Á vefnum www.covid.is er að finna upplýsingar fyrir almenning um Covid-19 veirufaraldurinn. Sá vefur er á vegum embættis landlæknis og almannavarna. Sérfræðingar frá embætti landlæknis uppfæra reglulega "Spurt og svarað" liðinn á síðunni og er bent sérstaklega á þá undirsíðu ef spurningar vakna. 

Useful Information in English

General Information:
covid.is
Directorate of Health

Quarantine:
How does quarantine work

Children
General information for children and teens

Risk Groups
General information groups at risks
Guidelines for persons at risk of severe infection from the new coronavirus (COVID-19)

Tourists
Travel restrictions to Iceland

 

Przydatne informacje w języku polskim

Główne informacje
covid.is

Kwarantanna
Instrukcje dla osób poddanych izolacji domowej

Dzieci
DZIECI I MŁODZIEŻ
Jak chronić dzieci

Grupy zwiększonego ryzyka
Zalecenia dla osób należących do grupy ryzyka ciężkiego przebiegu zakażenia nowym koronawirusem (COVID-19)


Jak chronić siebie i innych

 

Mikilvægar tilkynningar og upplýsingar um þjónustu sveitarfélagsins:

Hættustig almannavarna vegna Covid-19 

Af vef embættis landlæknis

"Faraldur COVID-19 af völdum kórónuveirunnar SARS-CoV-2 er enn í gangi hér á landi. Eftir tímabundna rénun fjölgaði nýgreindum smitum aftur og er alvarleikastig almannavarna á hættustigi. Veiran er til staðar í samfélaginu og hún getur valdið alvarlegum veikindum. Sýkingin breiðist áfram út erlendis og í ljósi þessa hafa yfirvöld og sóttvarnalæknir ráðlagt íbúum Íslands gegn ónauðsynlegum ferðalögum til útlanda."  

 

Stjórnendur Grundarfjarðarbæjar leggja sig fram við að fylgjast vel með þróun mála. Viðbrögð við stöðunni eru ítrekað endurmetin, sem og ráðstafanir bæjarins, út frá tilkynningum og leiðbeiningum almannavarna og landlæknis.

Aðgerðir almannavarna og landlæknis snúast, enn sem fyrr um að verja þau fyrir veirunni sem eru viðkvæmust fyrir, t.d. eldra fólk og fólk með langvinna sjúkdóma.

Meginreglan hjá Grundarfjarðarbæ er að fylgja eftir tilmælum yfirvalda, eins og almannavarna og landlæknisembættis. Af frekari varúðarráðstöfunum og með tilliti til aðstæðna í okkar byggðarlagi er gengið lengra þegar ástæða er talin til. Forsendur kunna að breytast hratt.

Hér fyrir neðan eru helstu upplýsingar sem varða Grundarfjarðarbæ, íbúa, aðstandendur þeirra og gesti sveitarfélagsins.
Stofnanir og starfsemi er talin upp í stafrófsröð.

Athugið að efni á þessari síðu er uppfært reglulega.

Síðast uppfært 2. október 2020

Áhaldahús, umsjón fasteigna, slökkvilið – Borgarbraut 16 og Nesvegur 19

Þjónusta óbreytt, en gerðar varúðarráðstafanir varðandi samgang starfsfólks.
Æfingar slökkviliðs fóru aftur af stað sumarið 2020, slökkvilið hefur undanþágu frá 1 metra fjarlægðarreglunni, en grímuskylda er í útköllum. 
Starfsstöðvar eru lokaðar fyrir heimsóknum.

Bókasafn Grundarfjarðar og upplýsingamiðstöð í Sögumiðstöðinni

Bókasafnið er opið frá kl. 13:00-17:00 mánudaga til fimmtudaga.

    • Allir spritta sig eða nota hanska.
    • Munum að hafa 1 metra í næsta mann. Það gildir að sjálfsögðu um starfsfólkið líka.
    • Bækur eru settar í "sóttkví" eftir hver skil, kápurnar hreinsaðar og bók ekki lánuð út næstu 4-5 daga eftir skil. 
    • Tímarit eru til útláns eingöngu og ekki leyfilegt að skoða þau á safninu.
    • Barnahornið er lokað enn um sinn.

Á bæjarvefnum og Facebook-síðu bókasafns er að finna ýmiss konar fróðleik og afþreyingu.

Þar er einnig hægt að fylgjast með breytingum https://www.facebook.com/Bokasafngrundarfjardar 

Eldri íbúar

Meginforsenda í viðbrögðum sveitarfélagsins er að vernda hópinn sem er í mestri áhættu fyrir smiti vegna Covid-19, skv. leiðbeiningum landlæknis. Það er m.a. gert með því að draga úr samgangi fólks og huga vel að því á hvernig stöðum/svæðum fólk kemur saman.  Á móti reynum við að finna aðrar leiðir til að eiga samskipti og bjóða afþreyingu.

Heilsuefling 60+ 

    • Heilsueflingartímarnir liggja tímabundið niðri vegna stöðunnar.
    • Rut Rúnarsdóttir og Ágústa Einarsdóttir eru með umsjón í samvinnu við Félag eldri borgara í Grundarfirði. 
    • Hvatt er til gönguferða og annarrar útivistar. Bekkir settir í Þríhyrning, til að ýta undir útivist. 

Boccia-tímar í íþróttahúsi 
• Hefur ekki farið af stað í haust, það er flókið vegna sóttvarna.

