Bæjarráð

Hildur Sæmundsdóttir, Patricia Laugesen og Anna Júlía Skúladóttir, f.h. Fellaskjóls sátu fundinn undir þessum lið. Í upphafi var þeim þakkað fyrir vel unnin störf við rekstur heimilisins.

Umræður um framkvæmdir við stækkun dvalarheimilisins og fjármögnun þeirra. Stjórn Dvalarheimilisins Fellaskjóls og Grundarfjarðarbær munu skoða betur möguleika á auknu framlagi til framkvæmdanna frá ríkinu.

Fellaskjól hefur sótt um heimildir fyrir þremur nýjum hjúkrunarrýmum til heilbrigðisyfirvalda, en verið hafnað. Þörfin er mikil þar sem átta manns eru á biðlista fyrir hjúkrunarrými.

Bæjarráð Grundarfjarðarbæjar lýsir yfir áhyggjum af þessari stöðu og augljósum skorti á viðbótarhjúkrunarrýmum. Með hækkandi aldri bæjarbúa hefur skapast aukin þörf á slíkum úrræðum.

Rætt um fjárframlag bæjarins til Fellaskjóls, en Grundarfjarðarbær mun veita styrk til heimilisins sem nemur afborgunum húsnæðislána vegna viðbyggingarinnar. Auk þess liggur fyrir samþykkt um fjárstyrk vegna byggingaleyfisgjalda nýbyggingarinnar.

Bæjarráð leggur til að veittur sé styrkur til Fellaskjóls vegna gatnagerðargjalda nýbyggingarinnar.

Samþykkt samhljóða.

Bæjarstjóra falið að endurskoða samning við Fellaskjól um matarsendingar til eldri borgara, í samráði við forstöðumann heimilisins.

Samþykkt samhljóða.

Lagt fram yfirlit yfir lausafjárstöðu.

Lagt fram yfirlit yfir greitt útsvar janúar-desember 2018. Skv. yfirlitinu hefur greitt útsvar í Grundarfirði hækkað um 10,4% milli áranna 2017 og 2018.

Lagt fram yfirlit sem sýnir samþykkta launaáætlun 2018, raunlaun ársins og mismun áætlunar og raunlauna niður á deildir. Launagreiðslur ársins voru 3,2 millj. kr. lægri en áætlun gerði ráð fyrir.

Launakrafa fv. skipulags- og byggingafulltrúa, krafa um lausnarlaun í kjölfar starfsloka.

Bókað í trúnaðarmálabók.

Lagt fram bréf Samtaka sveitarfélaga á Vesturlandi (SSV), dags. 3. janúar sl. ásamt drögum að velferðarstefnu Vesturlands. Óskað er umsagnar um velferðarstefnuna fyrir 15. febrúar nk.

Bæjarráð fagnar því að unnin sé velferðarstefna fyrir Vesturland sameiginlega. Umræður urðu um stefnudrögin. Bæjarráð felur bæjarstjóra að birta stefnudrögin á vefsíðu bæjarins og gefa íbúum og öðrum hagsmunaaðilum kost á að senda inn ábendingar og athugasemdir. Afgreiðslu vísað til febrúarfundar bæjarstjórnar.

Samþykkt samhljóða.

Lögð fram til kynningar ársskýrsla Persónuverndar 2017.

Lagður fram til kynningar tölvupóstur Sambands íslenskra sveitarfélaga vegna breytinga á kjarasamningi Skólastjórafélags Íslands og Samninganefndar sveitarfélaga.

Lagður fram til kynningar samningur við Útilegukortið ehf.

Lagt fram til kynnningar fundarboð Uppbyggingarsjóðs EES sem haldinn verður 25. janúar nk.

Lagt fram til kynningar bréf Samgöngu- og sveitarstjórnarráðuneytisins frá 21. janúar sl. varðandi áður sent svarbréf bæjarins um fjárhagsáætlun ársins 2016.