Bæjarstjórn

Málsnúmer 2205020Vakta málsnúmer

Málsnúmer 2205021Vakta málsnúmer

Málsnúmer 2009014Vakta málsnúmer

Málsnúmer 2505004FVakta málsnúmer

• 4.1 2501025 Framkvæmdir 2025
  Gestir fundarins undir þessum lið eru Sigurður Valur Ásbjarnarson, tæknifræðingur, og Nanna Vilborg Harðardóttir, verkefnisstjóri skipulags- og umhverfismála.
  Bæjarráð - 637 Sigurður Valur fór yfir helstu verklegar framkvæmdir.
  
  - Sögumiðstöðin
  
  Farið var í Sögumiðstöðina í fylgd Sigurðar Vals og húsnæðið skoðað. Þegar framkvæmdir hófust fyrir ca. 2 vikum, þá kom í ljós enn verra ástand í veggjum og þaki í viðbyggingu hússins. Farið yfir stöðuna og næstu skref.
  
  Unnið er að áætlun um heildarviðgerðir hússins í ljósi þessarar nýju stöðu. Lagt til að unnið verði að minni háttar viðgerðum í steypta hluta hússins, þannig að miðrými, eldhús, bókasafn og snyrtingar bókasafnsmegin verði komið í eðlilegt horf til notkunar í haust. Svæði viðbyggingar verði lokað af í vetur, fyrir utan eldhúshlutann.
  
  Samþykkt samhljóða.
  
  - Viðgerðir/klæðning íþróttahúss og tengigangs
  
  Miðað við þær fjárveitingar sem ætlaðar eru í verkið, þá verður erfitt að skipta verkinu upp í framkvæmdir til útboðs til 2ja ára.
  Í ár eru áætlaðar 25 millj. kr. í klæðningu/þakviðgerð íþróttahúss og 3 millj kr. í utanhússviðgerðir (m.a. klæðningu) tengigangsins milli íþróttahúss og grunnskóla. Við tengigang þarf einnig að fara í jarðvinnu og tengja lagnir.
  
  Lagt er til að í ár verði eftirfarandi gert:
  
  - Verðkönnun verði gerð fyrir það verk að klæða tengigang og lagfæra við glugga. Búið er að fá verktaka í að ganga frá þakrennum/lögnum/tengingu og setja niður sandgryfju.
  - Verðkönnun/útboð verði gert fyrir þakviðgerð og málun.
  - Lokið við smálegar viðgerðir við glugga/hurðir.
  - Sett ný hurð/hurðafrontur í kjallara íþróttahúss (líkamsræktarhluti).
  - Útboð fari fram seint í haust, fyrir heildarverkið við klæðningu húss, gluggaskipti og mögulega smíði þakkants.
  
  Samþykkt samhljóða.
  
  - Viðbygging hafnarhúss
  
  Byggingin fékk öryggisúttekt 22. maí sl. og lokaúttekt fer fram innan tíðar. Byggingin var tekin í notkun laugardaginn 24. maí sl., en þá var stórt skemmtiferðaskip í höfn.
  
  Sigurður Valur vék af fundi og var þakkað fyrir komuna.
  
  Nanna kom inn á fundinn og fór yfir stöðu verkefna.
  
  - Gatnagerð/gangstéttir
  Nanna fór yfir verkefnalista vegna verkefna við gatnagerð og gangstéttir.
  
  - Leiksvæði grunn- og leikskóla, Þríhyrningur o.fl.
  
  Nanna fór yfir fyrirhugaðar endurbætur í lóð leik- og grunnskóla. Einnig sagði hún frá framkvæmdum í Þríhyrningi þar sem verið er að hlaða eldstæði og leiksvið.
  
  Nanna vék af fundi og var þakkað fyrir komuna.
  
  - Kirkjufellsfoss-göngustígar
  
  Bæjarstjóri sagði frá því að eitt tilboð hafi borist í verðkönnun um gerð göngustígs og palla, við áningarstað við Kirkjufellsfoss. Samið er við bjóðanda. Verkís sá um burðarþolshönnun og sér um verkeftirlit.
  
• 4.2 2501016 Lausafjárstaða 2025
  Lagt fram yfirlit yfir lausafjárstöðu.
  Bæjarráð - 637
• 4.3 2502020 Greitt útsvar 2025
  Lagt fram yfirlit yfir greitt útsvar janúar-apríl 2025. Bæjarráð - 637 Skv. yfirlitinu hefur greitt útsvar í Grundarfirði hækkað um 10,6% miðað við sama tímabil í fyrra.
  
