Hafnarstjórn - 11Lögð fram tillaga að gjaldskrá Grundarfjarðarhafnar fyrir árið 2017. Almennt er lagt til að gjöld samkvæmt gjaldskránni færist upp um almenna áætlaða verðlagsbreytingu. Aflagjöld eru óbreytt milli ára. Hafnarstjórn samþykkir fyrirliggjandi tillögu að gjaldskrá hafnarinnar og vísar henni til endanlegrar afgreiðslu í bæjarstjórn.Bókun fundarBæjarstjórn tekur undir bókun hafnarstjórnar varðandi gjaldskrá. Afgreiðslu vísað til 6. tl. þessa fundar þar sem sérstaklega er fjallað um gjaldskrár bæjarins.
Hafnarstjórn - 11Lögð fram tillaga að fjárhagsáætlun Grundarfjarðarhafnar fyrir árið 2017. Til samanburðar er útkomuspá ársins 2016 og raunniðurstaða ársins 2015.
Hafnarstjórn samþykkir fyrirliggjandi tillögu að fjárhagsáætlun hafnarinnar fyrir árið 2017 og vísar henni til endanlegrar afgreiðslu í bæjarstjórn.Bókun fundarBæjarstjórn tekur undir samþykkt hafnarstjórnar og vísar endanlegri afgreiðslu til 5. tl. þessa fundar undir umfjöllun um fjárhagsáætlun.
Hafnarstjórn - 11Lagt fram bréf Atvinnu- og Nýsköpunarráðuneytisins frá 31. okt. sl., þar sem tilkynnt er um úthlutun byggðakvóta til Grundarfjarðarbæjar fiskveiðiárið 2016/2017. Samkvæmt því er úthlutun til Grundarfjarðar 157 þorskígildistonn, sem er 44,3% minni úthlutun en sveitarfélagið fékk á fiskveiðiárinu 2015/2016. Heildarkvóti til úthlutunar var skertur um liðlega 20% frá fyrra fiskveiðiári.
Hafnarstjórn mótmælir harðlega niðurstöðum úthlutunar byggðakvóta fyrir fiskveiðiárið 2016/2017. Úthlutaður byggðakvóti til Grundarfjarðarbæjar er 44,3% minni en var á nýliðnu fiskveiðiári. Niðurstaða þessi er algerlega óásættanleg. Engan veginn getur talist viðunandi að sveitarfélög búi við slíkt óöryggi í atvinnumálum eins og hér er raunin á. Skorað er á sjávaútvegs- og landbúnaðarráðherra að breyta hið snarasta reglum um úthlutun byggðakvóta og úthluta kvótanum að því loknu á grundvelli nýrra reglna um byggðakvóta.
Bókun fundarRG vék af fundi undir þessum lið.
Bæjarstjórn tekur heils hugar undir ályktun hafnarstjórnar þar sem mótmælt er úthlutun byggðakvóta fyrir fiskveiðiárið 2016/2017.
Jafnframt samþykkir bæjarstjórn að Grundfirðingar óski eftir því að reglugerð nr. 641 frá 8. júlí 2016 gildi um úthlutun byggðakvóta til fiskiskipa á fiskveiðiárinu 2016/2017.
Hafnarstjórn - 11Gerð var grein fyrir ákvæðum reglugerðar 124/2015, sem tók gildi 5. feb. sl. Í reglugerðinni er lagt til að stuðlað verði að bættum loftgæðum og dregið verði úr mengun skipa sem liggja við bryggju með því að skylda þau til að nota rafmagn úr landi í stað skipaeldsneytis ef kostur er. Hafnarstjórn tekur undir ágæti þessa ákvæðis reglugerðarinnar og mun koma því á framfæri við viðskiptavini hafnarinnar.
Hafnarstjórn - 11Lögð fram til kynningar ályktun 40.hafnasambandsþings um umhverfismál. Jafnframt lögð fram ályktun frá sama hafnasambandsþingi varðandi skip í hirðuleysi.
Hafnarstjórn - 11Lagt fram til kynningar samkomulag samkomulag Sjávarrannsóknasetursins Varar í Snæfellsbæ og Hafrannsóknarstofnunar. Jafnframt lagður fram ársreikningur og yfirlit um framlög til Varar 2011 til 2016. Hafnarstjórn vísar málinu til umfjöllunar og kynningar í bæjarstjórn.