Handavinna eldri borgara 
• Handavinnuhópur Félags eldri borgara var nýfarinn af stað, en er í hléi eins og staðan er núna.

Kór eldri borgara 
• Hefur ekki farið af stað í haust vegna Covid.

Karlakaffi og Vinahús Rauða krossins
• Karlakaffi og Vinahúsið - hefja alla jafna starf í vetrarbyrjun.

Ertu með hugmyndir eða spurningar?

Það má hafa samband við hana Þurí á bæjarskrifstofu í síma 430 8500, 
Runólf formann Félags eldri borgara, sími 892 0735
eða senda skilaboð gegnum Facebook-síðu Grundarfjarðarbæjar eða gegnum netfangið grundarfjordur@grundarfjordur.is

Grundarfjarðarhöfn – hafnarvog

Óbreytt þjónusta, en hafnarhús er lokað fyrir heimsóknum óviðkomandi.
Viðskiptavinum er bent á síma hafnarinnar, 438 6705, eða tölvupóst; hofn@grundarfjordur.is

Félagsmiðstöðin Eden

Starfið er farið af stað þetta haustið með breyttu sniði.

Félags- og skólaþjónusta Snæfellinga (FSS)

Líkt og aðrar stofnanir fylgir FSS leiðbeiningum og ákvörðunum stjórnvalda og stofnana frá degi til dags.
Eftirfarandi eru ráðstafanir skv. tilkynningu frá FSS:

Helstu þjónustuþættir FSS eru virkir, þ.e. félagsþjónusta, barnavernd sem og grunnþjónusta sveitarfélaganna sem er undir verkstjórn og ábyrgð FSS, þ.e. félagsleg heimaþjónusta, liðveisla og akstursþjónusta. 

Dagþjónustur í Ásbyrgi, Stykkishólmi, og Smiðjunni, Ólafsvík, eru einungis opnar skjólstæðingum og starfsfólki. Aðgangur gesta þangað er óheimill til að varna útbreiðslu smits, þangað til annað verður ákveðið.

Fundum sem ekki eru brýnir er frestað eða fjar- og myndsímafundir nýttir, eða tölvupóstur.

Sjá vefsíðu FSS.

Þjónustusímar eru:

    • Aðalnúmer       430 7800
    • Smiðjan             433 8866
    • Ásbyrgi              430 7809
    • Barnavernd      112  (eftir kl. 16 virka daga, kvöld, helgar og hátíðardaga)

Grunnskóli & Eldhamrar

Nemendur fara ekki í heimsóknir út fyrir skóla. Gildir ekki um útiveru.

Foreldrafundum er sinnt í síma eða fjarfundi.
Heimsóknir utanaðkomandi aðila eru verulega takmarkaðar.  

Heilsdagsskóli

Hóf starfsemi í haust. Ráðstafanir hafa ávallt miðast við aukin þrif og sóttvarnir.

Íþróttahús og heitir pottar

Íþróttahús hefur verið opið og skólasund í gangi. Heitir pottar opnir skv. vetrardagskrá, en sundlaug lokuð nema fyrir skólasund.
Auknar sóttvarnir og þrif.

Leikskóli

Aukin þrif, sótthreinsun og persónulegar sóttvarnir starfsfólks. 
Frá 24. september 2020: forráðamenn nota grímur og spritta hendur, í anddyri/fatahengi, þegar börnum er fylgt í og úr leikskóla. 
Aukinn aðskilnaður starsfólks í vinnurými.
Nemendur fara ekki í heimsóknir út fyrir skóla. Gildir ekki um útiveru.  
Foreldraviðtölum er frestað í bili en boðið uppá slík samtöl í gegnum fjarfund ef foreldrar kjósa það. 
Engar heimsóknir utanaðkomandi aðila eru leyfðar.  Sérfræðingar sem starfa með nemendum og kennurum hafa fengið að koma inn.

Ráðhús Grundarfjarðar

Ráðhúsið er opið 10-14, eins og verið hefur, en viðskiptavinir hvattir til að koma einungis með brýn erindi. í anddyri Ráðhúss er póstkassi og þar er hægt að skilja eftir reikninga og bréf sem eiga að berast til okkar. 
Bent er á símann 430 8500 og netfangið grundarfjordur@grundarfjordur.is

Samkomuhús og salerni  í anddyri þess

Salernum í samkomuhúsi hefur verið lokað, en bent á opið salerni í þjónustuhúsi á tjaldsvæði.

Tjaldsvæðið

Tjaldsvæðum hefur verið lokað nú í haust, en áfram er hluti þjónustuhúss opinn fyrir vetrarþjónustu og bílastæði/svæði við tjaldsvæði verður opið í vetur, eins og gerð var tilraun með síðasta vetur. 
Leiðbeiningar hafa verið bættar og þrif aukin eftir þörfum. 

Tónlistarskóli

Frá hausti 2020: Aukin þrif, sótthreinsun milli tíma og grímuskylda starfsfólks þegar ekki er hægt að halda 1 metra fjarlægð.
Í skoðun.

Þjónusta fyrirtækja í Grundarfirði

Hér eru nýjar upplýsingar um opnunartíma og þjónustu fyrirtækja í Grundarfirði.

Fulltrúum fyrirtækja er bent á að láta okkur vita í netfangið grundarfjordur@grundarfjordur.is ef breytingar verða á opnunartíma eða þjónustu hjá þeim.