• 4.4 2505020 Tíu ára yfirlit 2015-2024
  Lagt fram tíu ára fjárhagsyfirlit Grundarfjarðarbæjar, A- og B-hluta, með upplýsingum úr ársreikningum og lykiltölum áranna 2015-2024.
  Bæjarráð - 637
• 4.5 2505019 Launaáætlun 2025
  Lagt fram yfirlit yfir raunlaun og áætlun fyrir tímabilið janúar-apríl 2025.
  Bæjarráð - 637 Raunlaun eru undir áætlun ársins með viðaukum.
  
• 4.6 2505021 Rekstraryfirlit 2025
  Lagt fram rekstraryfirlit janúar-mars 2025.
  Bæjarráð - 637
• 4.7 2409008 Fjárhagsáætlun 2025
  Farið yfir helstu breytingar á fjárhagsáætlun, m.t.t. gerðar viðauka sem bæjarstjórn mun ganga frá á júnífundi.
  
  Lagt fram tilboð frá Terra í húseiningar, þ.e. WC-einingu og litla geymslu fyrir íþróttavöll.
  Bæjarráð - 637 Bæjarráð samþykkir kaup á húseiningum fyrir íþróttavöll og að gerður verði viðauki við fjárhagsáætlun ársins.
  
  Samþykkt samhljóða.
  
• 4.8 2504023 Grund - kaup á jörð
  Lagður fram kaupsamningur um jörðina Grund, undirritaður af bæjarstjóra 16. maí 2025 f.h. Grundarfjarðarbæjar. Jörðinni fylgja engin hús.
  
  Kaupverð jarðarinnar eru 70 millj. kr., þar af voru 50 millj. kr. greiddar við undirritun kaupsamnings.
  Bæjarráð - 637 Með kaupum á jörðinni Grund gefst m.a. tækifæri til að bæta vatnsvernd. Vatnsból fyrir þéttbýlið í Grundarfirði er við Grundará, undir Grundarfossi. Vatnsverndarsvæði vatnsbólsins hafa verið afmörkuð í samræmi við reglugerð nr. 536/2001 um neysluvatn. Mörk vatnsverndarsvæðanna eru í samræmi vð skýrslu ÍSOR
  06197 frá 2006, en um þau gildir skilgreining á brunn-, grann- og
  fjarsvæðum í reglugerð um varnir gegn mengun vatns nr. 796/1999 m.s.br.
  
  Í Aðalskipulagi Grundarfjarðarbæjar 2019-2039 er sett fram stefna um að brunnsvæði vatnsveitunnar verði stækkað til samræmis við tillögu um breytta legu vatnsverndarsvæða vatnsbóla Vatnsveitu Grundarfjarðar, sem unnin var af Ísor fyrir Orkuveitu Reykjavíkur 2006.
  
  Bæjarráð samþykkir að fela bæjarstjóra að ræða við Veitur ohf. um vatnsverndarmál á svæðinu.
  
  Í ljósi þess að Grundarfjarðarbær eignast jörðina á vordögum og lítill tími er til stefnu, þá vill bæjarráð leitast við að halda umsjón neðangreindra þátta í sömu skorðum og verið hafa undanfarin ár.
  
  Bæjarráð samþykkir að umsjón með slætti á túni í landi jarðarinnar Grundar og umsjón með hagabeit verði sumarið 2025 falin Bárði Rafnssyni og Dóru Aðalsteinsdóttur, með vísan í framlagt erindi þeirra. Þau hafa síðustu árin séð um slátt og hagabeit.
  
  Bæjarstjóra falið að ganga frá samningi við þau Bárð og Dóru fyrir árið 2025.
  
  Efnistaka í landi Grundar:
  
  Bæjarráð felur bæjarstjóra og skipulagsfulltrúa að afla gagna og leggja fram tillögu um efnistöku í landi Grundar. Ekki liggja fyrir efnistökuleyfi í landi Grundar og leggur bæjarráð til að efnistaka þar verði ekki heimiluð að sinni.
  
  Bæjarráð tekur ekki afstöðu að svo stöddu til veiða í landi Grundar.
  
  Samþykkt samhljóða.
  Bókun fundar Bæjarstjórn staðfestir afgreiðslu bæjarráðs varðandi eignina Grund.
  
• 4.9 2504001 Alþingi - Breyting á lögum um veiðigjald
  Lagt fram erindi nefndasviðs Alþingis þar sem kynnt er frumvarp til breytinga á lögum um veiðigjöld. Jafnframt lögð fram umsögn Samtaka sjávarútvegssveitarfélaga (SSSF), ásamt greiningargögnum KPMG, sem sveitarfélögin fengu send sl. föstudag, 23. maí.
  Bæjarráð - 637 Umsögn Grundarfjarðarbæjar byggir m.a. á umsögn SSSF.
  
