Bæjarstjórn

Málsnúmer 2205020Vakta málsnúmer

Málsnúmer 2205021Vakta málsnúmer

Málsnúmer 2402002FVakta málsnúmer

• 3.1 2211011 Skíðadeild UMFG - Þjónustuhús fyrir tjaldsvæði og skíðasvæði
  Lögð fram gögn skíðadeildar UMFG með hugmynd að þjónustuhúsi.
  Bæjarráð - 617 Rut Rúnarsdóttir og Jón Pétur Pétursson frá skíðadeildinni sátu fundinn undir þessum lið, ásamt Sigurði Val Ásbjarnarsyni og Ólafi Ólafssyni.
  
  Jón Pétur og Rut gerðu grein fyrir hugmynd að uppsetningu þjónustuhúss og uppbyggingu skíðasvæðisins.
  
  Rætt um möguleika á að samnýta þjónustuhúsið með þjónustu bæjarins.
  
  Einnig rætt um bókun skipulags- og umhverfisnefndar varðandi það að losa jarðvegsefni til uppfyllingar á skíðasvæði til hagsbóta fyrir svæðið.
  
  Bæjarráð tekur vel í hugmynd um nýtt þjónustuhús á svæðinu og felur skipulagsfulltrúa og íþrótta- og tómstundafulltrúa að vinna með fulltrúum skíðadeildar að nánari tillögu um bæði framangreind efni sem bæjarráð mun taka til afgreiðslu.
  
  Samþykkt samhljóða.
  
  Gestunum var þakkað fyrir komuna á fundinn.
  Bókun fundar Bæjarstjóri sagði frá því að í framhaldi af samtali fulltrúa Skíðadeildarinnar með bæjarráðinu hafi Sigurður Valur skipulagsfulltrúi, Ólafur íþrótta- og tómstundafulltrúi og Valgeir bæjarverkstjóri farið og hitt fulltrúa Skíðadeildarinnar á skíðasvæðinu til að ræða um skipulag svæðisins, m.a. út frá hugmyndum Skíðadeildarinnar um byggingu þjónustu-/geymsluhúsnæðis á svæðinu.
  Skipulagsfulltrúi sendi bæjarstjóra minnispunkta um niðurstöður þeirrar heimsóknar, sem eru til frekari skoðunar.
  
  
• 3.2 2401026 Lausafjárstaða 2024
  Lagt fram yfirlit yfir lausafjárstöðu.
  
  Bæjarráð - 617
• 3.3 2402013 Greitt útsvar 2024
  Lagt fram yfirlit yfir greitt útsvar í janúar 2024.
  Bæjarráð - 617 Janúar mánuður er í raun ómarktækur milli ára þar sem í þeim mánuði fer fram uppgjör fyrra árs.
  
• 3.4 2401018 Framkvæmdir 2024
  Bæjarráð - 617 Sigurður Valur Ásbjarnarson, skipulagsfulltrúi, og Ólafur Ólafsson, íþrótta- og tómstundafulltrúi, sátu fundinn undir þessum lið.
  
  Farið yfir framgang nokkurra stórra verkefna;
  
  Glugga- og hurðaskipti í íþróttahúsi/sundlaug. Fengin hafa verið tilboð í hurðir, glugga- og gluggaskipti, sem þurfa að fara fram á sama tíma og framkvæmdir vegna uppsetningar á varmadælum, svo ekki þurfi að loka sundlaug tvisvar. Varmadæluverkefnið verður unnið samhliða og gert er ráð fyrir að orkuskipti fari fram í júní nk.
  Þakviðgerð - viðgerð á þaki yfir anddyri er í undirbúningi, en ekki tókst að fá viðgerð á því á síðasta ári. Þak grunnskólabyggingar hefur lekið við tónlistarskóla, en verður lagfært strax og veður leyfir.
  Sögumiðstöð - framkvæmdir ársins eru í undirbúningi
  Leiktæki/leikvellir - undirbúningar er í gangi við kaup á leiktækjum og öðrum tilheyrandi framkvæmdum.
  
  Skipulagsfulltrúi hefur rætt við iðnaðarmenn bæjarins og fór með þeim yfir fyrirhuguð verkefni, til að tryggja að verkefni verði unnin innan þeirra tímamarka sem sett eru.
  
