Félag eldri borgara í Grundarfirði

Félag eldri borgara var stofnað 1992. Tilgangur félagsins er að viðhalda andlegri og líkamlegri heilsu. Það sem við gerum:

  • Spjalla saman og spila á spil.
  • Heilsuefling, föndur og Boccia, dansa og syngja.
  • Gönguferðir og ferðalög.
  • Hlúa að mannlegum samskiptum, ferðast saman og fleira og fleira.

Heimasíða félagsins á Facebook

Kvenfélagið Gleym mér ei

 

Kvenfélagið Gleym mér ei var stofan 10. júlí árið 1932.Markmið félagsins er að vinna að hagsmuna- og réttindamálum kvenna, efla húsmæðrafræðslu, heimilisiðnað og garðyrkju. Styðja við líknar- og mannúðarstarfsemi. 

Til að ná þessum markmiðum stendur félagið fyrir ýmiss konar uppákomum, s.s skemmtisamkomum, fyrirlestrum, námskeiðum og fræðslu. 

Allar konur 16 ára og eldri eru velkomnar í félagið, en félagskonur eru á öllum aldri. Félagsgjald greitt einu sinni á ári. Árið 2024 er 61 kona í félaginu.  

Facebooksíða Kvenfélagsins Gleym mér ei 

kvenfelagidgleymmerei@gmail.com

Golfklúbburinn Vestarr

 

Golfklúbburinn Vestarr var stofnaður 27. júlí 1995.  Heimavöllur klúbbsins er Grundarfjarðarvöllur sem er staðsettur í ca. 9 km fjarlægð austan við Grundarfjörð. Við gatnamótin á þjóðvegi 54 og Framsveit er beygt út á Framsveitarveg.  

Góð aðstaða er á Grundarfjarðarvelli, golfskáli sem tekur ca. 40 manns í sæti. Völlurinn hefur fengið mikið lof fyrir að vera skemmtilegur og vel hirtur völlur sem liggur vel í landslaginu. Og ekki skemmir útsýnið yfir Grundarfjörð og út á Breiðafjörð með allri þeirri fegurð sem því fylgir.

Félagsmenn eru um 85 og er nokkuð jafnt hlutfall karla og kvenna. Gott félagsstarf er í klúbbnum þar sem lög er áhersla á skemmtun í bland við keppni. 

Formaður 2025: Garðar Svansson
Gjaldkeri: Anna María Reynisdóttir 
Ritari: Hinrik Konráðsson

vestarr33@gmail.com
Facebook
Vefsíða Vestarr

Símanúmer í skála: 8340497

Köttur úti í mýri

Leshópurinn Köttur út í mýri er hópur áhugafólks um lestur og lestrarmenningu. Hópurinn samanstendur af 15 einstaklingum sem hittast reglulega og ræða bókmenntir. Markmið leshópsins er að efla lestur í sínu nærumhverfi, stuðla að umræðu um bækur og lestrarmenningu.

Hópurinn hefur staðið fyrir allskyns uppákomum þar sem lestur er í aðalhlutverki.

 

Kristín Alma Sigmarsdóttir, sími: 848 5313
Lilja Magnúsdóttir, sími: 7857840

liljamagg@gmail.com
www.instagram.com/kotturutiimyri/

Skátafélagið Örninn - Æskulýðsfélag Setbergssóknar (liggur niðri - vonandi tímabundið)

Skátafélagið Örninn - Æskulýðsfélag Setbergssóknar var með starf fyrir ungmenni 8-15 ára í kirkjunni vikulega yfir vetrartímann. Aldurshóparnir voru þrír: Drekaskátar 8-9 ára; Fálkaskátar 10-12 ára; Dróttskátar 13-15 ára. 

Skátastarfið er fjörugt og fullt af leik: sungið, dansað, sprellað, föndrað, fræðst, keppt, kannað og pælt. Rík áhersla er á samvinnu, sjálfstæði og gleðina í öllum hlutum skátastarfsins. 

