Menningarnefnd

Farið yfir ýmsar hugmyndir að þema fyrir Ljósmyndasamkeppni Grundarfjarðar fyrir árið 2017. Samþykkt að þemað þetta árið verði "veður".

Farið yfir þá viðburði sem framundan eru á árinu.

Áhugi er fyrir að setja upp fræðsluskilti víðs vegar um bæinn þar sem fram koma ýmsar sögur og staðreyndir um ákveðna staði í bænum.
Menningar- og markaðsfulltrúa falið að safna saman sögum og myndum til undirbúnings. Sem og að kanna verð á skiltum og uppsetningu þeirra.

Kynning á fyrirhugaðri ferð Grundfirðinga til vinabæjarins Paimpol í Frakklandi á hátíð hafsins. Grundapol stendur að hátíðinni í samstarfi við Paimpol og er Grundfirðingum sérstaklega boðið til þessarar hátíðar vegna tengingarinnar við franska sjómenn fyrri tíma.
Menningarnefnd lýsir yfir ánægju með að það skuli vera komin aukin virkni í Grundapol í Grundarfirði á ný.

Rædd var þörfin fyrir almenningssalerni í bænum og ýmsar hugmyndir að lausnum viðraðar. Brýnt er að gengið sé í þessi mál af festu og hvetur menningarnefnd bæjarstjórn til að finna lausnir á þeim sem allra fyrst.

Lagðir fram reikningar síðasta árs og ræddir.

Samþykkt að fá aðila í tímabundið verkefni við að færa inn merkingar á myndir á myndavefnum www.baeringsstofa.is.