefnd - 266 Svæðið er ekki deiliskipulagt og ekki er skipulögð lóð undir mannvirki á svæðinu.
  
  Grundarfjarðarlína 2, sem liggur í jörðu, er í námunda við fyrirhugað framkvæmdasvæði og þarf því að huga vel að staðsetningu, sbr. deiliskipulag aðveitustöðvar og Grundarfjarðarlínu 2 að hluta, frá 2015.
  
  Spurt var um hugsanlega vegagerð vegna byggingar.
  
  Skipulags- og umhverfisnefnd felur skipulagsfulltrúa að ræða við forsvarsmenn skíðadeildarinnar.
  
  Bókun fundar Til máls tóku JÓK, BS og GS.
  
  Bæjarstjórn samþykkir samhljóða afgreiðslu skipulags- og umhverfisnefndar.
  
• 8.4 2501010 Reglur um skilti
  Á 264. fundi skipulags- og umhverfisnefndar 14. janúar sl. var rætt um að reglur Grundarfjarðarbæjar um gerð og staðsetningu skilta yrðu teknar til endurskoðunar. Fól nefndin starfsmönnum skipulags- og umhverfissviðs að vinna að málinu.
  
  Lögð eru nú fram til kynningar og umræðu drög að uppfærðum reglum, sbr. fylgiskjal.
  Skipulags- og umhverfisnefnd - 266 Skipulags- og umhverfisnefnd lýsir yfir ánægju með fram komin drög og felur verkefnisstjóra að útbúa tillögu til bæjarstjórnar með hliðsjón af umræðum á fundinum.
  
  Bókun fundar Til máls tóku JÓK, LÁB og GS.
  
  Bæjarstjórn samþykkir samhljóða afgreiðslu skipulags- og umhverfisnefndar.
  
• 8.5 2502017 Reglur um umgengni
  Á 265. fundi skipulags- og umhverfisnefndar 5. febrúar sl. var rætt um atvinnutæki sem lagt væri inn á íbúðasvæðum og fól nefndin verkefnastjóra skipulags- og umhverfismála að gera tillögur að nýjum reglum fyrir næsta fund skipulags- og umhverfisnefndar.
  
  Lögð eru nú fram til kynningar og umræðu drög að slíkum reglum.
  Skipulags- og umhverfisnefnd - 266 Skipulags- og umhverfisnefnd ýsir yfir ánægju með fram komin drög og felur verkefnastjóra að útfæra nánari tillögur í samráði við Heilbrigðiseftirlit Vesturlands til frekari umræðu. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 8.6 2403026 Stækkun á aðstöðu Vestur Adventure í Torfabót
  Rekstraraðili kajakleigunnar hefur óskað eftir aðstöðu til lengri tíma en stöðuleyfis til eins árs.
  Málið var áður til umræðu í nefndinni og fundaði skipulagsfulltrúi með rekstraraðila fyrir tæpu ári síðan.
  
  Skipulags- og umhverfisnefnd - 266 Farið yfir stöðu málsins, skipulagsvinnu við Framnes og fleira.
  
  Skipulagsfulltrúa falið að ræða við rekstraraðila um málið.
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 8.7 2502019 Landsnet Kerfisáætlun 2025-2034
  Borist hefur erindi frá Landsneti þar sem vakin er athygli á verk- og matslýsingu vegna vinnu við gerð kerfisáætlunar 2025-2034, og eru sveitarfélög hvött til þess að upplýsa um stöðu á aðalskipulagi og fyrirhugaða landnotkun sem getur haft áhrif á mótun kerfisáætlunar.
  
  Lýsingin er í kynningu til 7. mars.
  Í kjölfarið á verk- og matslýsingunni má búast við að kerfisáætlunin sjálf og mat á umhverfisáhrifum komi í kynningu fyrir páska, sbr. tölvupóst frá 20. febrúar sl.
  Skipulags- og umhverfisnefnd - 266 Lagt fram til kynningar.
  
  Skipulagsfulltrúa falið að yfirfara verk- og matslýsinguna og senda inn umsögn ef tilefni þykir á þessu stigi málsins.
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
  Bæjarstjóri hefur sent umsögn um málið til Landsnets.
  

Málsnúmer 2503008Vakta málsnúmer

Málsnúmer 2409008Vakta málsnúmer

Málsnúmer 2503006Vakta málsnúmer

Málsnúmer 2501012Vakta málsnúmer

Málsnúmer 2312014Vakta málsnúmer

Málsnúmer 2501011Vakta málsnúmer

Málsnúmer 2502010Vakta málsnúmer

Málsnúmer 2502008Vakta málsnúmer

Málsnúmer 2503001Vakta málsnúmer

Málsnúmer 2503013Vakta málsnúmer

Málsnúmer 2503012Vakta málsnúmer

Málsnúmer 2501008Vakta málsnúmer

Málsnúmer 2503004Vakta málsnúmer

Málsnúmer 2502002Vakta málsnúmer

Málsnúmer 2503005Vakta málsnúmer

Málsnúmer 2503009Vakta málsnúmer

Málsnúmer 2503010Vakta málsnúmer

Málsnúmer 2502011Vakta málsnúmer