  Bæjarstjóri sendir umsögn um frumvarpið til nefndasviðs Alþingis.
  
  Samþykkt samhljóða.
  
• 4.10 2503029 Uppbyggingarsjóður íþrótta- og menningarmála
  Lögð fram drög að reglum um uppbyggingarsjóð íþrótta- og menningarmála ásamt fjárhagsgögnum frá Skotfélagi Snæfellsness, með beiðni um greiðslu styrkveitingar.
  Bæjarráð - 637 Bæjarráð bíður eftir umfjöllun menningarnefndar og íþrótta- og tómstundanefndar um fyrirliggjandi drög að reglum.
  
  Bæjarráð samþykkir útgreiðslu úr sjóðnum til Skotfélags Snæfellsness, í samræmi við samþykkt bæjarstjórnar um úthlutun úr sjóðnum til félagsins.
  
  Samþykkt samhljóða.
  
• 4.11 2503002 Landsbyggðin lifi - Fyrirspurn um samstarf
  Bæjarstjórn vísaði málinu til skoðunar í bæjarráði. Bæjarráð - 637 Bæjarráð óskar eftir frekari upplýsingum um verkefnið og felur bæjarstjóra að afla upplýsinga.
  
  Samþykkt samhljóða.
  
• 4.12 2502019 Landsnet Kerfisáætlun 2025-2034
  Lagður fram til kynningar tölvupóstur Landsnets um kerfisáætlun Landsnets 2025-2034, ásamt framkvæmdaáætlun og umhverfismatsskýrslu, og um kynningarfundi sem haldnir voru í apríl-maí.
  
  Kerfisáætlunin er nú í opnu umsagnarferli og má skila inn athugasemdum við áætlunina til 31. maí nk.
  Bæjarráð - 637 Bæjarstjóri hefur verið í sambandi við Samtök sveitarfélaga á Vesturlandi um umsögn um kerfisáætlun.
  
• 4.13 2505002 Samtök sjávarútvegssveitarfélaga - Fundargerðir 2025
  Lagðar fram til kynningar fundargerðir stjórnar Samtaka sjávarútvegssveitarfélaga; fundargerð 88. fundar sem haldinn var 15. apríl sl. og fundargerð 89. fundar sem haldinn var 7. maí sl.
  Bæjarráð - 637 Bæjarstjóri sagði frá því að hún hefði sótt fund Samtakanna, 16. maí sl., en til fundarins var boðið þingmönnum og ráðherrum, til umræðu um frumvarp til breytingu á lögum um veiðigjöld.
  
• 4.14 2505024 Húsnæðisáætlun 2025
  Lögð fram til kynningar og umsagnar húsnæðisáætlun Grundarfjarðarbæjar 2025, en bæjarstjórn samþykkir húsnæðisáætlun ár hvert.
  Bæjarráð - 637 Bæjarráð leggur til að húsnæðisáætlun 2025 verði samþykkt.
  

Málsnúmer 2506001FVakta málsnúmer

• 5.1 2411001 Innri Látravík - Rekstrarleyfi, umsögn til sýslumanns
  Lagt fram erindi Sýslumannsins á Vesturlandi um breytingu á rekstrarleyfi til reksturs gististaðar í flokki II, frístundahús, sem rekinn er sem Kirkjufell view cottage, að Innri Látravík (F2357992), Grundarfirði skv. rekstraleyfi REK-2024-073350 frá 27.11.2024.
  
  Breyting felst í viðbótarhúsnæði í þremur nýjum frístundahúsum (mhl.050101, 060101,070101) og þar með fjölgun gistirýma um 12 gesti, þannig að leyfilegur gestafjöldi eftir breytingu fari úr 8 í 20 gesti.
  
  Um er að ræða ný hús og fyrir liggur öryggisúttekt byggingarfulltrúa og slökkviliðsstjóra, og umsögn byggingarfulltrúa sem ekki gerir athugasemdir við að umbeðnu rekstrarleyfi verði breytt.
  Bæjarráð - 638 Bæjarráð gerir ekki athugasemdir við að leyfinu verði breytt og að við það bætist þrjú ný gestahús, við þau tvö sem leyfið var útgefið fyrir, á síðasta ári.
  
  
• 5.2 2506011 Hjallatún 1, lóðarblað
  Lagt fram nýtt lóðarblað og merkjalýsing fyrir Hjallatún 1, landnúmer L190044, undirritað af merkjalýsanda 28.05.2025.
  