• 3.5 2402026 Reglur vegna úthlutunar íbúða fyrir eldri borgara
  Lögð fram tillaga um uppfærðar reglur um úthlutun íbúða til eldri borgara. Helstu breytingar felast í tilvísunum í reglugerð, þar sem eldri reglugerð er fallin úr gildi.
  Bæjarráð - 617 Bæjarráð samþykkir samhljóða fyrirliggjandi drög og leggur til að bæjarstjórn samþykki uppfærðar reglur.
  Bókun fundar Bæjarstjórn samþykkir uppfærðar reglur um úthlutun íbúða til eldri borgara, sbr. tillögu bæjarráðs.
  
  Samþykkt samhljóða.
  
• 3.6 2402016 Hrannarstígur 18 - íbúð 103 - úthlutun
  Afgreiðsla vegna úthlutunar hlutaréttar-/leiguíbúðar að Hrannarstíg 18, íbúð 103.
  Tvær umsóknir bárust um íbúðina.
  
  
  Bæjarráð - 617 SG vék af fundi undir þessum lið.
  
  Skrifstofustjóri hefur undirbúið málið og gerði grein fyrir því. Farið yfir niðurstöður greiningar á matsviðmiðum vegna úthlutunar hlutaréttaríbúða eldri borgara.
  
  Lagt til að íbúð nr. 103 að Hrannarstíg 18 verði úthlutað til Ernu Njálsdóttur. Skrifstofustjóra falið að ganga frá samningi um íbúðina.
  
  Samþykkt samhljóða.
  
  SG tók aftur sæti sitt á fundinum.
  
• 3.7 2201007 Íbúðir við Hrannarstíg 18 og 28-40
  Lögð fram samantekt Deloitte um kostnað við rekstur 15 íbúða fyrir eldri borgara að Hrannarstíg 18 og að Hrannarstíg 28-40 ásamt samanburði við fjórar íbúðir Snæfellsbæjar vegna ársins 2022.
  
  Um er að ræða deild sem fellur undir B-hluta bæjarsjóðs, sem eru deildir sem hafa sjálfstæðar tekjur og eiga að standa undir sér. Tap hefur verið á rekstri íbúðanna síðustu ár.
  Bæjarráð - 617 Bæjarráð fór yfir gögnin. Miðað er við að leggja fram frekari gögn vegna ársins 2023 á næsta fundi bæjarráðs.
  
  Vísað til næsta fundar bæjarráðs.
  
• 3.8 2009014 Ályktun um viðhald þjóðvega á Snæfellsnesi
  Umræða um viðhald þjóðvega, fjárveitingar og fl. í framhaldi af samskonar umfjöllun og bókunum bæjarstjórnar um málið á liðnum árum.
  Bæjarráð - 617 Rætt um ástand þjóðvegar 54, Snæfellsnesvegar og fleiri vega, en ástand þessara vega hefur versnað enn frekar á þessum vetri og koma vegirnir afar illa undan vetri.
  
  Bæjarstjóri sagði frá samtali sínu við fulltrúa Vegagerðarinnar á Vestursvæði í síðustu viku. Ekki lítur út fyrir að fjárveitingar 2024 verði neitt hærri en undanfarin ár og því er útséð um að varanlegar bætur verði gerðar á ástandi þjóðveganna, eins og bæjarstjórn hefur margoft kallað eftir.
  
  Bæjarráð lýsir verulegum áhyggjum af þessari stöðu, sem er algjörlega óviðunandi. Bæjarráð felur bæjarstjóra að undirbúa bókun fyrir fund bæjarstjórnar í þar næstu viku. Í bókuninni komi fram sterkt orðalag um áhyggjur bæjarráðs/bæjarstjórnar af bráðri slysahættu vegna ástands umræddra vega.
  
  Samþykkt samhljóða.
  
• 3.9 2402015 Óbyggðanefnd - Þjóðlendumál, eyjar og sker
  Lagt fram til kynningar tölvubréf Óbyggðanefndar frá 12. febrúar sl.
  
  Þar er lýst þjóðlendukröfum fjármála- og efnahagsráðherra fyrir hönd ríkisins á svæði 12, sem eru eyjar og sker innan landhelgi Íslands en utan meginlandsins, að undanskildum nokkrum tilgreindum eyjum.
  
