Menningarnefnd - 10Farið yfir ýmsar hugmyndir að þema fyrir Ljósmyndasamkeppni Grundarfjarðar fyrir árið 2017. Samþykkt að þemað þetta árið verði "veður".
Menningarnefnd - 10Áhugi er fyrir að setja upp fræðsluskilti víðs vegar um bæinn þar sem fram koma ýmsar sögur og staðreyndir um ákveðna staði í bænum. Menningar- og markaðsfulltrúa falið að safna saman sögum og myndum til undirbúnings. Sem og að kanna verð á skiltum og uppsetningu þeirra.
Menningarnefnd - 10Kynning á fyrirhugaðri ferð Grundfirðinga til vinabæjarins Paimpol í Frakklandi á hátíð hafsins. Grundapol stendur að hátíðinni í samstarfi við Paimpol og er Grundfirðingum sérstaklega boðið til þessarar hátíðar vegna tengingarinnar við franska sjómenn fyrri tíma. Menningarnefnd lýsir yfir ánægju með að það skuli vera komin aukin virkni í Grundapol í Grundarfirði á ný.
Menningarnefnd - 10Rædd var þörfin fyrir almenningssalerni í bænum og ýmsar hugmyndir að lausnum viðraðar. Brýnt er að gengið sé í þessi mál af festu og hvetur menningarnefnd bæjarstjórn til að finna lausnir á þeim sem allra fyrst.Bókun fundarTil máls tóku EG og RG.