  Lóðin er skráð 1.882 m2 í Landeignaskrá fasteigna, en stækkar nú í 2.907 m2, eða um 1.025 m2. Upprunalandið Grafarland, landnúmer 190037, minnkar um það sem því nemur. Breytingin er unnin í samræmi við nýtt deiliskipulag iðnaðarsvæðisins vestan Kvernár, sem gefið var út í B-deild Stjórnartíðinda 16. maí 2025.
  
  Bæjarráð - 638 Bæjarráð staðfestir framlagða útgáfu nýs lóðarblaðs fyrir lóðina Hjallatún 1.
  

Málsnúmer 2505002FVakta málsnúmer

• 6.1 2207006 Málefni leikskólans
  Heiðdís Lind skólastjóri Leikskólans Sólvalla tók á móti skólanefnd.
  
  Einnig var mætt Nanna Vilborg Harðardóttir, verkefnisstjóri skipulags- og umhverfismála hjá Grundarfjarðarbæ, til að fara yfir áform um endurbætur á lóð leikskólans.
  Skólanefnd - 180 Byrjað var á því að ganga um lóð leikskólans og fóru Nanna og Heiðdís yfir þær breytingar sem eru fyrirhugaðar í sumar.
  
  Helstu breytingar eru þær að í "stóra garði" er ætlunin að leggja malbikaða hjólabraut í hring innan lóðar, milli hússins og hólsins. Nýtt sandsvæði verður lagt innan hjólabrautarhringsins og unnið þar með vatn. Rólur verða endurnýjaðar og nýjar settar í norðausturhluta lóðarinnar, nær horni Sólvalla og Hrannarstígs. Gróðursett verða fleiri tré í garðinum. Að auki stendur til að bæta lýsingu í stóra garði, í tengslum við endurbætur á lýsingu í Hrannarstíg, samhliða lagningu nýrrar gangstéttar frá Kjörbúð niður að Nesvegi, og aðeins inní Sólvelli.
  
  Nönnu var þakkað fyrir yfirferðina.
  
  Að þessu búnu var haldið inn þar sem skólastjóri fór með skólanefnd um húsrými leikskólans. Hún sagði frá þeim breytingum sem gerðar hafa verið á húsnæði skólans og sem fyrirhugaðar eru í sumar. Rætt var um starfsemi leikskólans vítt og breitt.
  
  Að lokinni yfirferð þakkaði skólanefnd leikskólastjóra fyrir móttökurnar.
  
  

Málsnúmer 2505003FVakta málsnúmer

• 7.1 2207006 Málefni leikskólans
  Skóladagatal leikskólans lagt fram til afgreiðslu.
  Skólanefnd - 181 Farið yfir skóladagatal Leikskólans Sólvalla, samhliða yfirferð yfir skóladagatal grunnskóla og Leikskóladeildarinnar Eldhamra, til samanburðar.
  
  Starfsdagur er 12. ágúst og opnun eftir sumarleyfi 13. ágúst nk.
  Haustfrí er 20.-22. október
  Starfsdagur er 11. nóvember.
  Lokað er á Þorláksmessu og jólafrí telst einnig fyrri hluta 24. des., 29. og 30. des., og fyrri hluta 31. des. og þann 2. janúar 2026.
  Vetrarfrí er 26. og 27. febrúar, og starfsdagur 2. mars.
  Í Dymbilviku er ekki lokað 30. mars, 31. mars og 1. apríl, en skráningardagar eða valkvæðir dagar (gjald taki mið af því).
  Starfsdagar eru 13. og 15. maí, sitt hvorum megin við Uppstigningardag, en annar þeirra er auka-starfsdagur í ár vegna námsferðar til útlanda.
  Hálfur starfsdagur er eftir hádegi föstudag 3. júlí 2026, og eftir þann dag hefst sumarleyfi.
  Opnun aftur eftir sumarleyfi 12. ágúst 2026.
  
  Rætt um fyrirkomulagið og reynslu af sambærilegu fyrirkomulagi á líðandi skólaári.
  
  Skólanefnd samþykkir framlagt skóladagatal Leikskólans Sólvalla.
  Því er beint til skólastjóra Grunnskóla, að uppfæra skóladagatal Eldhamra til samræmis við dagatal Sólvalla, að því leyti sem uppá vantar.
  
  Leikskólastjóri fór yfir stöðu í starfsmannamálum, en börnum mun fækka á Sólvöllum í haust og verða þau tæplega 40 með haustinu. Eins og staðan er núna, eru starfsmenn of margir, en sú staða getur breyst.
  
  Skólastjóra var þakkað fyrir komuna og samtalið.
  
  
• 7.2 2207005 Málefni grunnskólans
  Skóladagatal grunnskólans lagt fram til afgreiðslu.
  
