Málsnúmer 2011003F

Vakta málsnúmer

Bæjarstjórn - 243. fundur - 26.11.2020

Bæjarstjórn samþykkir samhljóða fundargerð 560. fundar bæjarráðs.
  • .1 2003018 Viðbúnaður vegna COVID-19
    Bæjarráð - 560 Lagt til að bæjarráð samþykki að endurnýja heimild nefnda og ráða bæjarins til að halda fundi sína sem fjarfundi, í samræmi við nýja heimild útgefna af samgöngu- og sveitarstjórnarráðherra, sem gildir til 10. mars 2021. Ákvörðunin er í samræmi við áður útgefnar samþykktir bæjarstjórnar og bæjarráðs á grunni fyrri sambærilegra heimilda ráðherra.

    Samþykkt samhljóða.
  • .2 2009045 Fjárhagsáætlun 2021
    Bæjarráð - 560 Lögð fram drög að launaáætlun ásamt drögum að rekstraráætlun A- og B-hluta bæjarsjóðs vegna ársins 2021. Jafnframt lagt fram yfirlit yfir fjárfestingaóskir næsta árs.

    Á þessu stigi fjárhagsáætlunarvinnunnar lítur út fyrir verulegt tekjutap, auk þess sem hækkanir vegna nýgerðra kjarasamninga eru þungar í skauti. Rekstrarniðurstaða ársins stefnir því í að vera neikvæð.

    Fjárhagsáætlun 2021 vísað til fyrri umræðu í bæjarstjórn.

    Samþykkt samhljóða.
  • .3 2010039 Fjárhagsáætlun Grundarfjarðarhafnar 2021
    Bæjarráð - 560 Lögð fram fjárhagsáætlun Grundarfjarðarhafnar vegna ársins 2021 ásamt fundargerð 12. fundar hafnarstjórnar.
  • .4 2011018 Sorpurðun Vesturlands - Hækkun urðunargjalda
    Bæjarráð - 560 Lagður fram tölvupóstur frá Sorpurðun Vesturlands þar sem tilkynnt er um 5% hækkun urðunargjalda frá 1. janúar 2021.
  • .5 2010027 Fasteignagjöld 2021
    Bæjarráð - 560 Lögð fram drög að áætlun fasteignagjalda 2021 ásamt samanburði og yfirliti yfir kostnað við sorpgjöld árin 2011-2020.

    Lagt til að sorpgjald hækki úr 45.000 kr. í 48.000 kr. á ári og að sorpgjald sumarhúsa hækki úr 17.500 kr. í 18.700 kr. á ári. Við þá breytingu hækka fasteignagjöld um 0,1% milli ára.

    Samþykkt samhljóða.
  • .6 2010028 Gjaldskrár 2021
    Bæjarráð - 560 Lagt fram yfirlit yfir breytingu tekna við breytingar á gjaldskrám ásamt samanburði.

    Lagt til að þjónustugjaldskrár 2021 hækki um 2,5%.

    Samþykkt samhljóða.
  • .7 2010013 Styrkumsóknir og afgreiðsla 2021
    Bæjarráð - 560 Lagt fram yfirlit yfir styrkumsóknir vegna ársins 2021 ásamt umsóknum og greinargerðum.

    Lagt til að styrkveitingar ársins 2021, að undanskyldum Golfklúbbnum Vestarr, verði eins og árið 2020.

    Samþykkt samhljóða.

    GS vék af fundi undir umræðu um Golfklúbbinn Vestarr.

    Lagt til að styrkveitingar ársins 2021 til Golfklúbbsins Vestarr verði eins og árið 2020.

    Samþykkt samhljóða.

    GS tók aftur sæti sitt á fundinum.
     Bókun fundar Til máls tóku JÓK, GS, UÞS, HK, RG og BS.
  • .8 2002021 Snæfellingshöllin - Erindi Hesteigendafélagsins um eignarhald
    Bæjarráð - 560 Jónas Gestur Jónasson, endurskoðandi hjá Deloitte, og Hinrik Konráðsson sátu fundinn undir þessum lið gegnum fjarfundabúnað.

    Rætt var um eignarhluta, verðútreikning og verðmæti Snæfellingshallarinnar ehf.

    Bæjarráð vísar tillögu að endanlegu uppgjöri til bæjarstjórnar skv. umræðum á fundinum.

    Samþykkt samhljóða.
  • .9 1801048 Sögumiðstöðin
    Bæjarráð - 560 Lögð fram drög að samningi við Ildi ehf um ráðgjöf og vinnu við breytingar á húsnæði og starfsemi Sögumiðstöðvar.

    Kostnaður vegna samnings við Ildi ehf. mun verða greiddur af sjóði sem greitt hefur verið árlega inn á vegna samnings við Eyrbyggju-Sögumiðstöð.

    Bæjarstjóra falið að ganga frá samningnum við Ildi ehf.

    Samþykkt samhljóða.
  • .10 1901008 SSV - Velferðarstefna Vesturlands
    Bæjarráð - 560 Lagður fram til kynningar tölvupóstur Samtaka sveitarfélaga á Vesturlandi og samskipti varðandi vinnuhóp um öldrunarmál.
  • .11 2010023 Samband íslenskra sveitarfélaga - Uppbyggingarteymi stöðuskýrsla 6
    Bæjarráð - 560 Lögð fram til kynningar stöðuskýrsla félagsmálaráðuneytisins varðandi uppbyggingu félags- og atvinnumála í kjölfar Covid-19.
  • .12 2010034 Leigufélagið Bríet - Kynning 21.okt 2020 fyrir sveitarfélögum á Vesturlandi
    Bæjarráð - 560 Lögð fram til kynningar kynning Leigufélagsins Bríet ehf. sem kynnt er sveitarfélögum.
  • .13 2010022 SSV - Fjórða iðnbyltingin - styrkir til framhaldsskóla á Vesturlandi
    Bæjarráð - 560 Lagt fram til kynningar fréttabréf SSV, þar sem m.a. er fjallað um styrki til framhaldsskóla á Vesturlandi.
  • .14 2011022 Alþingi - Til umsagnar 49. mál frá nefndarsviði Alþingis
    Bæjarráð - 560 Lagður fram til kynningar tölvupóstur nefndarsviðs Alþingis varðandi tillögu til þingsályktunar um aðgerðir í þágu sveitarfélaga vegna heimsfaraldurs kórónuveiru.