Bæjarstjórn

Málsnúmer 1705009FVakta málsnúmer

• 1.1 1501066 Lausafjárstaða
  Bæjarráð - 499 Lagt fram yfirlit um lausafjárstöðu.
  
• 1.2 1705022 Vinnuskóli 2017
  Bæjarráð - 499 Lögð fram auglýsing og reglur fyrir Vinnuskóla Grundarfjarðar sumarið 2017.
  
  Vinnuskólinn verður starfræktur frá 6. júní til 7. júlí, alls í fimm vikur. Vinnuskólinn er fyrir unglinga sem lokið hafa 8., 9. og 10. bekk grunnskóla. Vinnutíminn er mánudaga til föstudaga, kl. 8:00-12:00 og 13:00-16:00. Umsóknarfrestur er til 31. maí 2017. Umsóknareyðublöð liggja hjá skólaritara grunnskólans og á bæjarskrifstofunni. Fyrirkomulag skólans er með sama sniði og verið hefur undanfarin ár.
  
  Bæjarráð samþykkir fyrirkomulagið samhljóða.
  
• 1.3 1705025 Garðyrkjumál
  Bæjarráð - 499 Lagt fram erindi frá Bent Marinóssyni, þar sem hann býður fram krafta sína til garðyrkju og lagfæringa á opnum svæðum bæjarins. Hann hefur lokið námi í Garðyrkjuskóla ríkisins og unnið við umhirðu opinna svæða hjá Reykjavíkurborg.
  
  Lagt til að bæjarstjóra sé falið að ræða við Bent um umhirðu trjágróðurs og gróðursetningu. Starfið yrði tímabundið yfir sumarmánuðina.
  
  Bæjarráð samþykkir tillöguna samhljóða.
  
• 1.4 1608031 Velferðarvaktin
  Bæjarráð - 499 Tekið til umfjöllunar erindi Sambands ísl. sveitarfélaga frá síðasta ári varðandi kostnaðarþátttöku foreldra á ritföngum og öðrum námsgögnum vegna skólagöngu barna. Samtökin Barnaheill, Heimili og skóli og Velferðarvaktin hafa einnig vakið athygli á mikilvægi málsins.
  
  Skólanefnd Grundarfjarðar lagði til á fundi sínum í september sl., að þetta fyrirkomulag yrði tekið upp hjá Grundarfjarðarbæ. Tillaga skólanefndarinnar hlaut einnig góðar undirtektir bæjaryfirvalda.
  
  Bæjarráð ítrekar fyrri samþykktir um að kostnaður vegna ritfanga og annarra gagna vegna skólagöngu barna í Grunnskóla Grundarfjarðar verði greiddur af skólanum á komandi skólaári.
  
  Skólastjóra grunnskólans falin umsjón málsins.
  
• 1.5 1610011 Framkvæmdir 2017
  Bæjarráð - 499 Farið yfir stöðu framkvæmda ársins 2017. Framkvæmdir við sundlaugina eru á lokastigi, en þar var skipt um heita potta og aðgengi lagfært. Jafnframt er unnið að endurnýjun girðingar umhverfis laugina. Lokið hefur verið við lagfæringu útrásar í Sæbóli eins og áætlað var. Fóðring hennar er talin hafa tekist vel. Með þessari aðferð var unnt að losna við mikið jarðrask á svæðinu, sem annars hefði orðið ef hefðbundin aðferð hefði verið farin við endurnýjun lagnanna.
  
  Skipt hefur verið um gervigras á sparkvellinum. Ekkert kurl eða sandur er í gervigrasinu, sem er nýjung. Hesteigendafélaginu hefur verið greitt framlag ársins vegna reiðskemmunnar. Í undirbúningi er plöntun trjáa í Paimpolgarð og ráðgert að því verki ljúki í júní. Unnið er að lagfæringu fjárgirðinga ofan bæjarins.
  
