Bæjarráð

Lagt fram yfirlit yfir lausafjárstöðu.

Lagt fram yfirlit yfir greitt útsvar janúar-september 2022. Samkvæmt yfirlitinu hefur greitt útsvar hækkað um 9,1% miðað við sama tímabil í fyrra. Meðaltalshækkun á landinu er 11,7%.

Lagt fram yfirlit sem sýnir samanburð á útgreiddum launum Grundarfjarðarbæjar og Grundarfjarðarhafnar janúar til september 2022. Farið yfir niðurbrot launaáætlunar og raunlauna eftir deildum. Raunlaun eru yfir áætlun sem nemur 2,9 millj. kr., sem fyrst og fremst skýrist af auknum umsvifum Grundarfjarðarhafnar og breytingu á vinnufyrirkomulagi, sem og hagvaxtarauka skv. kjarasamningum, sem leiddi til hækkunar launa fyrr á árinu.

Lögð fram yfirlit með áætlun fasteignagjalda 2023, samanburði við önnur sveitarfélög, þróun fasteignamats frá árinu 2007 og yfirlit frá Jöfnunarsjóði ef breytingar yrðu gerðar á álagningu fasteignaskatts.

Jafnframt lagt fram yfirlit yfir breytingu fasteignamats hjá Grundarfjarðarbæ og 20 öðrum sveitarfélögum fyrir árin 2015 og 2017-2022. Sjá fylgiskjal.

Farið yfir forsendur og breytingu milli ára og gengið frá tillögu til bæjarstjórnar um lækkun á lóðarleigu íbúðarhúsnæðis (flokkur A) úr 2% í 1,5% og lækkun fráveitugjalds vegna íbúðarhúsnæðis úr 0,2% í 0,19%.

Tillaga að lækkun er gerð í ljósi aðstæðna nú þar sem fasteignamat mun hækka um 21,3% að meðaltali á árinu 2023.

Samþykkt samhljóða.

Lagt fram yfirlit sem sýnir breytingar á þjónustugjaldskrám miðað við mismunandi forsendur, ásamt samanburði við önnur sveitarfélög.

Farið yfir gjaldskrár og forsendur.

Vísað til næsta fundar bæjarráðs.

Lagt fram yfirlit yfir styrkumsóknir vegna ársins 2023 ásamt umsóknum og greinargerðum.

Farið yfir styrkumsóknir.

Vísað til næsta fundar bæjarráðs.

Lögð fram rammaáætlun 2023 og tekjuáætlun 2023.

Jafnframt lögð fram staðgreiðsluáætlun sveitarfélaga frá Sambandi íslenskra sveitarfélaga og tilkynning frá Jöfnunarsjóði vegna mögulegs framlags sökum fækkunar íbúa.

Vísað til næsta fundar bæjarráðs.

Lagður fram til kynningar tölvupóstur umhverfis-, orku- og auðlindaráðuneytis dags. 7. okt. sl., þar sem ráðuneytið kynnir í samráðsgátt mál nr. 188/2022 - Þjóðgarðar og önnur friðlýst svæði - lykilþættir (greinargerð). Óskað er eftir umsögnum og er frestur til 21. október nk.

Lagt fram til kynningar ársuppgjör Listvinafélags Grundarfjarðarkirkju fyrir árið 2021.

Lagt fram til kynningar ársuppgjör Skíðadeildar UMFG fyrir árið 2021.

Lagður fram til kynningar ársreikningur Dvalar- og hjúkrunarheimilisins Fellaskjóls fyrir árið 2021.

Lagður fram til kynningar ársreikningur Setbergssóknar fyrir árið 2021.

Lagt fram til kynningar upplýsingabréf Félags- og skólaþjónustu Snæfellinga dags. 7. september sl. til úkraínsks flóttafólks með búsetu á Snæfellsnesi.

Lagður fram til kynningar tölvupóstur Ríkislögreglustjóra dags. 11. okt. sl. þar sem Almannavarnir vekja athygli á námskeiði á þeirra vegum um greiningu á áhættu og áfallaþoli.