Bæjarráð

Lagt til að bæjarráð samþykki að endurnýja heimild nefnda og ráða bæjarins til að halda fundi sína sem fjarfundi, í samræmi við nýja heimild útgefna af samgöngu- og sveitarstjórnarráðherra, sem gildir til 10. mars 2021. Ákvörðunin er í samræmi við áður útgefnar samþykktir bæjarstjórnar og bæjarráðs á grunni fyrri sambærilegra heimilda ráðherra.

Samþykkt samhljóða.

Lögð fram drög að launaáætlun ásamt drögum að rekstraráætlun A- og B-hluta bæjarsjóðs vegna ársins 2021. Jafnframt lagt fram yfirlit yfir fjárfestingaóskir næsta árs.

Á þessu stigi fjárhagsáætlunarvinnunnar lítur út fyrir verulegt tekjutap, auk þess sem hækkanir vegna nýgerðra kjarasamninga eru þungar í skauti. Rekstrarniðurstaða ársins stefnir því í að vera neikvæð.

Fjárhagsáætlun 2021 vísað til fyrri umræðu í bæjarstjórn.

Samþykkt samhljóða.

Lögð fram fjárhagsáætlun Grundarfjarðarhafnar vegna ársins 2021 ásamt fundargerð 12. fundar hafnarstjórnar.

Lagður fram tölvupóstur frá Sorpurðun Vesturlands þar sem tilkynnt er um 5% hækkun urðunargjalda frá 1. janúar 2021.

Lögð fram drög að áætlun fasteignagjalda 2021 ásamt samanburði og yfirliti yfir kostnað við sorpgjöld árin 2011-2020.

Lagt til að sorpgjald hækki úr 45.000 kr. í 48.000 kr. á ári og að sorpgjald sumarhúsa hækki úr 17.500 kr. í 18.700 kr. á ári. Við þá breytingu hækka fasteignagjöld um 0,1% milli ára.

Samþykkt samhljóða.

Lagt fram yfirlit yfir breytingu tekna við breytingar á gjaldskrám ásamt samanburði.

Lagt til að þjónustugjaldskrár 2021 hækki um 2,5%.

Samþykkt samhljóða.

Lagt fram yfirlit yfir styrkumsóknir vegna ársins 2021 ásamt umsóknum og greinargerðum.

Lagt til að styrkveitingar ársins 2021, að undanskyldum Golfklúbbnum Vestarr, verði eins og árið 2020.

Samþykkt samhljóða.

GS vék af fundi undir umræðu um Golfklúbbinn Vestarr.

Lagt til að styrkveitingar ársins 2021 til Golfklúbbsins Vestarr verði eins og árið 2020.

Samþykkt samhljóða.

GS tók aftur sæti sitt á fundinum.

Jónas Gestur Jónasson, endurskoðandi hjá Deloitte, og Hinrik Konráðsson sátu fundinn undir þessum lið gegnum fjarfundabúnað.

Rætt var um eignarhluta, verðútreikning og verðmæti Snæfellingshallarinnar ehf.

Bæjarráð vísar tillögu að endanlegu uppgjöri til bæjarstjórnar skv. umræðum á fundinum.

Samþykkt samhljóða.

Lögð fram drög að samningi við Ildi ehf um ráðgjöf og vinnu við breytingar á húsnæði og starfsemi Sögumiðstöðvar.

Kostnaður vegna samnings við Ildi ehf. mun verða greiddur af sjóði sem greitt hefur verið árlega inn á vegna samnings við Eyrbyggju-Sögumiðstöð.

Bæjarstjóra falið að ganga frá samningnum við Ildi ehf.

Samþykkt samhljóða.

Lagður fram til kynningar tölvupóstur Samtaka sveitarfélaga á Vesturlandi og samskipti varðandi vinnuhóp um öldrunarmál.

Lögð fram til kynningar stöðuskýrsla félagsmálaráðuneytisins varðandi uppbyggingu félags- og atvinnumála í kjölfar Covid-19.

Lögð fram til kynningar kynning Leigufélagsins Bríet ehf. sem kynnt er sveitarfélögum.

Lagt fram til kynningar fréttabréf SSV, þar sem m.a. er fjallað um styrki til framhaldsskóla á Vesturlandi.

Lagður fram til kynningar tölvupóstur nefndarsviðs Alþingis varðandi tillögu til þingsályktunar um aðgerðir í þágu sveitarfélaga vegna heimsfaraldurs kórónuveiru.