Skotgrund Skotfélag Snæfellsness 

Skotfélag Snæfellsness var stofnað þann 10. október árið 1987.  Æfingaaðstaða félagsins er í rólegu og fallegu umhverfi skammt frá Grundarfirði, en umfram allt er svæðið hentugt fyrir þessa íþrótt. Landið er í eigu Grundarfjarðarbæjar og hefur félagið haft það til afnota síðan 1988. 

Á svæðinu er að finna félagshúsnæði félagsins, leirdúfuskotvöll og riffilbraut þar sem bæði er hægt að sitja úti og inni við skotæfingar.

Formaður: Arnar Geir Diego Ævarsson
skotgrund@gmail.com
www.skotgrund.is

Ungmennafélag Grundarfjarðar - UMFG

Ungmennafélag Eyrarsveitar var stofnað 10 júlí 1933. Á fyrsta ári var gefið út blaðið Dagbrún, að sjálfsögðu handskrifað og lesið upp á félagsfundum. Fyrsti ritstjóri var Karl Kristjánsson, Grund. Þetta blað kom út reglulega allt til 1942. Einnig var eitt af fyrstu verkum félagsins að koma upp bókasafni. Það gekk mjög vel, því að 1929 voru til 200 bækur. Þetta bókasafn var starfrækt á vegum ungmennafélagsins til 1956, er hreppurinn yfirtók bókasafnið. 

Árið 1943, þegar félagið var 10 ára, gáfu nokkrir félagsmenn silfurskjöld er ber nafnið Steinþórsskjöldur, til minningar um kappann Steinþór Þorláksson á Eyri (Hallbjarnareyri). Um þennan skjöld var síðan verið keppt á hverju ári í frjálsum íþróttum lengi vel. Fyrsta keppnin fór fram 1943 og varð þá hlutskarpastur Einar Skarphéðinsson, Hjarðarbóli. Allir fyrstu kappleikirnir fóru fram á Hallbjarnareyri í Eyrarodda.  

​Það sem mest háði starfsemi félagsins var húsleysi. Hafist var handa við að byggja samkomuhús árið 1944. Ungmennafélagið lagði til helming á móti hreppsfélaginu. Hlutur ungmennafélagsins var að vísu eingöngu dagsverk. Árið 1946 var húsið langt komið og byrjaði þá félagið á íþróttavelli, sem var staðsettur við samkomuhúsið.

Formaður 2026: Ingibjörg Eyrún Bergvinsdóttir
Ritari: Gyða Rós Freysdóttir
Gjaldkeri: 
Meðstjórnandi: Guðbrandur Gunnar Garðarsson
Meðstjórnandi: Tryggvi Hafsteinsson

Netfang: umfgrund@gmail.com 
(vefsíða í vinnslu)

 Lionsklúbbur Grundarfjarðar

 

Félagar úr Lionsklúbbi Stykkishólms stofnuðu klúbbinn í Grundarfirði. Unnu þeir að stofnuninni í samráði við heimamenn í Grundarfirði og umdæmisstjóra Lions. Var 22 körlum boðið að gerast stofnfélagar. Stofnfundur var síðan haldinn í safnaðarheimili Grundarfjarðarkirkju 28. janúar 1972 sem síðan var fundarstaður klúbbsins um langa hríð. Stofnskrárhátíð  Lionsklúbbs Grundarfjarðar var síðan haldin í Samkomuhúsi Grundarfjarðar 22. apríl 1972. Mjög var vandað til þessarar hátíðar.  Matur var fenginn og þjónusta frá Hótel Borgarnesi, var hann hinn lystilegasti og vel fram borinn.

Fundarstaður Lionsklúbbs Grundarfjarðar er nú í Sögumiðstöðinni og er fundað þar að jafnaði 3ja miðvikudag í mánuði kl. 19.00 og síðan eru einnig verkefnafundir einu sinni í mánuði.

Formaður 2026: Sigurður Gísli Guðjónsson

Lionsklúbburinn á Facebook