  Óbyggðanefnd kallar eftir kröfum þeirra sem kunna að eiga öndverðra hagsmuna að gæta og skal kröfum lýst skriflega í síðasta lagi 15. maí 2024. Að lokinni gagnaöflun og rannsókn á eignarréttarlegri stöðu svæðanna mun óbyggðanefnd úrskurða um framkomnar kröfur.
  
  Bæjarstjóri tók þátt í fundi sem Samband íslenskra sveitarfélaga boðaði til, sl. mánudag 26. febrúar, að beiðni sveitarfélaga sem kröfugerð nær til.
  
  Lagt til að umboð verði veitt til bæjarstjóra að taka þátt í samstarfi sveitarfélaga um erindi til fjármálaráðherra um kröfugerðina.
  
  Bæjarráð - 617 Bæjarráð veitir bæjarstjóra umboð til að taka þátt í samstarfi sveitarfélaga um viðbrögð/kröfugerð sveitarfélaga vegna málsins.
  
  Samþykkt samhljóða.
  
• 3.10 2402028 Vinabærinn Paimpol - 20 ára afmælisár og ferð til Paimpol
  Lögð fram tölvupóstsamskipti við Grundapol-félagið í Paimpol vegna afmælisfagnaðar sem haldinn verður í Paimpol á október nk. í tilefni af 20 ára vinabæjarsamskiptum bæjanna.
  
  Einnig er vísað í umræður á aðalfundi Grundapol í Grundarfirði og stjórnarfundar fyrr í febrúar.
  
  Ákveða þarf með þátttöku bæjarins í afmælisferð í október og fleira.
  
  Gert er ráð fyrir að menningarnefnd komi að málinu og geri tillögur um viðburði hér heima fyrir á afmælisárinu.
  Bæjarráð - 617 Miðað er við að fulltrúar bæjarstjórnar/bæjarins muni taka þátt. Kannaður verði áhugi bæjarfulltrúa á að fara í ferðina.
  
  Gert er ráð fyrir hátíðarviðburðum á árinu, hér í Grundarfirði og er óskað eftir tillögum menningarnefndar.
  
• 3.11 2402017 Golfklúbburinn Vestarr - Bárarvöllur
  Lögð fram beiðni Golfklúbbsins Vestarrs (GVG) dags. 22. febrúar sl. um viðræður við bæjarráð/bæjarstjórn auk fleiri gagna.
  
  Jafnframt lagðir fram til kynningar minnispunktar frá fundum golfklúbbsins og landeiganda, frá fundum 11. október 2023 og 30. janúar sl.
  
  Einnig lagt fram erindi frá Gunnari Kristjánssyni varðandi málefni golfklúbbsins.
  Bæjarráð - 617 Ólafur Ólafsson kom inn á fundinn undir þessum lið.
  
  Lögð fram tillaga um fund með stjórn golfklúbbsins í næstu viku. Skipaðir verða fulltrúar bæjarstjórnar til viðræðnanna fyrir vikulok.
  
  Samþykkt samhljóða.
  