  Úttekt hefur verið gerð á grunnskólanum varðandi lagfæringar húss og er greinargerð væntanleg. Í áhaldahús hefur verið keyptur nýr Avant og er fyrirhugað að selja þann eldri eftir lagfæringar. Hugmyndir eru uppi um að nýta andvirði sölunnar til kaupa á sóp á nýja tækið.
  
  Unnið er að gerð samnings um malbikunarframkvæmdir, sem áætlað er að fara í seinnihluta júlímánaðar. Jafnframt er fyrirhuguð viðgerð á þaki að Hrannarstíg 18. Ennfremur er unnið áfram að endurskoðun aðalskipulags bæjarins. Skoða þarf sérstaklega viðgerðaþörf í leikskólanum. Auk þessa er unnið að mismunandi minni verkefnum.
  
• 1.6 1701005 Ísland ljóstengt
  Bæjarráð - 499 JÓK vék af fundi undir þessum lið.
  
  Lögð fram drög að verksamningi milli Grundarfjarðarbæjar og JK og Co. um plægingu og gröft á rörum fyrir ljósleiðarastrengi, auk niðursetningar tengiskápa og brunna.
  
  Unnið er að því að fara yfir endanlegar lagnaleiðir í samvinnu við Vegagerðina og Rarik.
  
  Bæjarráð felur bæjarstjóra að ganga frá samningi og undirrita hann.
  
  Samþykkt samhljóða.
  
  JÓK tók aftur sæti sitt á fundinum.
  
• 1.7 1705026 Ferðaþjónusta
  Bæjarráð - 499 Kynntar hugmyndir að salernisgámum sem hugsanlegt væri að setja upp í bæjarfélaginu til að þjónusta þann mikla fjölda ferðamanna sem hér á leið um. Vöntun hefur verið á slíkri aðstöðu og ekki síst yfir vetrarmánuðina, þegar tjaldsvæðið er ekki opið.
  
  Jafnframt farið yfir leiðbeiningamerkingar til ferðamanna um það hvar leyfilegt er að tjalda og gista í bæjarfélaginu.
  
  Skipulags- og byggingafulltrúa falið að vinna áfram að framgangi þessara mála.
  
  Bæjarráð áréttar það að einungis er leyfilegt að gista í tjöldum, húsbýlum eða vögnum, af hvaða tagi sem er, á tjaldsvæði bæjarins.
  
  Samþykkt samhljóða.
  
• 1.8 1501049 Dvalar- og hjúkrunarheimilið Fellaskjól v/viðbyggingar
  Bæjarráð - 499 Gerð grein fyrir erindi Dvalar- og hjúkrunarheimilisins Fellaskjóls vegna fyrirhugaðrar viðbyggingar við heimilið.
  
  Bæjarstjóra falið að ræða málið við formann stjórnar Fellaskjóls.
  
  Samþykkt samhljóða.
  
• 1.9 1704029 Starfsmannamál
  Bæjarráð - 499 Farið yfir starfsmannamál á stofnunum bæjarins.
  
• 1.10 1704001 Lánasjóður sveitarfélaga, umsókn 2017
  Bæjarráð - 499 Lögð fram til kynningar lánaskjöl frá Lánasjóði sveitarfélaga.
  
• 1.11 1705023 Samgöngu- og sveitarstjórnarráðuneytið, staðfesting á stofnsamningi fyrir Byggðasamlag Snæfellinga bs
  Bæjarráð - 499 Lagt fram bréf frá Samgöngu- og sveitarstjórnarráðuneytinu frá 17. maí sl., þar sem ráðuneytið tilkynnir að staðfestur hefur verið stofnsamningur fyrir Byggðasamlag Snæfellinga bs.
  
• 1.12 1705013 Björgunarsveitin Klakkur, ársreikningur 2016
  Bæjarráð - 499 Lagður fram til kynningar ársreikningur Björgunarsveitarinnar Klakks fyrir árið 2016.
  
