Bæjarráð

Lagt fram yfirlit um lausafjárstöðu.

Lagt fram og kynnt fjárhagsyfirlit Grundarfjarðarbæjar fyrir árin 2007 til 2016.

Lagt fram bréf Brúar lífeyrissjóðs, vegna breytinga á lögum um Lífeyrissjóð starfsmanna ríkisins nr. 1/1997. Í bréfinu eru raktar helstu breytingar sem þessi lagabreyting hefur á iðgjöld og lífeyrisskuldbindingar.

Ennfremur kemur fram að hjá Brú lífeyrissjóði er unnið að undirbúningi á uppgjöri við launagreiðendur um lífeyrisaukasjóð og varúðarsjóð, en uppgjörið mun taka mið af stöðu sjóðsins þann 31. maí 2017. Uppgjörið verður í þrennu lagi þ.e.: 1) Uppgjör á halla áfallinna lífeyrisskuldbindinga 31. maí 2017. 2) Uppgjör á reiknuðum framtíðarskuldbindingum frá 31. maí 2017 og 3) Uppgjör á varúðarsjóði.

Jafnframt kynnt afrit af bréfi Sambands ísl. sveitarfélaga frá 24. maí sl. til Samgöngu- og sveitarstjórnarráðuneytisins varðandi tillögur að reglugerðarbreytingum vegna breytinga á lögum um Lífeyrissjóð starfsmanna ríkisins. Þessar breytingar taka mið að því að lágmarka þau áhrif sem skuldbindingar vegna umgetinna lagabreytinga á lögum, um Lífeyrissjóð starfsmanna ríkisins, geti haft á fjármálareglur sveitarfélaga.

Lagt fram bréf Íbúðalánasjóðs frá 8. júní sl., ásamt yfirliti yfir þær íbúðir sem sjóðurinn á í Grundarfirði og eru ýmist til sölu eða í leigu. Í bréfinu býður Íbúðalánasjóður sveitarfélaginu til viðræðna um kaup á viðkomandi eignum.

Bæjarstjóra falið að kanna möguleika á hugsanlegum kaupum.

Samþykkt samhljóða.

Farið yfir stöðu íbúðamála og hvað gert hefur verið til þess að greiða úr málum vegna skorts á íbúðum. Áfram verður unnið að úrlausn mála.

Bæjarstjóra falið að fara yfir húsnæðismál bæjarins.

Lagt fram erindi Sýslumannsins á Vesturlandi þar sem óskað er umsagnar á umsókn TSC ehf til að reka gististað í flokki II að Grundargötu 50.

Bæjarráð gerir ekki athugasemdir við að umbeðið leyfi verði veitt, enda liggi fyrir jákvæðar umsagnir annarra umsagnaraðila.

Samþykkt samhljóða.

Þorsteinn Birgisson, skipulags- og byggingafulltrúi, sat fundinn undir þessum lið.

Lagt fram erindi Sýslumannsins á Vesturlandi þar sem óskað er umsagnar á umsókn Óla Smiðs ehf. til að reka gististað í flokki II að Grundargötu 43.

Afgreiðslu málsins frestað, þar til nauðsynleg gögn hafa borist.

Þorsteinn Birgisson, skipulags- og byggingafulltrúi, sat fundinn undir þessum lið.

Lagt fram erindi Sýslumannsins á Vesturlandi þar sem óskað er umsagnar á umsókn Ólafs Jónssonar til að reka gististað í flokki II á Grásteini, að Mýrum.

Bæjarráð gerir ekki athugasemdir við að umbeðið leyfi verði veitt, enda liggi fyrir jákvæðar umsagnir annarra umsagnaraðila.

Samþykkt samhljóða.

Þorsteinn Birgisson, skipulags- og byggingafulltrúi, sat fundinn undir þessum lið.

Fjallað um viðhald á Grunnskóla Grundarfjarðar til samræmis við úttekt Eflu, sem unnin var fyrir Grundarfjarðarbæ. Í úttektinni eru lagðar til þrjár mismunadi leiðir. Búið er að fara nánar yfir málin og er hér lagt til að farin verði leið 1 og að gengið verði til samninga við Þ.G. Þorkelsson verktaka ehf.

Bæjarstjóra og skipulags- og byggingafulltrúa falið að ganga frá samningum.

Lagður fram samningur um snjómokstur hjá Grundarfjarðarbæ, sem rann út 15. júní sl.

Bæjarráð samþykkir að fela skipulags- og byggingafullrúa að bjóða út snjómokstur hjá Grundarfjarðarbæ í samráði við verkstjóra áhaldahúss.

Lagt fram minnisblað unnið af skipulags- og byggingafulltrúa um hugsanlega efnislosunarstaði í sveitarfélaginu.

Bæjarráð telur mikilvægt að endanleg ákvörðun um efnislosunarstaði verði tekin og reglur mótaðar í þeim efnum. Sérstaklega verði skoðaðir möguleikar í Ártúni og Hrafnkelsstaðarbotni. Skipulags- og byggingafulltrúa falið að vinna að framgangi málsins.

Samþykkt samhljóða.

Lögð fram drög að nýjum þjónustusamningi við Símann hf. Jafnframt lagt fram minnisblað frá fundi sem haldinn var þar sem fram kemur hver ávinningur bæjarins er við nýjan samning.

Samningur samþykktur samhljóða.

Lagt fram bréf Dodds ehf. frá 23. júní sl., þar sem óskað er eftir skilum á lóðinni Hjallatún 2, sem fyrirtækið fékk úthlutað skv. lóðarleigusamningi dags. 24. júní 2005.

Bæjarráð samþykkir að Grundarfjarðarbær taki við lóðinni.

JÓK vék af fundi undir þessum lið.

Lagður fram endanlegur samningur um lagningu ljósleiðara um dreifbýli Grundarfjarðar. Jafnframt farið yfir fjárhæðir stofngjalda á hvern tengistað. Ennfremur gerð grein fyrir viðræðum sem farið hafa fram við fjarskiptafyrirtæki um aðkomu þess að verkinu og Rarik um lagningu rafstrengs í Framsveit.

JÓK tók aftur sæti sitt á fundinum.

Gerð grein fyrir íbúakönnun sem lögð hefur verið fyrir íbúa sveitarfélaganna Helgafellsveitar, Grundarfjarðarbæjar og Stykkishólmsbæjar.

Könnunin verður opin til 6. júlí nk. og eru íbúar sveitarfélaganna hvattir til þess að taka þátt.

Lagt fram bréf frá Samtökum sveitarfélaga á Vesturlandi frá 7. júní sl. varðandi upptöku sjónvarpsþátta um Biggest loser á Vesturlandi.

Lögð fram til kynningar fundargerð 169. fundar Félagsmálanefndar Snæfellinga frá 6. júní 2017.

Lagt fram bréf Íbúðalánasjóðs frá 16. og 23. júní sl. varðandi Grundargötu 69.