Lagður fram ársreikningur Grundarfjarðarbæjar fyrir árið 2014. Bæjarráð samþykkir ársreikninginn með áritun sinni og telst hann tilbúinn til endurskoðunar og afgreiðslu í bæjarstjórn.
Jónas Gestur Jónasson, endurskoðandi og Kristinn Kristófersson fóru yfir helstu tölur í ársreikningi 2014.
Allir tóku til máls.
Rekstrartekjur samstæðunnar voru 869,7 millj. kr., þar af voru 733,8 millj. kr. vegna A-hluta.
Rekstrarniðurstaða samkvæmt samanteknum ársreikningi A og B hluta var jákvæð upp á 41,8 millj. kr. en rekstarafkoma A hluta var jákvæð um 13,1 millj. kr. Rekstrarniðurstaða er umtalsvert betri en áætlun gerði ráð fyrir.
Framlegðarhlutfall rekstrar af samanteknum ársreikningi var 17,8% en 13,4% af A hluta. Heildarskuldir og skuldbindingar sveitarfélagsins voru 1.435 millj. kr. og skuldaviðmið 161,1% en var 173,1% árið áður.
Eigið fé sveitarfélagsins samkvæmt samanteknum ársreikningi er 492,8 millj. kr. í árslok 2014 og eiginfjárhlutfall er 25,6% en var 22,2% árið áður.
Veltufé frá rekstri í samanteknum ársreikningi var 105,7 millj. kr. og handbært fé í árslok 44,9 millj. kr. en var 63,5 millj. kr. árið áður.
Samþykkt samhljóða að vísa ársreikningi Grundarfjarðarbæjar árið 2014 til síðari umræðu.
Jónas Gestur Jónasson og Kristinn Kristófersson sátu fundinn undir þessum lið, fóru yfir ársreikning ársins 2014 og samanburð á ársreikningum sveitarfélaga á Snæfellsnesi.
Allir tóku til máls.
Ársreikningur Grundarfjarðar 2014 samþykktur samhljóða og undirritaður.
Bæjarráð samþykkir ársreikninginn með áritun sinni og telst hann tilbúinn til endurskoðunar og afgreiðslu í bæjarstjórn.