Fréttir & tilkynningar

  Bókasafnsdagurinn verður haldinn um allt land á degi læsis þriðjudaginn 8. september. Boðið verður upp á vöfflur og kaffi í Bókasafni Grundarfjarðar í tilefni dagsins kl. 15-17.   Lestur er bestur - fyrir alla! 

 

Síðastliðinn vetur hefur Grundarfjarðarbær veitt 30 daga greiðslufrest á reikningum sínum, en áður var greiðslufresturinn 15 dagar. Þetta var gert til aðlögunar fyrir greiðendur í kjölfar samkomulags við innheimtufyrirtækið Motus.   Frá 1. sept. 2015  verður á ný miðað við 15 daga greiðslufrest, sem er í samræmi við innheimtureglur Grundarfjarðarbæjar.  

  Kennsla hefst samkvæmt stundaskrá þriðjudaginn 1. september. Það eru örfá laus pláss til umsóknar í nám á píanó, í tré- og málmblástursdeild, á slagverk og gítar.   Nánari upplýsingar og innritun eru í Tónlistarskólanum og í síma 430 8560.   Kennarar Tónlistarskóla Grundarfjarðar.  

  Ungmennafélag Grundarfjarðar óskar eftir að ráða knattspyrnu- og fimleikaþjálfara fyrir yngri flokka félagsins. Einnig vantar þjálfara til afleysinga í frjálsum íþróttum og í blaki í vetur vegna fæðingarorlofs.   

Grundarfjarðarbær óskar eftir að ráða sem fyrst starfsmann til að sinna ræstingu á einni af húseignum bæjarins. Um er að ræða 24 klst. á mánuði í 9 mánuði á ári. Vinnutími er sveigjanlegur.    

Grundarfjarðarbær auglýsir eftir baðverði í kvennaklefa Íþróttahúss Grundarfjarðar til að sinna baðvörslu og þrifum. Vinnutími er frá kl. 15:50 mánudaga til fimmtudaga og aðra hverja helgi. Nánari upplýsingar um starfið veitir Aðalsteinn Jósepsson, forstöðumaður íþróttamannvirkja í síma 430 8564 og 861 2576 eða á netfangi steini@gfb.is    

Björgvin Sigurbjörnsson aðstoðarskólastjóri og Sigurður Gísli Guðjónsson tóku við blómvöndum úr hendi bæjarstjóra við skólasetninguna   Nýir skólastjórnendur Grunnskóla Grundarfjarðar settu nýtt skólaár í dag að viðstöddum fjölda nemenda, kennara og foreldra. Sigurður Gísli Guðjónsson situr nú sinn fyrsta vetur sem skólastjóri grunnskólans og lagði línurnar fyrir veturinn við setningu skólans í dag. Það var síðan nýr aðstoðarskólastjóri, Björgvin Sigurbjörnsson sem setti skólann formlega.    

Guðrún Guðmundsdóttir augnlæknir verður með móttöku á HVE Grundarfirði fimmtudaginn 27. ágúst n.k. Tekið er á móti tímapöntunum á Heilsugæslustöð Grundarfjarðar,  sími 432 1350  

 Grundarfjarðarbær auglýsir starfskipulags- og byggingarfulltrúa laust til umsóknar. Um er að ræða mjög spennandi starf í áhugaverðu samfélagi.     Leitað er eftir öflugum og metnaðarfullum einstaklingi sem er reiðubúinn að þróa starfið á traustum grunni.   Byggingarfulltrúi ber m.a. ábyrgð á skráningu mannvirkja, úttektum, staðfestingu eignaskiptayfirlýsinga, gjaldtöku, skráningu, varðveislu og miðlun upplýsinga um mannvirki til íbúa.  Um er að ræða 100% starf og er umsóknarfrestur til og með 3. september nk.