• 1.13 1705002 Íbúðalánasjóður, stofnframlög
  Bæjarráð - 499 Lagt fram til kynningar bréf frá Íbúðalánasjóði varðandi stofnframlög.
  
• 1.14 1705024 Ölkelda, framkvæmdaáætlun
  Bæjarráð - 499 Lögð fram til kynningar framkvæmdaáætlun Skógræktarfélags Eyrarsveitar vegna framkvæmda við ölkeldu á Ölkelduvegi.
  

Málsnúmer 1705006FVakta málsnúmer

• 2.1 1504023 Málefni Leikskólans Sólvalla
  Skólanefnd - 138 Björg Karlsdóttir, leikskólastjóri, og Ingibjörg Eyrún Bergvinsdóttir, fulltrúi foreldraráðs, sátu fundinn undir þessum lið.
  
  Lagt fram og farið yfir skóladagatal skólaársins 2017-2018. Gert er ráð fyrir sex starfsdögum á dagatalinu. Jafnframt farið yfir starfsmannahald og nemendafjölda skólans. Fjöldi nemenda er 54.
  
  Ingibjörg Eyrún Bergvinsdóttir kom kl. 17:00.
  
  Leikskólastjóri kynnti nýtt gagnvirkt samskiptakerfi fyrir leikskóla, sem fyrirhugað er að taka í notkun á leikskólanum. Kerfið mun einfalda samskipti starfsmanna við foreldra.
  
  Skólanefnd samþykkir samhljóða skóladagatal næsta skólaárs.
  
• 2.2 1504024 Málefni Grunnskóla Grundarfjarðar
  Skólanefnd - 138 Sigurður G. Guðjónsson, skólastjóri, sat fundinn undir þessum lið.
  
  Lagt fram og farið yfir skóladagatal skólaársins 2017-2018. Gert er ráð fyrir fimm starfsdögum í dagatalinu, tveimur dögum í vetrarfrí og átta dögum fyrir utan starfstíma nemenda.
  
  Skólastjóri kynnti niðurstöður starfsmanna-, foreldra- og nemendakannana Skólapúlsins.
  
  Skólanefnd lýsir yfir almennri ánægju með niðurstöður Skólapúlsins og óskar stjórnendum og starfsfólki til hamingju með vel unnin störf.
  
  Skólanefnd samþykkir samhljóða skóladagatal næsta skólaárs.
  
• 2.3 1504025 Málefni Tónlistarskóla Grundarfjarðar
  Skólanefnd - 138 Sigurður G. Guðjónsson, skólastjóri, og Linda María Nielsen, deildarstjóri, sátu fundinn undir þessum lið.
  
  Lagt fram og farið yfir skóladagatal skólaársins 2017-2018. Gert er ráð fyrir sjö starfsdögum á skólaárinu. Jafnframt farið yfir starfsmannahald og nemendafjölda skólans.
  
  Vortónleikar skólans tókust mjög vel. Þeir voru haldnir í Grundarfjarðarkirkju og gátu íbúar Fellaskjóls fylgst með þeim í beinni útsendingu.
  
  Skólanefnd samþykkir samhljóða skóladagatal næsta skólaárs með áorðnum breytingum.
  
• 2.4 1605043 Eldhamrar, 5 ára deild
  Skólanefnd - 138 Sigurður G. Guðjónsson, skólastjóri, sat fundinn undir þessum lið.
  
  Lagt fram og farið yfir skóladagatal skólaársins 2017-2018. Gert er ráð fyrir sjö starfsdögum á leikskóladeildinni Eldhömrum.
  
  Skólanefnd samþykkir samhljóða skóladagatal næsta skólaárs.
  
• 2.5 1703030 Ársskýrsla undanþágunefndar grunnskóla
  Skólanefnd - 138 Lögð fram til kynningar ársskýrsla undanþágunefndar grunnskóla skólaárið 2015-2016.
  

