Lagðir fram ársreikningar samstæðu og sjóða vegna ársins 2025 til fyrri umræðu í bæjarstjórn.
Jónas Gestur Jónasson, endurskoðandi og Marinó Mortensen, frá Deloitte, sátu fundinn undir þessum lið. Þeir fóru yfir helstu tölur í ársreikningi 2025.
Allir tóku til máls.
Rekstrartekjur samstæðunnar námu 2.011 millj. kr., en fjárhagsáætlun gerði ráð fyrir 1.959,1 millj. kr. Rekstrartekjur A-hluta námu 1.632,3 millj. kr. en áætlun gerði ráð fyrir 1.616,8 millj. kr. Rekstrarniðurstaða samkvæmt samanteknum ársreikningi A og B hluta var jákvæð um 179,5 millj. kr. Fjárhagsáætlun samstæðu með viðauka gerði ráð fyrir 111,9 millj. kr. jákvæðri niðurstöðu. Sé litið til A hluta eingöngu, þá er rekstarafkoma A-hluta jákvæð á árinu um 58,8 millj. kr.
Eigið fé sveitarfélagsins í árslok 2025 nam 1.659,8 millj. kr. skv. efnahagsreikningi, þar af nam eigið fé A-hluta 1.178,5 millj. kr. Eiginfjárhlutfall var 37,56%, en var 35,01% árið áður. Heildarskuldir og skuldbindingar sveitarfélagsins námu 2.163,8 millj. kr., en námu 2.056,6 millj. kr. árið 2024. Skuldahlutfall skv. reglum um fjárhagsleg viðmið sveitarfélaga er 86,14% í samanteknum ársreikningi, en var 91,05% árið 2024. Hjá A-hluta var hlutfallið 84,31%, en var 88,89% á árinu 2024. Veltufé frá rekstri í samanteknum ársreikningi var 323,1 millj. kr. Framlegðarhlutfall rekstrar hjá samstæðunni var 18,75% en var 15,81% árið 2024. Handbært fé í árslok var 93,0 millj. kr., en var 61,4 millj. kr. árið áður.
Samþykkt samhljóða að vísa ársreikningi 2025 til síðari umræðu í bæjarstjórn.
Samþykkt samhljóða.