  Hringt var í Sigurð G. Guðjónsson skólastjóra grunnskóla við umræðu og afgreiðslu skóladagatalsins. Skólanefnd - 181 Farið yfir skóladagatalið samhliða yfirferð á skóladagatölum undir öðrum dagskrárliðum.
  
  Skóladagatal grunnskólans samþykkt.
  
  
  
  
• 7.3 2207008 Málefni leikskóladeildarinnar Eldhamra
  Skóladagatal Leikskóladeildarinnar Eldhamra lagt fram til afgreiðslu.
  
  Rætt við Sigurð Gísla skólastjóra grunnskóla/Eldhamra í síma, við yfirferðina.
  Skólanefnd - 181 Farið yfir skóladagatalið samhliða yfirferð á skóladagatölum undir öðrum dagskrárliðum.
  Skóladagatal Eldhamra samþykkt, með smávægilegum breytingum sem beint er til skólastjóra að gera, til samræmis við umræðu fyrr á fundinum.
  
  
• 7.4 2207007 Málefni tónlistarskólans
  Skóladagatal tónlistarskólans lagt fram til afgreiðslu. Skólanefnd - 181 Skóladagatal tónlistarskólans samþykkt.
  
• 7.5 2505011 FSS - Forvarnarstefna Snæfellsness
  Drög að forvarnastefnu Snæfellsness, unnin af Félags- og skólaþjónustu Snæfellinga, lögð fram til umsagnar skólanefndar.
  Skólanefnd - 181 Skólanefnd lýsir ánægju sinni með framkomin drög að forvarnastefnu fyrir Snæfellsnes.
  
  
  

Málsnúmer 2505005FVakta málsnúmer

• 8.1 2101038 Iðnaðarsvæði - tillaga að deiliskipulagi 2021
  Endanleg gögn lögð fram til upplýsingar.
  
  Skipulagsstofnun hefur lokið yfirferð yfir aðalskipulagsbreytingu og nýtt deiliskipulag iðnaðarsvæðis vestan Kvernár og gerði ekki athugasemdir við skipulagsáætlanirnar. Skipulagsstofnun birti auglýsingu um gildistöku aðalskipulagsbreytingar í B-deild Stjórnartíðinda þann 14. maí sl. Deiliskipulag var í framhaldinu birt með auglýsingu í B-deild Stjórnartíðinda þann 16. maí sl. og tilkynning um það birt á vef bæjarins sama dag.
  
  Ef allt gengur eftir ætti auglýsing lóða að geta hafist seinnipart júnímánaðar, byggt á ákvörðun bæjarstjórnar um forgangsröðun í uppbyggingu á svæðinu.
  
  Skipulags- og umhverfisnefnd - 269 Skipulags- og umhverfisnefnd beinir því til bæjarstjórnar að áður en kemur að auglýsingu lóða á iðnaðar- og athafnasvæðinu vestan Kvernár, liggi fyrir lýsing á uppbyggingu á svæðinu, m.a. með hliðsjón af fjárhagsáætlun, og þar með ákvörðun um í hvaða röð lóðir verði auglýstar lausar til úthlutunar. Í deiliskipulaginu sjálfu er að finna stefnu um það.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
  Bæjarstjóri kynnti tillögu um forgangsröðun í uppbyggingu og úthlutun lóða á svæðinu, í þremur áföngum.
  
  Áfangi 1 eru þær lóðir sem nú eru í uppbyggingu og undirbúningi.
  Áfangi 2 eru þær lóðir sem bæjarstjórn auglýsi því næst lausar til úthlutunar. Bæjarstjórn felur bæjarstjóra að óska eftir tilboði í hönnun gatna á þessu svæði.
  Áfangi 3 eru þær lóðir sem liggja syðst og koma síðast til uppbyggingar í hverfinu.
  
• 8.2 2312014 Tillaga um breytingu á deiliskipulagi Ölkeldudals
  Skipulagsstofnun hefur lokið yfirferð bæði á aðalskipulagsbreytingu og á nýju deiliskipulagi Ölkeldudals og gerir engar athugasemdir við það.
  
  Beðið er eftir því að auglýsing aðalskipulagsbreytingar birtist í B-deild Stjórnartíðinda og strax í kjölfar þess verður deiliskipulagið nýja auglýst í B-deild og á vef bæjarins og hefst þá mánaðarfrestur áður en lóðirnar verða auglýstar.
  
  Skipulags- og umhverfisnefnd - 269 Ef allt gengur eftir ætti að verða hægt að auglýsa lóðir á svæðinu síðsumars, með hliðsjón af forgangsröðun bæjarstjórnar á uppbyggingu á svæðinu.
  