Málsnúmer 1706001FVakta málsnúmer

• 3.1 1705031 Ársreikningur hafnarsjóðs 2016
  Hafnarstjórn - 13 Lagður fram og kynntur ársreikningur Hafnarsjóðs Grundarfjarðarhafnar fyrir árið 2016.
  Hafnarstjórn samþykkir ársreikninginn.
• 3.2 1705029 Snæfrost
  Hafnarstjórn - 13 Lagt fram erindi Snæfrosts h/f móttekið 29. maí sl.
  
  Hafnarstjórn samþykkir samhljóða erindi fyrirtækisins og felur hafnarstjóra að ganga frá málinu. Bókun fundar Til máls tóku EG og ÞS.
  
  Bæjarstjórn samþykkir samhljóða afgreiðslu hafnarstjórnar.
  
• 3.3 1706002 Byggðakvóti, fundur
  Hafnarstjórn - 13 Lagt fram erindi frá atvinnu- og nýsköpunarráðuneytinu dags. 1. júní sl., varðandi fund um byggðakvótamál sem haldinn verður á vegum ráðuneytisins 6. júní nk. í Borgarnesi.
  Stjórnarformanni hafnarstjórnar falið að mæta á fundinn. Bókun fundar Til máls tóku RG og ÞS.
  
• 3.4 1705033 Hafnasamband, stjórnarfundur nr. 393
  Hafnarstjórn - 13 Lögð fram til kynningar fundargerð Hafnasambands íslands nr. 393
• 3.5 1705032 Hafnasamband, stjórnarfundur nr. 394
  Hafnarstjórn - 13 Lögð fram til kynningar fundargerð Hafnasambands íslands nr. 394
• 3.6 1706001 Hafnasamband, stjórnarfundur nr. 395
  Hafnarstjórn - 13 Lögð fram til kynningar fundargerð Hafnasambands Íslands nr. 395

Málsnúmer 1705004FVakta málsnúmer

• 4.1 1705014 Hreyfivika UMFÍ 2017
  Íþrótta- og æskulýðsnefnd - 84 Menningarfulltrúi fór yfir drög að dagskrá fyrir Hreyfiviku UMFÍ sem verður dagana 29. maí til 4. júní nk. Ýmsar hugmyndir að viðburðum settar fram og ræddar.
• 4.2 1705015 Starfsemi UMFG
  Íþrótta- og æskulýðsnefnd - 84 Ragnar Smári Guðmundsson, formaður UMFG, sat fundinn undir þessum lið og fór yfir starfsemi ungmennafélagsins.
• 4.3 1705016 Þríhyrningurinn
  Íþrótta- og æskulýðsnefnd - 84 Íþrótta- og æskulýðsnefnd fagnar góðum undirtektum bæjarstjórnar við hugleiðingum nefndarinnar um Þríhyrninginn og hvetur bæjarstjórn til að ljúka hugmyndavinnu og hefja framkvæmdir sem allra fyrst. Þarna er illa nýtt svæði sem er kjörið til útivistar fyrir alla fjölskylduna.

