- Þjónusta
- Stjórnsýsla
- Mannlíf
Gönguleiðir
Gönguleiðakort - 2,4 MB
Gönguleiðir eru upp í fjöllin og með sjónum. Félagar í Ferðafélagi Snæfellsness hafa stikað tvær leiðir yfir í Staðarsveit, Arnardalsskarð og Egilsskarð. Veraldarvinir sem voru á ferð upp úr aldamótum stikuðu leiðirnar upp með Grundarfossi, upp á Hellnafellin og kringum Nónkúlu niður að Kvernárfossum.
Reiðleiðin meðfram þéttbýlinu út að Kirkjufellsfossi er notuð bæði af hestamönnum og gangandi fólki. Aðrar stikaðar leiðir eru á Klakk, upp á Grundarmön, yfir Hraunháls til Hraunsfjarðar og upp á Gjafa í Kolgrafafirði.
Á göngukortinu eru merktar gönguleiðir upp á Stöðina og með Grundarkampi en þær eru ekki stikaðar og ekki er rétt að ganga um Grundarkampinn austanverðan á varptíma æðarkollunnar.
Gamli vegurinn um Kolgrafafjörð og malarslóðinn kringum Eyrarfjall eru tilvaldir fyrir hjólreiðar og göngur á flatlendi.
Gönguleiðir á Snæfellsnesi Kort Ferðafélags Snæfellsness-Touring club.
Leita má upplýsinga á Upplýsingamiðstöð Grundarfjarðar sem er á bókasafninu í Sögumiðstöðinni að Grundargötu 35.
Netfang: touristinfo@grundarfjordur.is
Upplýsingamiðstöðin á Facebook
Brimlárhöfði (myndir - Tómas Freyr Kristjánsson)
Klakkur (myndir - Oliver Degener)
