OP-5 Útivistarkraginn

Tillaga lögð fram um að stofna samráðshóp, skipaðan fulltrúum úr helstu nefndum bæjarins, til að undirbúa uppbyggingu OP-5, útivistarkraga ofan byggðar. Hópurinn hafi það hlutverk að vinna með hagaðilum að því að rýna svæðið ofan byggðar, skv. aðalskipulagsskilmálum, og draga fram helstu óskir og forsendur fyrir nýtingu svæðisins.

Bæjarstjórn hefur samþykkt samhljóða framlagða tillögu verkefnisstjóra skipulags- og umhverfismála, íþrótta- og tómstundafulltrúa og forstöðumanns menningar- og markaðsmála, um að stofna samráðshóp um skipulag og nýtingu útivistarkragans ofan þéttbýlis (OP-5). Þremenningarnir leggja til að samráðshópurinn sé skipaður aðilum úr þeim nefndum er málið varðar, þ.e. skipulags- og umhverfisnefnd, íþrótta- og tómstundarnefnd og menningarnefnd (aðilar úr öðrum nefndum kallaðir inn eftir þörfum). Hlutverk samráðshópsins verði að fá hagaðila saman að borðinu til þess að mynda sameiginlega sýn um svæðið, forsendur fyrir frekari ákvörðunum og uppbyggingu.



Óskað er eftir að íþrótta- og tómstundarnefnd tilnefni aðila til þess að sitja í þessum samráðshóp.



Nanna Vilborg Harðardóttir verkefnisstjóri skipulags- og umhverfismála hjá Grundarfjarðarbæ kom inn á fundinn.

Óskað er eftir að skipulags- og umhverfisnefnd tilnefni fulltrúa í samráðshóp um skipulag og nýtingu útivistarkragans ofan þéttbýlis.



Bæjarstjórn hefur samþykkt samhljóða framlagða tillögu verkefnisstjóra skipulags- og umhverfismála, íþrótta- og tómstundafulltrúa og forstöðumanns menningar- og markaðsmála, um að stofna samráðshóp um skipulag og nýtingu útivistarkragans ofan þéttbýlis (OP-5). Þar var lagt til að samráðshópurinn sé skipaður aðilum úr þeim nefndum er málið varðar, þ.e. skipulags- og umhverfisnefnd, íþrótta- og tómstundanefnd og menningarnefnd (aðilar úr öðrum nefndum kallaðir inn eftir þörfum). Hlutverk samráðshópsins verði að fá hagaðila saman að borðinu til þess að mynda sameiginlega sýn um svæðið og ákveða forsendur fyrir frekari ákvörðunum og uppbyggingu, í samræmi við aðalskipulag.