Hraðahindranir og umferðamerkingar

Skipulags- og umhverfisnefnd, ræddi gerð og staðsetningu hraðahindrana og einnig bílastæði við grunnskólann.
Nefndin ætlar að kynna sér gerð og staðsetningu hraðahindrana betur.

Nefndin ræddi staðsetningu og gerð hraðahindrana.
Upphækkaðar hraðahindranir við grunnskóla, Hrannarstígur við Smiðjustíg, Grundargata við Sæból. Þrengingar eða önnur gerð hraðahindranna á Sæbóli, Ölkelduvegur (?) og Borgarbraut við gatnamót Hlíðarvegar(?)
Byggingarfulltrúa falið að leggja fram hugmyndir að hraðahindrunum.

Skipulags- og umhverfisnefnd leggur til tvenns konar hraðahindranir verði settar niður. Annarsvegar upphækkaðar hraðahindranir við Grunnskóla ofan við innkeyrslu að ráðhúsi, á Hrannarstíg við Smiðjustíg og Grundargötu við Sæból. Hinsvegar umferðaþrengingar (Sóley frá Íslandshús eða sambærilegar)á Sæból og Ölkelduveg.

Einnig finnst okkur mikilvægt að gangstéttir fyrir börn á leið í skóla séu kláraðar.

Skipulags- og umhverfisnefnd, sem jafnframt fer með hlutverk umferðarnefndar, tekur jákvætt í hugmyndir um að prófa mismunandi útfærslur af hraðahindrunum, eða hraðalækkandi aðgerðum, á Grundargötu og öðrum viðkvæmum stöðum í bænum.

Verkefnisstjóra skipulags- og umhverfismála falið að vinna áfram að málinu.