Bæjarráð

Lagt fram yfirlit yfir lausafjárstöðu.

Lagt fram yfirlit yfir greitt útsvar í janúar 2026.

Lögð fram tillaga slökkviliðsstjóra um að farið verði að skoða valkosti og undirbúa kaup nýrrar slökkvibifreiðar.

Bæjarstjórn fól bæjarráði að taka yfirfarna tillögu að nýrri samþykkt um stöðuleyfi til endanlegrar afgreiðslu og auglýsa hana. Ennfremur fól bæjarstjórn bæjarráði að taka til endurskoðunar gjaldskrá fyrir stöðuleyfi og gera tillögu um breytingar á henni.



Guðmundur Rúnar Svansson, aðstoðarmaður skipulags- og byggingarfulltrúa, hefur séð um undirbúning tillögunnar.

Lögð fram gjaldskrá fyrir námur í eigu Grundarfjarðarbæjar.



Gjald fyrir efnistöku í námu í Hrafnsá er 500 kr./m3, auk verðbóta frá setningu gjaldskrár.

Lögð er til lækkun gjalds fyrir efnistöku efst í Hrafnsá, gegnt aðstöðuhúsum Skotfélagsins, þannig að þar verði gjaldið 300 kr./m3 í stað 500 kr./m3 af efni.

Í tillögum COWI um ofanvatnsskipulag felst að Hrannarstígurinn sé eitt meginburðarsvæði vatns niður frá efri byggðum, og að í Hrannarstíg verði að leggja hvað mestu vinnuna í að taka á móti og leiða vatn í viðtaka (þ.e. m.a. með blágrænum fráveitulausnum).

Lögð fram til afgreiðslu drög að samstarfssamningi Grundarfjarðarbæjar við UMFG, en íþrótta- og tómstundafulltrúi hefur rætt við fulltrúa félagsins um málið.



Einnig lagður fram listi yfir verkefni sem formaður UMFG hefur sinnt og óskar UMFG eftir stuðningi bæjarins til að ráða framkvæmdastjóra félagsins í 50% stöðu.



Lagðar fram upplýsingar um aðkomu nágrannasveitarfélaga til íþróttafélaga vegna framkvæmdastjórastöðu.

Lagt fram erindi Lionsklúbbs Grundarfjarðar í tölvupósti dags. 11. febrúar 2026.

Lagður fram tölvupóstur Magneu Marinósdóttur varðandi fræðslu fyrir innflytjendur í aðdraganda sveitarstjórnarkosninga.



Magnea fékk styrk úr Þróunarsjóði innflytjendamála til að standa fyrir fræðsluvinnustofum fyrir innflytjendur. Verkefnið er í beinu framhaldi af fyrra verkefni sem hún var með fyrir síðustu Alþingiskosningar.



Bæjarstjóri, skrifstofustjóri og forstöðumaður menningar- og markaðsmála áttu fjarfund með Magneu sl. mánudag. Fyrsta lausa helgin hjá Magneu er 17.-18. apríl nk.



Lagt fyrir bæjarráð til ákvörðunar um að halda slíka vinnustofu.



Til skoðunar væri einnig, hvort halda ætti sérstaka kynningu fyrir fólk með annað móðurmál (helst í mars) um verkefni bæjarstjórnar/bæjarins almennt og að túlkar yrðu hafðir með.

Lögð fram til kynningar starfsskýrsla Ungmennafélags Grundarfjarðar mars 2025 - febrúar 2026.

Lagður fram til kynningar ársreikningur UMFG fyrir árið 2025.

Lögð fram til kynningar gögn Markaðsstofu Vesturlands um almyrkva á sólu 12. ágúst nk.



Einnig minnispunktar Pálma Jóhannssonar, forstöðumanns menningar- og markaðsmála um málefnið.



Málið er í undirbúningi og er Pálmi okkar aðaltengiliður vegna þess.

Lagt fram til kynningar bréf bæjarstjóra dags. 17. febrúar sl. í samráðsgátt um umsögn bæjarins um frumvarp til laga um breytingu á ýmsum lögum vegna einföldunar regluverks og aukinnar skilvirkni eftirlits með hollustuháttum og mengunarvörnum.

Lögð fram til kynningar staðfesting á vottun Earth Check árið 2026, en þetta er í 16. skipti sem sveitarfélögin á Snæfellsnesi hljóta vottunina.

Lögð fram til kynningar fundargerð 200. fundar Heilbrigðisnefndar Vesturlands sem haldinn var 12. febrúar sl., ásamt bréfi Heilbrigðiseftirlits Norðurlands vestra til Vegagerðarinnar og bréfi Umhverfis-, orku- og loftslagsráðuneytisins til Samtaka heilbrigðiseftirlitssvæða á Íslandi.

Lagt fram til kynningar bréf Lánasjóðs sveitarfélaga þar sem auglýst er eftir framboðum í stjórn Lánasjóðsins.

Lögð fram tilkynning Samtaka sjávarútvegssveitarfélaga um Sjávarútvegsfund 2026 sem haldinn verður 4. mars nk. á Akureyri.

Lagt fram til kynningar bréf Resource International ehf. varðandi ráðstefnu um málaflokk urðunar á Íslandi, en ráðstefnan verður haldin 20. mars nk.