Málsnúmer 1705003FVakta málsnúmer

• 5.1 1705005 Þema fyrir Ljósmyndasamkeppni Grundarfjarðar árið 2017
  Menningarnefnd - 10 Farið yfir ýmsar hugmyndir að þema fyrir Ljósmyndasamkeppni Grundarfjarðar fyrir árið 2017. Samþykkt að þemað þetta árið verði "veður".
• 5.2 1705007 Viðburðir í Grundarfirði árið 2017
  Menningarnefnd - 10 Farið yfir þá viðburði sem framundan eru á árinu.
• 5.3 1705006 Uppsetning fræðsluskilta í Grundarfjarðarbæ
  Menningarnefnd - 10 Áhugi er fyrir að setja upp fræðsluskilti víðs vegar um bæinn þar sem fram koma ýmsar sögur og staðreyndir um ákveðna staði í bænum.
  Menningar- og markaðsfulltrúa falið að safna saman sögum og myndum til undirbúnings. Sem og að kanna verð á skiltum og uppsetningu þeirra.
• 5.4 1705010 Ferð til Paimpol sumarið 2017
  Menningarnefnd - 10 Kynning á fyrirhugaðri ferð Grundfirðinga til vinabæjarins Paimpol í Frakklandi á hátíð hafsins. Grundapol stendur að hátíðinni í samstarfi við Paimpol og er Grundfirðingum sérstaklega boðið til þessarar hátíðar vegna tengingarinnar við franska sjómenn fyrri tíma.
  Menningarnefnd lýsir yfir ánægju með að það skuli vera komin aukin virkni í Grundapol í Grundarfirði á ný.
• 5.5 1705009 Almenningssalerni í Grundarfirði
  Menningarnefnd - 10 Rædd var þörfin fyrir almenningssalerni í bænum og ýmsar hugmyndir að lausnum viðraðar. Brýnt er að gengið sé í þessi mál af festu og hvetur menningarnefnd bæjarstjórn til að finna lausnir á þeim sem allra fyrst. Bókun fundar Til máls tóku EG og RG.
  
• 5.6 1705011 Fjármál fyrrum Eyrbyggju
  Menningarnefnd - 10 Lagðir fram reikningar síðasta árs og ræddir. Bókun fundar Til máls tóku EG, SRS, ÞS og HK.
  
• 5.7 1705012 Myndavefurinn Bæringsstofa
  Menningarnefnd - 10 Samþykkt að fá aðila í tímabundið verkefni við að færa inn merkingar á myndir á myndavefnum www.baeringsstofa.is.

Málsnúmer 1705005FVakta málsnúmer

• 6.1 1705019 Lóðaumsókn, Grundargata 90
  Lóðarumsókn: Almenna Umhverfisþjónustan ehf sækir um lóðina Grundargata 90 Skipulags- og umhverfisnefnd - 178 Skipulags- og umhverfisnefnd samþykkir að veita Almennu Umhverfisþjónustunni ehf. lóðina að Grundargötu 90.
  
  Ólafur Tryggvason vék af fundi vegna þessa máls.
  
  Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 6.2 1705018 Lóðaumsókn, Grundargata 82
  Lóðarumsókn: Almenna Umhverfisþjónustan ehf sækir um lóðina Grundargata 82 Skipulags- og umhverfisnefnd - 178 Skipulags- og umhverfisnefnd samþykkir að veita Almennu Umhverfisþjónustunni ehf. lóðina að Grundargötu 82.
  
  Ólafur Tryggvason vék af fundi vegna þessa máls. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 6.3 1705017 Lóðaumsókn, Grundargata 52
  Lóðarumsókn: Eiríkur Höskuldsson og Eyrún Guðnadóttir sækja um lóðina Grundargata 52 Skipulags- og umhverfisnefnd - 178 Skipulags- og umhverfisnefnd samþykkir að veita Eiríki Höskuldssyni lóðina að Grundargötu 52.
  
  Ólafur Tryggvason vék af fundi vegna þessa máls. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 6.4 1703008 Suður Bár
  Suður Bár. Sótt er um byggingarleyfi fyrir viðbyggingu við íbúðarhús. Skipulags- og umhverfisnefnd - 178 Skipulags og umhverfisnefnd samþykkir erindið og felur byggingarfulltúa að gefa út byggingarleyfi samkvæmt uppdrætti. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  

