Málsnúmer 2511026

Vakta málsnúmer

Bæjarráð - 648. fundur - 28.11.2025

Kynning á áætlun um gangstéttir og frágang á Hrannarstíg, miðjuhluta.



Lagt fram bréf til húseigenda á svæðinu frá 7. nóv. sl., einnig plöntuteikning fyrir regnbeð í Hrannarstíg.

Nanna Vilborg fór yfir og kynnti fyrirliggjandi áform um frágang á miðjuhluta Hrannarstígs, frá Fagurhóli og að lóð Sögumiðstöðvar, en þær framkvæmdir eru í samræmi við frágang ofar í götunni.

Gestir

  • Nanna Vilborg Harðardóttir verkefnisstjóri skipulags- og umhverfismála - mæting: 11:25

Bæjarráð - 651. fundur - 26.02.2026

Í tillögum COWI um ofanvatnsskipulag felst að Hrannarstígurinn sé eitt meginburðarsvæði vatns niður frá efri byggðum, og að í Hrannarstíg verði að leggja hvað mestu vinnuna í að taka á móti og leiða vatn í viðtaka (þ.e. m.a. með blágrænum fráveitulausnum).

Nanna fór yfir tillögu úr skýrslu COWI að regnbeðum á Hrannarstíg. Einnig svæði á Ölkelduvegi og við Samkomuhús Grundarfjarðar.

Nanna lagði til breytta forgangsröðun blágrænna lausna í Hrannarstíg. Bæjarráð samþykkir að lögð verði áhersla á að leysa vatnsmál og að farið verði í regnbeð austanmegin á Hrannarstíg.

Bæjarráð samþykkir jafnframt að Nönnu verði veitt heimild til að leggja fram hugmynd um að veita regnvatni af þaki Samkomuhúss í blágræna viðtaka. Henni er einnig veitt umboð til að undirbúa framkvæmd vestan við lóð nr. 37 við Ölkelduveg, þar sem vandamál eru til staðar út af vatnsrás

Samþykkt samhljóða.

Gestir

  • Nanna Vilborg Harðardóttir, verkefnisstjóri skipulags- og umhverfismála - mæting: 10:52