• 3.12 2401005 Creditinfo - Fjölmiðlaskýrsla 2023
  Lögð fram til kynningar endurskoðuð fjölmiðlaskýrsla Creditinfo fyrir Grundarfjarðarbæ vegna ársins 2023.
  Bæjarráð - 617
• 3.13 2402009 Rannís - Styrkjatækifæri bókasafnsjóður umsóknarfrestur 15. mars
  Lagður fram til kynningar tölvupóstur frá Rannís varðandi styrktækifæri úr bókasafnasjóði.
  Bæjarráð - 617
• 3.14 2402008 Mennta- og barnamálaráðuneytið - Bréf vegna fyrirhugaðrar úttektar á tónlistarskólum
  Lagt fram til kynningar bréf mennta- og barnamálaráðuneytisins dags. 7. febrúar sl. vegna fyrirhugaðrar úttektar á tónlistarskólum.
  Bæjarráð - 617
• 3.15 2402005 Mennta- og barnamálaráðuneytið - Samhæfð svæðisbundin farsældarráð
  Lögð fram til kynningar kynning mennta- og barnamálaráðuneytisins um vinnu spretthóps um samhæfða svæðaskipan farsældarráða.
  Bæjarráð - 617
• 3.16 2402012 SSV - MIPIM fjárfestingaráðstefna í Cannes
  Lagður fram til kynningar tölvupóstur SSV um MIPIM fjárfestingaráðstefnu í Cannes 12.-15. mars nk.
  Bæjarráð - 617
• 3.17 2401010 Ráðherranefnd - Aðgerðaáætlun í málefnum íslenskrar tungu
  Lögð fram til kynningar kynning Stjórnarráðsins um aðgerðir ráðherranefndar um málefni íslenskrar tungu. Menningar- og viðskiptaráðuneytið, Forsætisráðuneytið, Háskóla-, iðnaðar- og nýsköpunarráðuneytið, Mennta- og barnamálaráðuneytið og Félags- og vinnumarkaðsráðuneytið standa að ráðherranefndinni.
  Bæjarráð - 617
• 3.18 2402024 SSV - Fundur um ráðstöfun dýraleifa
  Lagður fram til kynningar tölvupóstur SSV varðandi fund sem haldinn var 21. febrúar sl. um ráðstöfun dýraleifa, ásamt upptöku af fundinum.
  Bæjarráð - 617
• 3.19 2402027 Samtök sveitarfélaga á köldum svæðum - Málþing um orkumál - Er íslensk orka til heimabrúks
  Lagður fram til kynningar tölvupóstur Samtaka sveitarfélaga á köldum svæðum um málþing um orkumál sem haldið verður 15. mars nk. í Reykjavík, ásamt dagskrá málþingsins.
  Bæjarráð - 617

Málsnúmer 2402001FVakta málsnúmer

• 4.1 2207006 Málefni leikskólans
  Fram fór almenn umræða um starfsemi leikskólans.
  Skólanefnd - 171 Skólastjóri sagði frá vinnu við uppbyggingu í innra starfi leikskólans.
  Unnið er eftir áætlun leikskólans um faglegt leikskólastarf, sem sett var upp með aðstoð skólaráðgjafa Ásgarðs.
  
  Leikskólinn vann "tímalínu" um faglega starfið þar sem búið er að skipuleggja það út skólaárið. Allir starfsmenn þekkja hvað á að gera í hverjum mánuði og hverri viku, og geta gengið að þeirri áætlun vísri. Þannig verður auðveldara að vinna skipulega og halda áætlun í þeim verkefnum sem aðalnámskrá segir til um að vinna eigi með hverjum aldurshópi.
  
  Eftirfylgni áætlunargerðar og gæðamat leikskólastarfs er einnig unnið markvisst. Leikskólastjóri telur utanaðkomandi stuðning Ásgarðs við faglega starfið í samræmi við aðalnámskrá hjálpa mikið til í starfi skólans.
  
  Leikskólastjóri er um þessar mundir að skoða starfsmannamál vegna komandi skólaárs, en þá mun nemendum fækka þar sem stærri árgangur fer af Sólvöllum á Eldhamra á komandi hausti heldur en sá árgangur 12 mánaða barna sem inn kemur á árinu.
  
  Skólanefnd þakkaði fyrir upplýsingarnar og stefnir að heimsókn á leikskólastigið fljótlega.
  
• 4.2 2401027 Leikskólastig - Könnun meðal foreldra um dvalartíma og opnun - janúar 2024
  Þær Margrét Sif, Sigurborg Knarran og Hallfríður Guðný sitja fundinn áfram undir þessum lið. Auk þeirra Anna Kristín Magnúsdóttir, aðstoðarskólastjóri Grunnskóla Grundarfjarðar, vegna leikskóladeildarinnar Eldhamra.
  
  Lagðar fram til kynningar niðurstöður könnunar sem gerð var meðal foreldra/forráðamanna barna á Leikskólanum Sólvöllum og leikskóladeildinni Eldhömrum, að beiðni skólanefndar.
  
  Skólanefnd - 171 Niðurstöður könnunarinnar eru ekki afgerandi, en gefa þó vísbendingar um óskir foreldra/forráðamanna um lokanir sem skólanefnd mun hafa hliðsjón af, þegar skóladagatöl leikskólastigsins fyrir næsta skólaár koma til afgreiðslu nefndarinnar á næstu vikum.
  
