Farið yfir atvik þar sem bátur fauk á hliðina á efnisgeymslusvæði. Er atvikið rakið til ófullnægjandi frágangs af hálfu eiganda bátsins. Talsvert magn eldsneytis kann að hafa lekið. Ekki hefur verið sótt um stöðuleyfi vegna bátsins sem var geymdur þarna án leyfis frá bænum. Slökkvilið Grundarfjarðar mat aðstæður á vettvangi og taldi ekki að um bráðamengunaratvik væri að ræða, en að æskilegt væri að báturinn yrði fjarlægður við fyrsta tækifæri til að hægt væri að leggja mat á umfang lekans og taka ákvörðun um næstu skref.