Bæjarráð lýsir yfir ánægju með árangur Mörtu Magnúsdóttur, en hún tók þátt í keppni þar sem 150 þátttakendur tókust á um að hreppa ferð til Norðurpólsins. Marta hafnaði í einu af fimm efstu sætunum og vann sér þar með rétt til ferðarinnar. Um leið og Mörtu er óskað til hamingju með þennan góða árangur er henni þakkað fyrir að halda merkjum Grundarfjarðarbæjar á lofti í ferðinni.