Málsnúmer 2406040

Vakta málsnúmer

Skipulags- og umhverfisnefnd - 260. fundur - 15.08.2024

Olíudreifing hefur óskað eftir framtíðaraðstöðu á norðurhluta hafnarsvæðis Grundarfjarðarhafnar.



Nú liggur fyrir staðfesting Skipulagsstofnunar á endurskoðuðu deiliskipulagi fyrir þann hluta hafnarsvæðisins.

Þar sem staðfesting Skipulagsstofnunar á endurskoðuðu deiliskipulagi fyrir hafnarsvæði norður liggur fyrir, samþykkir skipulags- og umhverfisnefnd fyrir sitt leyti að fela skipulagsfulltrúa og bæjarstjóra umboð til að ræða við Olíudreifingu um óskir þeirra á svæðinu, í samvinnu við hafnarstjórn/hafnarstjóra, og leiðbeina um framhald málsins.

Hafnarstjórn - 28. fundur - 24.02.2026

Með gildistöku deiliskipulags á Framnesi austan við Nesveg, frá 28. janúar sl., hefur verið skerpt á skilmálum fyrir lóðir sem ætlaðar eru undir olíutanka og eldsneytisgeymslur, þ.e. lóð nr. 4B, nr. 8-10 og nr. 12. Einnig eru nú skýrar þær lagnaleiðir sem liggja frá tönkum að Norðurgarði, en til hefur staðið að endurnýja lagnirnar.



Hafnarstjóri sagði frá viðræðum hans og skipulagsfulltrúa, sem og bæjarstjóra, við fulltrúa Olíudreifingar hf.

Olíudreifing óskar eftir endurnýjun lóðarleigusamnings fyrir lóðina Nesveg 4B, þar sem stendur olíutankur. Óskað er eftir endurnýjun á lóðarleigusamningi fyrir stækkaða lóð að Nesvegi 8-10. Einnig er óskað eftir úthlutun og nýtingu lóðarinnar að Nesvegi 12 í framtíðinni.

Olíudreifing hyggst endurnýja lagnir frá núverandi tönkum og niður á Norðurgarð, en búið er að hanna og samþykkja nýja lagnaleið.

Hafnarstjórn felur hafnarstjóra og bæjarstjóra umboð til áframhaldandi viðtals við Oliudreifingu og leggur til við skipulagsnefnd að hún staðfesti að gerðir skuli nýir lóðarleigusamningar fyrir umræddar lóðir, með fyrirvara um samning og greiðslur.