  Óskað hafði verið eftir að það yrði lokað hjá Sólvöllum og Eldhömrum þrjá daga í Dymbilviku, en skólanefnd hafði sett fyrirvara við það og vildi skoða aðra leið, a.m.k. árið 2024. Óskin er tilkomin til að unnt sé að vinna upp þörf fyrir styttingu vinnutíma, sem er veruleg áskorun fyrir leikskólastigið, eins og kynnt var í skýringartexta könnunarinnar.
  
  Skólanefnd samþykkir að hafa "takmarkaða opnun" í Dymbilviku 2024, þ.e. dagana 25., 26. og 27. mars, þannig að leikskóladvöl standi til boða fyrir börn foreldra sem mesta þörf hafa.
  
  Skólanefnd leggur til að skólagjöld lækki fyrir þá foreldra/forráðamenn sem ekki hafa börn sín í leikskóla/leikskóladeild þessa þrjá daga.
  
  
• 4.3 2207008 Málefni leikskóladeildarinnar Eldhamra
  Þær Margrét Sif, Sigurborg Knarran, Hallfríður Guðný og Anna Kristín sitja fundinn áfram undir þessum lið.
  
  Lagt fram skóladagatal fimm ára leikskóladeildarinnar Eldhamra.
  
  Skólanefnd - 171 Um afgreiðslu vísast til næsta dagskrárliðar á undan, m.a. um takmarkaða opnun Sólvalla og Eldhamra í Dymbilviku 2024.
  
  Skólanefnd leggur til að Eldhamrar og Sólvellir skoði möguleika á samvinnu vegna leikskóladvalar í takmarkaðri opnun þessa daga.
  
• 4.4 2402007 Menntastefna og innleiðing hennar
  Farið var yfir hlutverk og verkefni skólanefndar við innleiðingu nýsamþykktrar menntastefnu Grundarfjarðarbæjar.
  
  
  Skólanefnd - 171 Gunnþór fór yfir sameiginlegt skjal skólanefndar þar sem skilgreind eru hlutverk og verkefni nefndarinnar yfir heilt ár. Hann útskýrði einnig matskerfi samkvæmt menntastefnunni nýju og verklag í starfi með skólunum öllum á þeim grunni.
  
  Til frekari skoðunar á næstu fundum.
  
• 4.5 2312018 FSS - Sálfræðiþjónusta á vormisseri 2024
  Lagður fram til kynningar tölvupóstur Félags- og skólaþjónustunnar um sálfræðiþjónustu á vormisseri 2024.
  Skólanefnd - 171
• 4.6 2401010 Ráðherranefnd - Aðgerðaáætlun í málefnum íslenskrar tungu
  Lögð fram til kynningar fréttatilkynning ráðherranefndar um aðgerðaáætlun í málefnum íslenskrar tungu, frá nóvember 2023.
  
  Bæjarstjórn vísaði erindinu til skólanefndar til kynningar.
  
  Skólanefnd - 171

Málsnúmer 2403002FVakta málsnúmer

• 5.1 2207006 Málefni leikskólans
  Margrét Sif Sævarsdóttir leikskólastjóri og Hallfríður Guðný Ragnarsdóttir fulltrúi foreldra sátu fundinn undir þessum lið, Margrét í fjarfundi.
  
  Skólanefnd - 172 Skólastjóri leikskóla fór yfir framkvæmdina á takmarkaðri lokun í Dymbilviku, þ.e. dagana 25.-27. mars nk. sbr. umræður á síðasta fundi skólanefndar.
  
  Skólastjóri sagði frá því að fjögur börn hefðu í upphafi árs verið á biðlista fyrir leikskóladvöl, tvö börn sem verða 12 mánaða í mars og tvö börn sem verða 12 mánaða í apríl. Þremur þeirra stendur nú til boða leikskólapláss og verið er að vinna að því að yngsta barnið komist einnig inn fyrir vorið.
  
  Margrét sagði frá því að mikil veikindi hafi herjað á börn og starfsfólk í vetur.
  
  Margrét sagði frá því að hún og skólastjóri grunnskóla muni hittast í næstu viku vegna samræmingar skóladagatala leik- og grunnskólastigs.
  
  Hér viku Margrét og Hallfríður af fundi.
  