Málsnúmer 1706002FVakta málsnúmer

• 7.1 1705017 Lóðaumsókn, Grundargata 52
  Lóðaumsókn : Eiríkur Höskuldsson leggur fram teikningar af húsum á Grundargötu 52 Skipulags- og umhverfisnefnd - 179 Skipulags- og umhverfisnefnd samþykkir framlagðar teikningar og óskar eftir afstöðumynd af byggingum á lóðina að Grundargötu 52 Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 7.2 1706003 Lóðaumsókn, Fellabrekka 5
  Lóðaumsókn : Guðbjartur Brynjar Friðriksson sækir um lóðina Fellabrekka 5 Skipulags- og umhverfisnefnd - 179 Lóðaumsókn :Skipulags- og umhverfisnefnd samþykkir að veita Guðbjarti Brynjari Friðrikssyni lóðina að Fellabrekku 5 Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 7.3 1706004 Grundargata 43, breyting á gluggum
  Grundargata 43, Umsókn um breytingu á gluggum og staðsetningu bílastæðis. Skipulags- og umhverfisnefnd - 179 Skipulags- og umhverfisnefnd samþykkir erindið og felur byggingarfulltrúa að óska eftir útlitsteikningum á gluggum og láta fara fram grenndarkynningu hjá aðliggjandi húsum vegna bílastæða. Bókun fundar Bæjarstjórn samþykkir samhljóða afgreiðslu skipulags- og umhverfisnefndar.
  
• 7.4 1706005 Efnisnámur- og losunarstaðir
  Skipulags- og umhverfisnefnd - 179 Skipulags- og umhverfisnefnd felur byggingarfulltrúa að senda erindi til umráðamanna efnistökusvæða í Grundarfjarðarbæ og óskar eftir fyrirætlun um notkun námanna.
  
  
  Skipulags- og umhverfisnefnd leggur til við bæjarstjórn að Hönnugil verði nýtt sem jarðvegslosunarstaður og að unnið verði eftir tillögum Inga Hans Jónssonar.
  Samþykkt með þremur atkvæðum. Með: ÓT, SÞ, VSM. Á móti: UÞS, JÓK Bókun fundar Til máls tóku EG, JÓK, RG, VSM, GJJ, ÞS og HK.
  
  Bæjarstjórn telur tillögu nefndarinnar um efnislosunarstað um margt áhugaverða. Bæjarstjórn leggur áherslu á að gerðar verði reglur um það hvar og hvernig efnislosun verði háttað í Hönnugili. Jafnframt er óskað eftir því að fleiri staðir í bæjarfélaginu verði skoðaðir, sem mögulegir efnislosunarstaðir og tillögur gerðar í þeim efnum.
  
  Bæjarstjórn felur skipulags- og byggingafulltrúa, í samráði við skipulags- og umhverfisnefnd, að vinna tillögurnar.
  
  Samþykkt samhljóða.
  
• 7.5 1706012 Grundargata 24, skipting lóðar
  Grundargata 24, skipting lóðar Skipulags- og umhverfisnefnd - 179 Skipulags- og umhverfisnefnd frestar erindinu og felur byggingarfulltrúa að skoða lóðarmörk Grundargötu 24 og aðliggjandi lóða vegna misræmis á stærð lóðarinnar.

Málsnúmer 1506022Vakta málsnúmer

Málsnúmer 1506020Vakta málsnúmer

Málsnúmer 1506021Vakta málsnúmer

Málsnúmer 1705020Vakta málsnúmer

Málsnúmer 1506017Vakta málsnúmer

Málsnúmer 1706013Vakta málsnúmer

Málsnúmer 1706008Vakta málsnúmer

Málsnúmer 1606001Vakta málsnúmer

Málsnúmer 1610011Vakta málsnúmer

Málsnúmer 1705030Vakta málsnúmer

Málsnúmer 1706006Vakta málsnúmer

Málsnúmer 1706014Vakta málsnúmer

Málsnúmer 1705027Vakta málsnúmer

Málsnúmer 1706010Vakta málsnúmer

Málsnúmer 1706009Vakta málsnúmer

Málsnúmer 1701035Vakta málsnúmer

Málsnúmer 1505019Vakta málsnúmer

Málsnúmer 1506026Vakta málsnúmer