Bæjarráð - 482Lagður fram ársreikningur Grundarfjarðarbæjar fyrir árið 2015. Bæjarráð samþykkir ársreikninginn með áritun sinni og telst hann tilbúinn til endurskoðunar og afgreiðslu í bæjarstjórn.
Bæjarráð - 482Lögð fram gögn varðandi möguleg umskipti á gúmmíkurli sparkvallar við grunnskóla. Kostnaður er mismunandi eftir aðferðum eða frá 1,2-4,5 millj. kr.
Bæjarráð leggur til að skipulags- og byggingafulltrúa verði falið að meta hvaða leiðir séu bestar. Að öðru leyti verði málinu vísað til gerðar fjárhagsáætlunar 2017.
Samþykkt samhljóða. Bókun fundarTil máls tóku BGE og EG.
Bæjarráð - 482Lagt fram bréf bæjarins til ASÍ, dags. 15.03.2016, þar sem Grundarfjarðarbær fagnar hugmyndum Alþýðusambandsins um að kanna möguleika á byggingu leiguíbúða á landsbyggðinni.
Bæjarstjóra falið að vinna áfram að framgangi málsins.
Bæjarráð - 482Lögð fram ýmis gögn frá Heilbrigðiseftirliti Vesturlands sem óskað hefur verið eftir vegna Vatnsveitu Grundarfjarðar og vatnsverndarsvæða. Að mati heilbrigðiseftirlitsins er ástand vatnsveitumála í Grundarfirði gott með tilliti til þeirra atriða sem krafist er að séu í lagi.
Bæjarráð samþykkir að fá heilbrigðiseftirlitið á staðinn og skoða merkingar og fleira umhverfis svæðið þ.a. umgangur sé lágmarkaður á svæðinu.
Bæjarráð - 482Lagt fram yfirlit yfir fyrirhugaðar framkvæmdir á árinu 2016. Gerð grein fyrir stöðu einstakra verkefna og rætt um verkáætlun.
Sérstaklega var tekin fyrir framkvæmd við sundlaugina og lögð fram gögn frá skipulags- og byggingafulltrúa um kostnað við frágang á umhverfi sundlaugarinnar miðað við nokkra valkosti.
Bæjarráð er sammála því að nauðsynlegt sé að ganga frá yfirborði laugarinnar og samþykkir að verkið verði unnið á grundvelli framlagðra gagna og felur skipulags- og byggingafulltrúa að gera endanlega tillögu um efnisval.
Jafnframt óskar bæjarráð eftir því að skipulags- og byggingafulltrúi, verkstjóri áhaldahúss og umsjónarmaður fasteigna skili tímasettri verkáætlun fyrir framkvæmdir sumarsins fyrir næsta bæjarráðsfund.