Málsnúmer 2606003F

Vakta málsnúmer

Bæjarráð - 658. fundur - 21.07.2026



Bæjarráð samþykkir samhljóða fundargerð 117. fundar íþrótta- og tómstundanefndar.
  • .1 2606042 Erindisbréf íþrótta- og tómstundanefndar 2026 - 2030
    Erindisbréf íþrótta- og tómstundanefndar lagt fram. Íþrótta- og tómstundanefnd - 117 Farið yfir erindisbréf íþrótta- og tómstundanefndar.

    Íþrótta- og tómstundanefnd samþykkti að formaður nefndarinnar verði Ragnheiður Dröfn Benidiktsdóttir og að varaformaður nefndarinnar verði Hallfríður Guðný Ragnarsdóttir . Jafnframt var samþykkt að ritari nefndarinnar verði Hinrik Konráðsson, starfsmaður íþrótta- og tómstundanefndar.

    Nýr formaður tók við stjórn fundarins.
  • .2 2606019 Siðareglur kjörinna fulltrúa
    Lagðar fram til kynningar við upphaf nefndarstarfs; Siðareglur fyrir kjörna fulltrúa hjá Grundarfjarðarbæ. Íþrótta- og tómstundanefnd - 117 Íþrótta-og tómstundafulltrúi fór yfir siðareglur fyrir kjörna fulltrúa.
  • .3 2606016 Fundartími nefnda
    Ákvörðun um reglulegan fundartíma eða heppilega fundardaga nefndarinnar. Íþrótta- og tómstundanefnd - 117 Nefndin mun að jafnaði funda á 6-8 vikna fresti. Nefndin telur ekki þörf á að ákveða fastan fundartíma, heldur mun hún koma sér saman um fundartíma hverju sinni.

    Nefndin ákvað að næsti fundur yrði þriðjudaginn 28. júlí.

    Fundir verða að jafnaði haldnir í Ráðhúsi Grundarfjarðar kl.17:00.
  • .4 2606043 Verkefni íþrótta- og tómstundanefndar
    Farið yfir hlutverk og verkefni nefndarinnar. Íþrótta- og tómstundanefnd - 117 Hlutverk íþrótta- tómstundarnefndar er tiltekið í erindisbréfi hennar. Rætt var um að nefndarmenn séu virkir í þátttöku og hugmyndavinnu, til þess að viðhalda sem áhrifaríkustu starfi í þágu íþrótta- og tómstundamála í bænum.

    Íþrótta- og tómstundanefnd leggur áherslu á mikilvægi þess að mótuð verði skýr framtíðarsýn fyrir íþrótta- og tómstundamál í Grundarfirði. Nefndin vill leggja sitt af mörkum við stefnumótunina og styðja við framgang hennar í samstarfi við bæjaryfirvöld, íþróttafélög og aðra hagaðila.
  • .5 2308001 Stígamál í Grundarfirði - Fjallahjólaleiðir
    Farið yfir stígamál á íþróttasvæðinu í Grundarfirði. Íþrótta- og tómstundanefnd - 117 Rætt um fyrirhugaða stígagerð í kringum skólann og íþróttavöllinn.
  • .6 2606025 Íþróttavika Evrópu 2026
    Grundarfjarðarbær tekur þátt í íþróttaviku Evrópu, eins og fyrri ár.

    Íþróttavika Evrópu verður haldin dagana 23.- 30. september í yfir 40 Evrópulöndum. Markmið vikunnar er að kynna íþróttir og almenna hreyfingu, auk þess að hvetja fólk til að hreyfa sig meira í daglegu lífi. Evrópubúar sameinast undir slagorðinu #BeActive.     Íþrótta- og tómstundanefnd - 117 Íþrótta-og tómstundafulltrúi kynnti dagskrá síðustu ára.

    Farið var í hugmyndavinnu vegna næstu íþróttaviku Evrópu og komu fram margar góðar hugmyndir sem nefndin ætlar að vinna áfram að.

    Umsóknarfrestur vegna styrkja fyrir íþróttaviku Evrópu er til 21.ágúst. Breyting hefur orðið á styrkútdeilingu þannig að hvert héraðssamband fær að hámarki 500.000 kr. en ekki hvert sveitarfélag eins og hefur verið.
  • .7 2604013 Beam verkefni
    Verkefnið heitir BEAM - Building Entrepreneurial Attitude and Mindset og er Erasmus samstarfsverkefni Snæfellsbæjar, Grundarfjarðar, Stykkishólms og sveitarfélaga í Suður-Eistlandi.

    Markmiðið er að þróa hagnýtt og notendavænt stuðningslíkan sem hjálpar okkur að efla frumkvöðlahugsun, sköpun, þátttöku og samfélagslega virkni ungs fólks í dreifbýli.

    Kynnt var staða verkefnisins, þar sem farið var yfir þá vinnu sem þegar hefur verið unnin. Jafnframt var gerð grein fyrir næstu skrefum í áframhaldandi vinnu verkefnisins.     Íþrótta- og tómstundanefnd - 117 Nefndin lýsti yfir ánægju með verkefnið.