Skipulags- og umhverfisnefnd

Halldóra Hreggviðsdóttir og Herborg Árnadóttir skipulagsráðgjafar hjá Alta eru gestir fundarins undir þessum lið, í fjarfundi.

Herborg fer yfir hugmyndir að frekari breytingum sem skoðaðar hafa verið til að koma til móts við athugasemdir sem komið hafa fram og sýnir hvernig þær gætu litið út. Meðal annars farið yfir vegtengingu við hafnarsvæði austan landfyllingar, lækkað nýtingarhlutfall og byggingarmagn á lóðum númer 6-14, hætt er við metralóðir og þess í stað komnar minni lóðir frá 7-17 en mögulega með heimild til sameininga þeirra. Þá er búið að auka svæðið umhverfis Gilós. Rætt um göngustíg eftir Lengju og lagt til að setja kvöð um samræmt útlit á suðurenda lóða við hann. Rætt um útlit og hönnun.

Rætt er um hugmyndir sem fram komu um að áfangaskipta landfyllingunni. Hafnarstjóri greinir frá samtölum við Vegagerðina þar sem niðurstaðan varð að það sé ekki raunhæft verklag vegna stóraukins kostnaðar.

Björg greinir frá fundi sem hún átti með einum húseiganda við Grundargötu. Hún leggur til að haldinn verði annar lokaður fundur með eigendum fasteigna í Gröf og á norðanverðri Grundargötu við skipulagssvæðið til samtals og skýringa og var það samþykkt.

Skipulagsfulltrúa falið að vinna áfram ásamt hafnarstjórn að útfærslu á deiliskipulagstillögu.

Tillögur verða aftur teknar fyrir hjá skipulags- og umhverfisnefnd áður en þær verða lagðar fram til auglýsingar.

Hafsteinn Garðarsson hafnarstjóri er gestur fundarins undir þessum lið.

Hafnarstjóri fór yfir samskipti við fyrri eigendur hússins og aðdraganda þess að heimild var sett í deiliskipulagstillögu um að skipta upp lóðinni.

Skipulagsfulltrúi greindi frá því að hann hafi rætt símleiðis við fyrirspyrjanda og þeir hyggist funda við tækifæri.

Skipulagsfulltrúa falið að ræða við lóðarhafa um efni fyrirspurnar, í samráði við hafnarstjóra og bæjarstjóra.

Farið var yfir athugasemd sem barst frá eigendum Árbrekku. Þeir lýsa yfir ánægju með fyrirhuguð áform í heild sinni en fara fram á að tekið verði tillit til nokkurra atriða. Skipulagsfulltrúa falið að ræða við framkvæmdaraðila um ábendingar um tilhögun framkvæmda og samráð vegna lagna í jörðu og koma á framfæri óskum eigenda Árbrekku hvað varðar hönnun lýsingar.

Skipulagsfulltrúi fær umboð til að samþykkja fyrirhuguð áform að teknu tilliti til þessara ábendinga.

Undir þessum lið var rætt um nefnda ljósmengun frá Grundarfjarðarhöfn vegna sterkrar flóðlýsingar á bryggju og skipum, sbr. ábendingar.

Heiðrún Hallgrímsdóttir víkur af fundi undir þessum lið.

Samþykkt að heimila stækkun innkeyrslu um 3 metra þannig að hún verði alls 5 metrar, en það er almennt breidd innkeyrslna í hverfinu. Verkefnisstjóra skipulags- og umhverfismála falið að hafa fyrirhugaða breikkun innkeyrslu til hliðsjónar við hönnun götunnar í samráði við lóðarhafa.

Heiðrún tók aftur sæti sitt á fundinum.

Skipulags- og umhverfisnefnd samþykkir fyrir sitt leyti stöðuleyfisumsóknina en með fyrirvara um að í vinnslu er ný samþykkt og gjaldskrá fyrir stöðuleyfi (sbr. lið 7).

Skipulagsfulltrúa falið að ræða við umsækjanda og veitt umboð til að gefa út stöðuleyfi þegar bæjarstjórn hefur samþykkt reglur og gjaldskrá stöðuleyfa. Skipulagsfulltrúa ennfremur falið að ræða við aðra stöðuleyfishafa á miðbæjarreit um reitinn og fyrirkomulag þar.

Heiðrún Hallgrímsdóttir tilnefnd af skipulags- og umhverfisnefnd sem fulltrúi í samráðshópinn.

Rætt um gerð nýrrar samþykktar stöðuleyfa og gjaldskrá stöðuleyfa.
Farið yfir gjaldskrár annarra sveitarfélaga á Vesturlandi. Rætt um kostnað við útgáfu stöðuleyfis, vinnu við utanumhald um málaflokkinn og vanhöld á að sótt sé um stöðuleyfi í samræmi við byggingarreglugerð.

Skipulagsfulltrúa falið að vinna að nýrri samþykkt um stöðuleyfi á grundvelli umræðna.

Gjaldskrá stöðuleyfa heyrir undir bæjarstjórn en ekki skipulags- og umhverfisnefnd, en nefndin setur sig ekki upp á móti að flokkum stöðuleyfa sé fækkað og að stöðuleyfisgjaldi sé breytt eða stillt upp þannig að það endurspegli kostnað við útgáfu stöðuleyfa og utanumhald um málaflokkinn. Ennfremur telur nefndin að fullt tilefni sé til að setja sérstaka samþykkt um söluvagna og ef til vill sérstakt gjald á þá.