  Skipulags- og umhverfisnefnd fagnar þessum áfanga.
  Bókun fundar Bæjarstjóri kynnti tillögu um forgangsröðun í uppbyggingu og úthlutun lóða á svæðinu, í þremur áföngum.
  
  Bæjarstjórn samþykkir þá nálgun og felur bæjarstjóra og skipulagsfulltrúa að vinna að auglýsingu lóða á þeim grunni.
  
• 8.3 2311006 Grund 2 - Breyting á Aðalskipulagi og nýtt deiliskipulag
  Lagðar fram tvær nýjar athugasemdir sem bárust eftir að auglýsingatíma vinnslutillögu aðal- og deiliskipulags var lokið. Þær eru frá Hafrannsóknastofnun og Veðurstofu Íslands. Einnig lagðar fram tillögur skipulagsráðgjafa um viðbrögð við athugasemdunum.
  
  Það er landeigandi sem lætur vinna skipulagsbreytingu aðalskipulags og nýtt deiliskipulag fyrir Grund 2.
  
  Skipulags- og umhverfisnefnd - 269 Ábendingar á þessu stigi eru hafðar til hliðsjónar og ekki þarf að svara þeim formlega. Farið hefur verið yfir framangreindar athugasemdir.
  
  Skipulagsfulltrúa er falið að koma athugasemdum Hafrannsóknastofnunar og Veðurstofu Íslands til framkvæmdaraðila/landeiganda og er því beint til hans að taka tillit til þeirra við gerð endanlegra skipulagsáætlana (aðalskipulagsbreyting, deiliskipulagstillaga).
  
  Skipulagsfulltrúa falið að yfirfara sérstaklega hæðarsetningu á hluta af landi innan deiliskipulagsmarka, í ljósi athugasemda Veðurstofu Íslands.
  
  
• 8.4 2505013 Sólbakki A - Umsókn um breytta notkun húsnæðis
  Eigandi Sólbakka sækir nú formlega um óverulega breytingu á deiliskipulagi þannig að frístundahús á Sólbakka, lóð A, verði einbýlishús.
  
  Tillaga að breyttu deiliskipulagi í þessa veru (uppdráttur) hefur ekki borist.
  
  Samhliða var sótt um breytta notkun húss til byggingarfulltrúa, þ.e. að sumarhús verði skráð sem íbúðarhús.
  
  Áður hafði borist fyrirspurn um þessa breytingu.
  Skipulags- og umhverfisnefnd - 269 Á 268. fundi skipulags- og umhverfisnefndar 30. apríl 2025 var fyrirspurn um málið tekin til afgreiðslu. Þar kom fram, að til að breyta megi skráningu hússins þyrfti að breyta deiliskipulagi og gera ráð fyrir íbúðarhúsi, sem ekki er gert ráð fyrir nú.
  Nefndin rökstuddi og taldi að slík breyting deiliskipulags myndi teljast óveruleg breyting deiliskipulags, skv. 2. mgr. 43. gr. skipulagslaga 123/2010.
  
  Skipulags- og umhverfisnefnd felur skipulagsfulltrúa umboð til að yfirfara skipulagsgögn v. deiliskipulagsbreytingar þegar þau berast. Reynist þau í samræmi við það sem áður hefur verið samþykkt um þetta mál, er honum falið að grenndarkynna breytinguna fyrir sömu aðilum og fyrr (Háls, Hálsaból, Mýrar) í samræmi við 2. mgr. 43. gr. skipulagslaga.
  
  Ennfremur heimilar nefndin að grenndarkynningartími verði styttur að uppfylltum ákvæðum 3. mgr. 44. gr. skipulagslaga.
  
• 8.5 2503031 Breyting aðalskipulags - miðbæjarreitur
  Farið yfir stöðu máls vegna aðalskipulagsbreytingar í tengslum við uppbyggingu á miðbæjarreit.
  
  
  
  Skipulags- og umhverfisnefnd - 269 Skipulagsstofnun hefur lokið yfirferð á tillögu að breytingu aðalskipulags vegna miðbæjarreits og gerir ekki athugasemd við að skipulagstillagan verði auglýst skv. 31. gr. skipulagslaga.
  
  Skipulagsfulltrúi mun nú auglýsa tillöguna í samræmi við 31. gr. skipulagslaga nr. 123/2010, sbr. samþykkt á 268. fundi skipulags- og umhverfisnefndar 30. apríl sl. og bæjarstjórnar 8. maí sl.
  
  Bókun fundar Forseti vísaði í afgreiðslu bæjarstjórnar 8. maí um að auglýsa mætti breytingu aðalskipulagsins og birtist sú auglýsing í gær.
  
