516. fundur 09. ágúst 2018 kl. 12:00 - 14:16 í Ráðhúsi Grundarfjarðar
Nefndarmenn
  • Rósa Guðmundsdóttir (RG) formaður
  • Hinrik Konráðsson (HK)
  • Heiður Björk Fossberg Óladóttir (HBÓ)
  • Björg Ágústsdóttir (BA) bæjarstjóri
  • Sigurlaug R. Sævarsdóttir (SRS) skrifstofustjóri
Fundargerð ritaði: Sigurlaug R. Sævarsdóttir skrifstofustjóri
Dagskrá
Unnur Þóra Sigurðardóttir, formaður skipulags- og umhverfisnefndar sat fundinn undir liðum 2 og 3.

Formaður setti fund og gengið var til dagskrár.

1.Hrannarstígur 18, úthlutun íbúðar nr. 104

Málsnúmer 1806032Vakta málsnúmer

Íbúð fyrir eldri borgara að Hrannarstíg 18, nr. 104, var úthlutað á síðasta fundi bæjarráðs. Sá aðili sem úthlutað var íbúðinni, hætti við að taka hana. Önnur umsókn barst um íbúðina, frá Sverri Karlssyni. Bæjarráð samþykkti úthlutun íbúðarinnar til Sverris með tölvupósti.

Bæjarráð samþykkir samhljóða að úthluta íbúð nr. 104, að Hrannarstíg 18, til Sverris Karlssonar og staðfestir fyrirliggjandi samning.

2.Skipulags- og byggingafulltrúi, umsóknir

Málsnúmer 1804039Vakta málsnúmer

Unnur Þóra Sigurðardóttir, formaður skipulags- og umhverfisnefndar sat fundinn undir þessum lið.

Starf skipulags- og byggingafulltrúa var nýverið auglýst í þriðja sinn. Þrjár umsóknir bárust um starfið, auk eins erindis sem óljóst er af gögnum hvort sé umsókn. Óskað hefur verið eftir frekari gögnum til að upplýsa um hæfni umsækjenda.

Bæjarráð frestar málinu til næsta fundar.

Samþykkt samhljóða.



3.Verkefni og verklegar framkvæmdir sem heyra undir skipulags- og byggingafulltrúa - umræða

Málsnúmer 1808002Vakta málsnúmer

Unnur Þóra Sigurðardóttir, formaður skipulags- og umhverfisnefndar sat fundinn undir þessum lið.

Farið yfir verkefni og verklegar framkvæmdir sem heyra undir skipulags- og byggingafulltrúa, en bæjarstjóra var áður falin umsjón verkefna.
Fundargerð lesin upp og samþykkt.

Fundi slitið - kl. 14:16.