• 5.2 2401027 Leikskólastig - Könnun meðal foreldra um dvalartíma og opnun - janúar 2024
  Margrét Sif Sævarsdóttir leikskólastjóri og Hallfríður Guðný Ragnarsdóttir fulltrúi foreldra sátu fundinn undir þessum lið, Margrét í fjarfundi.
  
  Skólastjóri leikskóla fór yfir framkvæmdina á takmarkaðri lokun í Dymbilviku, þ.e. dagana 25.-27. mars nk. í samræmi við umræður á síðasta fundi skólanefndar og tillögu leik- og grunnskólastjóranna.
  
  Skólanefnd - 172 Í framhaldi af umræðum skólanefndar sendu Sólvellir og Eldhamrar bréf til foreldra og kynntu "takmarkaða opnun" í Dymbilvikunni, þ.e. dagana 25. til 27. mars nk.
  
  Niðurstaðan er sú að 13-15 af um 50 börnum á Sólvöllum óska leikskóladvalar í Dymbilviku, og 4-5 börn af 11 börnum á Eldhömrum.
  
  Sólvellir og Eldhamrar taka því á móti þessum börnum en um leið næst að vinna aðeins upp styttingar, sbr. tillögu leikskólastjóra og viðfangsefni könnunar meðal foreldra.
  
  Foreldrum sem ekki nýta þessa daga verður veittur afsláttur leikskólagjalda.
  
• 5.3 2402007 Menntastefna og innleiðing hennar
  Gunnþór Eyfjörð Gunnþórsson, ráðgjafi hjá Ásgarði sat fundinn í fjarfundi undir þessum lið.
  
  Skólanefnd - 172 Gunnþór fór yfir stöðuna í starfi með starfsfólki leikskóla, leikskóladeild, grunnskóla og tónlistarskóla við innleiðingu menntastefnunnar. Rætt var m.a. um stofnun gæðaráða/matsteyma innan hvers skóla og hvernig staða gæðaviðmiða er metin í hverjum skóla og aðgerðir settar fram í samræmi við þá stöðu.
  
  Haldið var áfram umræðu frá síðasta fundi um verkefni skólanefndar við innleiðingu nýrrar menntastefnu og einkum um verkefni samkvæmt starfsáætlun nefndarinnar.
  
  Skólanefnd styðst nú við starfsáætlun sem tilgreinir skyldur og verkefni nefndarinnar og deilir þeim niður á starfstíma nefndarinnar.
  
  Farið var yfir verkefni mars- og aprílmánaðar í starfsáætlun skólanefndar.
  
  Næsti fundur er 2. apríl nk. og verður leitað svara og upplýsinga í samræmi við efni þess fundar.
  
• 5.4 2207005 Málefni grunnskólans
  Sigurður Gísli Guðjónsson skólastjóri Grunnskóla Grundarfjarðar sat fundinn undir þessum lið. Skólanefnd - 172 Skólastjóri sagði frá helstu verkefnum og starfsemi grunnskóla og Eldhamra, sbr. meðfylgjandi minnispunkta.
  
  
  
• 5.5 2312018 FSS - Sálfræðiþjónusta á vormisseri 2024
  Lagður fram til kynningar tölvupóstur forstöðumanns Félags- og skólaþjónustu Snæfellinga (FSS) dags. 20. desember 2023. Þar kemur fram að í ljósi þess að ekki hafi enn tekist að ráða sálfræðing í skólaþjónustu FSS hafi verið gert samkomulag við Ingu Stefánsdóttur, fráfarandi sálfræðing FSS, um að sinna takmarkaðri þjónustu í grunnskólunum á starfssvæði FSS út yfirstandandi skólaár og við Anton Birgisson, sálfræðing, um að sinna ákveðinni þjónustu í leikskólum svæðisins út yfirstandandi skólaár.
  
  Skólanefnd - 172
• 5.6 2402008 Mennta- og barnamálaráðuneytið - Bréf vegna fyrirhugaðrar úttektar á tónlistarskólum
  Lagt fram bréf mennta- og barnamálaráðuneytis dags 7. febrúar 2024 um fyrirhugaða úttekt á tónlistarskólum landsins.
  Skólanefnd - 172

Málsnúmer 2402005FVakta málsnúmer

• 6.1 2009033 Skipulagsmál á hafnarsvæði
  Sigurður Valur Ásbjarnarson skipulagsfulltrúi Grundarfjarðarbæjar er í fjarfundi og sömuleiðis Árni Geirsson ráðgjafi hjá Alta, sem er hafnarstjórn innan handar við rýni á helstu forsendum vegna vinnu við framtíðarsýn fyrir hafnarsvæðið.
  Hafnarstjórn - 10 Í framhaldi af vinnu hafnarstjórnar á síðasta fundi, þann 16. janúar sl., ræddi hafnarstjórn undirbúning að næsta áfanga í stækkun á landsvæði Grundarfjarðarhafnar.
  
