Krakka-Rökkur-Rokk

Vikuna 5.-11. október verður haldin sannkölluð rokkveisla í Grundarfirði þar sem ungir tónlistarmenn eiga sviðið. Frá mánudegi til föstudags verða litlir rokktónleikar/gjörningar/sýningar hér og þar um bæinn, í heimahúsum, bílskúrum, görðum eða hvar sem listamönnum dettur í hug. 

Enn er pláss fyrir fleiri atriði af rokktengdum uppákomum frá þriðjudegi til fimmtudags. Kröfurnar eru þær að þetta sé rokktónlist og krakkar/ungt fólk sé í sviðsljósinu en þó mega fullorðnir vera með af krakkarnir óska þess. Forráðamenn aðstoða sitt unga fólk við sína gjörninga. 

Áhugasamir foreldrar og krakkar geta haft samband við Eini Huga og Guðbrand Gunnar (gunninn67@gmail.com) eða Helgu Sjöfn hjá Grundarfjarðarbæ (helgasjofn@grundarfjordur.is).

 

Á laugardag og sunnudag verða tónleikar með hljómsveitum og rokk-kór haldnir í Samkomuhúsi Grundarfjarðar. 

 

Dagskráin verður auglýst á allra næstu dögum!