Fyrirspurn hefur borist til skipulags- og umhverfisnefndar hver réttur íbúa sé gagnvart trjárækt aðliggjandi lóða í gömlum rótgrónum íbúðahverfum.
Skipulags-og umhverfisnefnd leggur til við skipulags-og byggingarfulltrúa að afla sér upplýsinga um hvernig staðið er að úrlausn sambærilegra mála í öðrum byggðarlögum. Málinu frestað til næsta fundar.
Erindi frá Margréti Hjálmarsdóttur Fagurhólstúni 14 samkvæmt bréfi 21.06.2016 V/ Tré á lóðamörkum
Skipulags- og byggingarnefnd hefur kynnt sér málið og eftir því sem við komumst næst er ekki til byggingarreglugerð fyrir tré sem gróðursett eru fyrir 1998. Skipulags- og byggingarnefnd vill þó benda á Nábýlisrétt. Hagsmunir nágranna af því að tré verði felld, geta þótt meiri en hagsmunir af því að tré fái að standa.
Málinu frestað til næsta fundar.