Málsnúmer 2101010

Vakta málsnúmer

Skipulags- og umhverfisnefnd - 224. fundur - 27.01.2021

Óskað er eftir stofnun lóða í landi Hallbjarnareyrar, breytingu á nöfnum eldri lóða ásamt uppfærslu á stærðum og mörkum í landeignaskrá / Þjóðskrá.
Lagt fram til kynningar.

Skipulags- og umhverfisnefnd - 238. fundur - 18.07.2022

Með bréfi Ríkiseigna, móttekið 21. janúar 2021, er óskað eftir stofnun lóðar í landi Hallbjarnareyrar og breytingu á nöfnum eldri lóða og uppfærslu á stærð og mörkum í landeignaskrá.

Erindinu fylgir hnitsett loftmyndakort/lóðablað dagsett 19.11.2020 fyrir hina nýju lóð og nærliggjandi lóðir, sem teknar eru úr ríkisjörðinni Hallbjarnareyri, L136609.
Kortið afmarkar þrjár frístundalóðir við gamla bæjarstæði ríkisjarðarinnar Hallbjarnareyri, L136609, og heiti sem þeim eru gefin til aðgreiningar frá hvor annarri og upprunajörðinni, eins og segir í texta kortsins. Kvöð er um aðkomu að lóðunum eftir Hallbjarnareyrarvegi í landi Hallbjarnareyrar.

Erindið hafði verið tekið fyrir á 224. fundi skipulags- og umhverfisnefndar þann 27. janúar 2021 en var þá einungis lagt fram til kynningar.

Nánar tiltekið er óskað eftir eftirfarandi:

Vegna fasteignarinnar "Hallbjarnareyri", skráð sem "sumarbústaðaland" með landeignanúmerinu L136610, nú skráð 6.900 m2, verði gerðar eftirfarandi breytingar sbr. erindi Ríkiseigna:

- Stofnun nýrrar lóðar í landi Hallbjarnareyrar, sem fái heitið „Hallbjarnareyrarland 2“ og nýtt landnúmer. Um er að ræða 6.138 m2 frístundalóð undir matshluta 01 frá Hallbjarnareyri, L136610, sem er sumarhús byggt árið 1989. Eigandi nýju lóðarinnar er Ríkissjóður Íslands, en umráðendur hennar og eigendur matshluta eru Örn Þór Alfreðsson og Stella María Óladóttir.

- Breytingu á heiti upprunalóðarinnar, sem hét áður Hallbjarnareyri, en verði Hallbjarnareyrarland 1, L136610. Lóðin er 3.439 m2 frístundalóð undir matshluta 02, sem var upprunalega íbúðarhús jarðarinnar Hallbjarnareyri, byggt árið 1936, en hefur verið endurgert sem sumarbústaður. Eigandi lóðarinnar er Ríkissjóður Íslands, en umráðandi lóðarinnar og eigandi matshluta er Svava Guðmundsdóttir.

Vegna fasteignarinnar "Hallbjarnareyrarland", með landeignanúmerinu L136611, sumarbústaðaland, nú skráð 10.000 m2 að stærð:

- Lögð fram hnitsetning á lóðinni Hallbjarnareyrarland, L136611, fyrir landeignaskrá og uppfærsla á stærð lóðar. Lóðin verði 10.007 m2 frístundalóð undir matshluta 01, sem er eldra hús ríkisjarðarinnar Hallbjarnareyri, byggt árið 1927, en hefur verið endurgert sem sumarbústaður. Eigandi lóðarinnar er Ríkissjóður Íslands, en umráðandi lóðarinnar og eigandi matshluta er Hrafnhildur Pálsdóttir.


Skipulags- og umhverfisnefnd samþykkir fyrir sitt leyti erindi Ríkiseigna, en felur starfsmönnum umhverfis- og skipulagssviðs að kanna hvort Ríkiseignir hafi kynnt framangreindar breytingar fyrir hagsmunaaðilum/nágrönnum eða hvort þörf sé á að kynna þær af hálfu bæjarins.

Skipulags- og umhverfisnefnd leggur til að bæjarstjórn/bæjarráð samþykki í framhaldinu framangreindar tillögur.

Samþykkt samhljóða.