Málsnúmer 2211045

Vakta málsnúmer

Skipulags- og umhverfisnefnd - 244. fundur - 12.12.2022

Vélsmiðja Grundarfjarðar leggur fram umsókn um byggingarleyfi vegna viðbyggingar við Ártún 3. Um er að ræða seinni hluta viðbyggingar, en fyrri hlutinn var byggður vorið 2020.
Framlögð gögn eru í samræmi við gildandi deiliskipulag fyrir lóðina, að undanskildu misræmi í upplýsingum um nýtingarhlutfall á teikningunni sjálfri.

Skipulags- og umhverfisnefnd felur byggingarfulltrúa að gefa út byggingarleyfi með fyrirvara um að nýtingarhlutfall á lóðinni sé í samræmi við gildandi deiliskipulag (hámark 0,32) og að öllum skilyrðum 2.4.4. gr. byggingarreglugerðar nr. 112/2012 m.s.br. uppfylltum.

Afgreiðslufundir byggingarfulltrúa - 2. fundur - 02.08.2023

Vélsmiðja Grundarfjarðar sækir um byggingarheimild vegna viðbyggingar við Ártún 3. Um er að ræða seinni hluta viðbyggingar en fyrri hlutinn var byggður vorið 2020.



Á 266. fundi bæjarstjórnar staðfesti bæjarstjórn bókun skipulags- og umhverfisnefndar á fundi nr. 244 vegna málsins en í afgreiðslunni fól nefndin byggingarfulltrúa að gefa út byggingarleyfi með fyrirvara um að nýtingarhlutfall á lóðinni sé í samræmi við gildandi deiliskipulag.

Í ljós kom við afgreiðslu máls að matshluti 01 var rangt skráður. Lóðarhafi hefur skilað inn uppfærðum aðaluppdráttum dags. 01.08.2023 ásamt uppfærðum skráningartöflum fyrir matshluta 01, 02 og 03.
Eftir leiðréttingu á skráningu er nýtingarhlutfallið 0,33 en samkvæmt deiliskipulagi er hámarks nýtingarhlutfall 0,32. Byggingarfulltrúi lítur svo á að aukið nýtingarhlutfall sem nemi 0,01 sé óveruleg breyting og hagsmunir nágranna skerðist í engu hvað varðar landnotkun, útsýni, skuggavarp eða innsýn.

Með vísan í 2. og 3. mgr. 43. gr skipulagslaga nr. 123/2010 getur sveitarstjórn heimilað að vikið sé frá kröfum 2. mgr. um breytingu á deiliskipulagi og grenndarkynningu þegar um svo óveruleg frávik er að ræða að hagsmunir nágranna skerðist í engu hvað varðar landnotkun, útsýni skuggavarp eða innsýn.

Þar sem ofangreint frávik á nýtingarhlutfalli er svo óverulegt, óskar byggingarfulltrúi eftir staðfestingu bæjarstjórnar til útgáfu byggingarheimildar í samræmi við 3. mgr. 43. gr. skipulagslaga nr. 123/2010 og að uppfylltum skilyrðum 2.3.8 grein í byggingarreglugerð 112/2012 með áorðnum breytingum.