• 8.6 2501012 Miðbær - skipulag og markaðssókn
  Farið yfir ferli og niðurstöður útboðs vegna sölu byggingarréttar á miðbæjarreit. Byggingarréttur á miðbæjarreit var auglýstur í útboðsferli 10. maí sl.
  
  
  Skipulags- og umhverfisnefnd - 269 Bæjarstjóri sagði frá stöðu málsins, sem verður rætt nánar á fundi bæjarstjórnar 12. júní nk.
  
• 8.7 2205033 Umhverfisrölt 2022-2026
  Rætt um tímasetningar fyrir árlegt umhverfisrölt skipulags- og umhverfisnefndar og bæjarstjórnar.
  Skipulags- og umhverfisnefnd - 269 Ánægja kom fram með fyrirkomulag síðasta árs og var samþykkt að fylgja sama fyrirkomulagi í ár.
  
  Tvö kvöld eru þá tekin undir umhverfisrölt, byrjað á kynningu og spjalli um umhverfismál og helstu verkefni (líklega í Samkomuhúsinu) og í kjölfar þess yrði farið í umhverfisrölt kvöldið eftir.
  
  Samþykkt að umhverfisspjall verði þriðjudagskvöldið 24. júní og að umhverfisröltið verði 25. júní. Það ræðst af umræðum fyrra kvöldið, hvert leiðin verður lögð og hvað fólk vill skoða. Skipulags- og umhverfisnefnd samþykkir þó að fara sérstakt umhverfisrölt í hesthúsahverfið.
  
• 8.8 2211011 Skíðadeild UMFG - Þjónustuhús fyrir tjaldsvæði og skíðasvæði
  Borist hafa myndir sem sýna fyrirhugaða staðsetningu aðstöðuhúss Skíðadeildar, sem áformað er að reisa í sumar.
  Byggingarfulltrúi telur að þær séu fullnægjandi til að nefndin geti tekið afstöðu til staðsetningar hússins. Verði fallist á þessa staðsetningu getur hann gefið út byggingarleyfi þegar uppfærðir aðaluppdrættir hafa borist.
  
  Skipulags- og umhverfisnefnd - 269 Verið er að stækka og bæta aðstöðu skíðafólks í Grundarfirði í samræmi við skilmála Aðalskipulags Grundarfjarðarbæjar 2019-2039, sbr. skilmála fyrir svæði ÍÞ-4 (skíðasvæði eldra) og ÍÞ-5 (íþróttavöllur), en þar er mörkuð stefna um að gera ráð fyrir þeirri mannvirkjagerð og umhverfisfrágangi sem nýting svæðisins til skíðaiðkunar og þjónustu við skíðafólk kallar á (ÍÞ-4). Í skilmálum aðalskipulags fyrir íþróttavöll er gert ráð fyrir uppbyggingu nýrrar áhaldageymslu og/eða aðstöðuhúsi tengdu íþróttavelli og skíðasvæðinu sunnar (ÍÞ-5).
  
  Skipulags- og umhverfisnefnd telur æskilegt að fá gögn sem sýna einnig aðkomu að svæðinu, bílastæði og nánasta umhverfi.
  
  Nefndin samþykkir fyrir sitt leyti staðsetningu þjónustuhúss skv. framlögðum gögnum, en felur skipulagsfulltrúa að ræða við framkvæmdaraðila um aðkomu og fyrirkomulag í nánasta umhverfi.
  
  Skipulags- og umhverfisnefnd felur skipulagsfulltrúa að grenndarkynna fyrirhugaðar byggingarframkvæmdir, þar sem ekki er til deiliskipulag af svæðinu. Grenndarkynnt verði fyrir eiganda lands austan við skíðasvæðið, Lárusi Sverrissyni, Gröf.
  
• 8.9 2505025 Fyrirspurn um sumarbústaðaland
  Lögð fram almenn fyrirspurn frá brottfluttum Grundfirðingi, um svæði fyrir frístundahús. Telur bréfritari að margir brottfluttir myndu vilja eiga sumarhús, í staðinn fyrir að kaupa upp íbúðir innanbæjar og nota sem orlofshús. Meðal annars er í þessu sambandi minnst á land Grundar sem bærinn festi nýlega kaup á.
  
  Skipulags- og umhverfisnefnd - 269 Skipulags- og umhverfisnefnd þakkar fyrir gott og athyglisvert erindi.
  
  Í umræðum nefndarinnar kom fram bjartsýni um að eftirspurn eftir frístundalóðum muni á næstu árum fara vaxandi.
  