  Farið var vel yfir nýtingu hafnar og hafnarsvæða, hópa viðskiptavina á hafnarsvæðunum og annað sem skiptir máli um framtíðarnýtingu núverandi hafnarsvæða og viðbótarsvæða í framtíðinni.
  
  Vinnan er hluti af greiningu á helstu forsendum og meginhugmyndum um fyrirkomulag sem gæti hentað fjölbreyttri hafnarstarfsemi.
  
  

Málsnúmer 2402006FVakta málsnúmer

• 7.1 2312016 Árbrekka - byggingarleyfi bílskúr og íbúð
  Á 255.fundi skipulags- og umhverfisnefndar var tekin fyrir umsókn landeiganda að Árbrekku ( L-220580 ) í landi Hamra (L-136613) um 60-65m2 byggingu bílskúrs með íbúðarherbergi.
  
  Skipulags- og umhverfisnefnd samþykkir fyrirhuguð byggingaráform og að byggingin verði skráð sem bílskúr (skráningarfl 504) og íbúðarherbergi (skráningarfl 511). Byggingin er í tengslum við núverandi íbúðarhús í Árbrekku. Nefndin felur byggingarfulltrúa að veita byggingarleyfi/heimild að öllum skilyrðum byggingarreglugerðar uppfylltum. Afgreiðslufundir byggingarfulltrúa - 5 Umsóknin fellur undir umfangsflokk 1.skv.gr.1.3.2 í byggingarreglugerð.
  Byggingarheimild verður gefin út að uppfylltum skilyrðum gr.2.3.8 í byggingarreglugerð.
• 7.2 2402030 Innri Látravík - Umsókn um byggingarleyfi, sumarhús
  Eigendur að innri Látravík sækja um byggingarleyfi / heimild fyrir 5 sumarhúsum í landi Innri-Látravíkur samkvæmt uppdráttum frá W7. Hvert hús er tæpir 37m2 að stærð. Afgreiðslufundir byggingarfulltrúa - 5 Þar sem ekki er til deiliskipulag fyrir svæðið vísar byggingarfulltrúi erindinu til skipulags- og umhverfisnefndar.
• 7.3 2402029 Innri Látravík - Umsókn um byggingaleyfi, viðbygging
  Eigendur að innri Látravík sækja um byggingarleyfi / heimild fyrir ca 30m2 viðbyggingu á einbýlishúsi samkvæmt uppdráttum frá W7. Afgreiðslufundir byggingarfulltrúa - 5 Þar sem ekki er til deiliskipulag fyrir svæðið vísar byggingarfulltrúi erindinu til skipulags- og umhverfisnefndar.

Málsnúmer 2401018Vakta málsnúmer

Málsnúmer 2403011Vakta málsnúmer

Málsnúmer 2009014Vakta málsnúmer

Málsnúmer 2203025Vakta málsnúmer

Málsnúmer 2403006Vakta málsnúmer

Málsnúmer 2401028Vakta málsnúmer

Málsnúmer 2401022Vakta málsnúmer

Málsnúmer 2402021Vakta málsnúmer

Málsnúmer 2403007Vakta málsnúmer

Málsnúmer 2403010Vakta málsnúmer

Málsnúmer 2402022Vakta málsnúmer

Málsnúmer 2403001Vakta málsnúmer

Málsnúmer 2403009Vakta málsnúmer

Málsnúmer 2302013Vakta málsnúmer

Málsnúmer 2402014Vakta málsnúmer

Málsnúmer 2209009Vakta málsnúmer

Málsnúmer 2302005Vakta málsnúmer

Málsnúmer 2401021Vakta málsnúmer

Málsnúmer 2402019Vakta málsnúmer

Málsnúmer 2403004Vakta málsnúmer

Málsnúmer 2403008Vakta málsnúmer