15. fundur 27. október 2026 kl. 11:30 - 12:30 í Ráðhúsi Grundarfjarðar
Nefndarmenn
  • Karl Jóhann Haagensen
Starfsmenn
  • Guðmundur Rúnar Svansson (GRS) starfsmaður umhverfis- og skipulagssviðs
Fundargerð ritaði: Karl Jóhann Haagensen Byggingarfulltrúi
Dagskrá

1.Bátur á iðnaðarsvæði

Málsnúmer 2610024Vakta málsnúmer

Farið yfir atvik þar sem bátur fauk á hliðina á efnisgeymslusvæði. Er atvikið rakið til ófullnægjandi frágangs af hálfu eiganda bátsins. Talsvert magn eldsneytis kann að hafa lekið. Ekki hefur verið sótt um stöðuleyfi vegna bátsins sem var geymdur þarna án leyfis frá bænum. Slökkvilið Grundarfjarðar mat aðstæður á vettvangi og taldi ekki að um bráðamengunaratvik væri að ræða, en að æskilegt væri að báturinn yrði fjarlægður við fyrsta tækifæri til að hægt væri að leggja mat á umfang lekans og taka ákvörðun um næstu skref.
Samkvæmt gr. 2.6.1. í byggingarreglugerð 112/2012 eru bátar stöðuleyfisskyldir lausafjármunir. Samkvæmt gr. 2.6.2. hefur byggingarfulltrúi heimild til að krefjast þess að eigandi fjarlægi bátinn innan hæfilegs frests. Ennfremur er það mat byggingarfulltrúa eftir skoðun á vettvangi að frágangur sé enn ófullnægjandi og báturinn uppfylli því ekki kröfur um frágang sem koma fram í gr. 2.6.1. Verður því farið fram á það við eiganda að hann fjarlægi bátinn. Að öðrum kosti hefur byggingarfulltrúi heimild til að láta fjarlægja bátinn á kostnað eiganda, sbr. gr. 2.6.2.

2.Bygging svala [Heimilisfang fjarlægt]

Málsnúmer 2610023Vakta málsnúmer

Eigandi húss við [...] hefur hafið smíði timbursvala á efri hæð einbýlishúss síns án þess að leggja fram byggingarleyfisumsókn. Um er að ræða byggingarleyfisskylda framkvæmd. Ennfremur kann að vera um ræða útlitsbreytingu. Ekki er til deiliskipulag fyrir svæðið. Áður voru steyptar svalir á 2. hæð hússins, sbr. aðaluppdrátt.
Þjónustufulltrúa falið að afla frekari upplýsinga frá framkvæmdaraðila, þar á meðal um útlit hússins áður en upprunalegar svalir voru fjarlægðar. Að öðru leyti er afgreiðslu frestað.

3.Fyrirspurn vegna Grundargötu 13A

Málsnúmer 2610022Vakta málsnúmer

Eigandi Grundargötu 13A fyrirhugar að skipta um tvær útidyrahurðir og sækir um samþykki fyrir þeim. Ennfremur hyggst hann setja aftur upp útidyr sem áður höfðu staðið út í garð en verið fjarlægðar og útvegg lokað. Útlit hurða breytist en stærð ekki. Garðdyrnar eru í samræmi við aðaluppdrátt hússins. Ekki er um að ræða útlitsbreytingu á húsi að öðru leyti.
Skv. gr. 2.3.5.a. í byggingarreglugerð 112/2012 telst allt viðhald utanhúss og innan undanþegið byggingarleyfi og er ennfremur ekki tilkynningarskylt. Ekki þarf því leyfi til að skipta um útidyrahurðir, enda ekki um útlitsbreytingu að ræða. Hvað varðar nýjar dyr á bakhlið húss, þá eru þær í samræmi við gildandi aðaluppdrátt, og teljast því einnig til viðhaldsframkvæmda. Fyrirhugaðar framkvæmdir eru því ekki leyfisskyldar.

Byggingarfulltrúi leggur til við bæjarstjórn að afgreiðslugjald vegna umsóknar falli niður.

4.Leikskólinn Sólvellir umsókn um stöðuleyfi fyrir bambahúsi

Málsnúmer 2506035Vakta málsnúmer

Sótt um endurnýjun stöðuleyfis vegna bambahúss.
Umsókn samþykkt

5.Grunnskóli stöðuleyfi bambahús

Málsnúmer 2410023Vakta málsnúmer

Sótt um endurnýjun stöðuleyfis fyrir bambahús.
Umsókn samþykkt

6.Slökkvilið - umsókn um stöðuleyfi á gám

Málsnúmer 1409004Vakta málsnúmer

Sótt er um endurnýjun á stöðuleyfi. Stöðuleyfi upphaflega gefið út 2014 og stöðuleyfisgjald þá fellt niður. Um er að ræða gám sem notaður er til æfinga af slökkviliði Grundarfjarðarbæjar. Fyrirhugað er að flytja gáminn innan tíðar.
Umsókn samþykkt.

7.Önnur mál byggingarfulltrúa 2026-2030

Málsnúmer 2610025Vakta málsnúmer

Til umræðu undir þessum lið eru nokkur fráviksmál.
Þjónustufulltrúa falið að afla frekari upplýsinga vegna nokkurra mála þar sem stöðuleyfisskyldir gámar kunna að hafa verið tengdir við rafmagn, og eftir atvikum að leiðbeina eigendum um framhaldið. Einnig að senda út fyrirspurnir vegna stöðuleyfisskyldra lausafjármuna þar sem ekki hefur verið sótt um stöðuleyfi eða þau ekki endurnýjuð. Endurnýja þarf stöðuleyfi árlega. Því til viðbótar farið yfir nokkur fráviksmál.

Fundi slitið - kl. 12:30.