  Í Aðalskipulagi Grundarfjarðarbæjar 2019-2039 er þegar gert ráð fyrir frístundahúsasvæði á landi í eigu bæjarins í landi Hellnafells sunnan hesthúsahverfis, merkt F-2, en full ástæða er til að ræða hvort önnur svæði í eigu bæjarins komi til greina.
  
  Nefndin vísar erindinu til bæjarstjórnar, með vísan í fyrri umræðu og ákvarðanir bæjarstjórnar um forgangsröðun í vinnu við skipulagsáætlanir sveitarfélagsins, sem og þá forgangsröðun sem kemur fram í fjárhagsáætlunum Grundarfjarðarbæjar.
  
  Nefndin minnir jafnframt á að umfangsmiklum deiliskipulagsverkefnum er nú lokið eða að ljúka.
  Bókun fundar Bæjarstjórn fagnar áhuga bréfritara og þakkar fyrir erindið.
  
  Bæjarstjórn tekur undir með skipulags- og umhverfisnefnd um að í aðalskipulagi er gert ráð fyrir frístundasvæði í landi bæjarins, innan þéttbýlismarka (F-2), og er það líklegasta svæðið fyrir frístundabyggð.
  
  
• 8.10 2505026 Ný samþykkt og gjaldskrá stöðuleyfa
  Lagt fram til umsagnar uppkast að nýjum reglum um stöðuleyfi.
  
  Einnig rætt um fjárhæð og útfærslu á gjöldum vegna stöðuleyfa og skilta. Skipulags- og umhverfisnefnd - 269 Lagt fram til kynningar og umræðu.
  
  Skipulags- og umhverfisnefnd lýsir yfir ánægju með fyrstu drög að nýjum reglum og felur þjónustufulltrúa skipulags- og byggingasviðs að vinna að frekari útfærslu fyrir bæjarstjórn.
  Bókun fundar Endanlegri vinnslu og samþykki er vísað til bæjarráðs.
• 8.11 2505018 Umsókn um framkvæmdaleyfi vegna vegagerðar í landi Hamra
  Eigandi sumarbústaðalóðar í landi Hamra sækir um framkvæmdaleyfi til að leggja fyrsta áfanga að aðkomuvegi. Einungis á að gera vegtengingu við þjóðveg og fara yfir skurð upp að girðingu.
  
  Ekki er til deiliskipulag af lóðinni, en framkvæmdaraðili sendi til glöggvunar einfalda skissu af hugmyndum sínum um byggingarreiti og framtíðarvegstæði aðkomuvegar sem yrði gerður síðar.
  
  Framkvæmdaraðili hefur þegar haft samráð við Vegagerðina um vegstæðið.
  Skipulags- og umhverfisnefnd - 269 Skipulags- og umhverfisnefnd samþykkir fyrir sitt leyti legu vegar að umræddu landi, sbr. framlögð gögn, og felur skipulagsfulltrúa að gefa út framkvæmdaleyfi með fyrirvara um umsögn Vegagerðarinnar.
  
  
• 8.12 2403025 Fellabrekka 7-13 - Umsókn um lóð
  Húsefni ehf. hefur sent inn erindi um skil á lóðum við Fellabrekku 7-13.
  
  Skipulags- og umhverfisnefnd - 269
• 8.13 2506002 Vinir íslenskrar náttúru - Skipulag skógræktar
  Erindi lagt fram til kynningar.
  Skipulags- og umhverfisnefnd - 269
• 8.14 2201020 Önnur mál umhverfis- og skipulagssviðs
  Skipulags- og umhverfisnefnd - 269 Fyrirspurn kom fram um viðbyggingar við tiltekið hús og var erindinu vísað til byggingarfulltrúa.
  
  

Málsnúmer 2409008Vakta málsnúmer

Málsnúmer 2503006Vakta málsnúmer

Málsnúmer 2409014Vakta málsnúmer

Málsnúmer 2205023Vakta málsnúmer

Málsnúmer 2205024Vakta málsnúmer

Málsnúmer 2205025Vakta málsnúmer

Málsnúmer 2504009Vakta málsnúmer

Málsnúmer 2505023Vakta málsnúmer

Málsnúmer 2504001Vakta málsnúmer

Málsnúmer 2505015Vakta málsnúmer

Málsnúmer 2506010Vakta málsnúmer

Málsnúmer 2506003Vakta málsnúmer

Málsnúmer 2506004Vakta málsnúmer

Málsnúmer 2506005Vakta málsnúmer

Málsnúmer 2503005Vakta málsnúmer

Málsnúmer 2503021Vakta málsnúmer

Málsnúmer 2503009Vakta málsnúmer

Málsnúmer 2502011Vakta málsnúmer